benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Comentar: La chestion 'Taleban' sfogateia endň su
scrit ai 21 June 2005 da les 07:00:00 da noeles

Politica

 

"N angel custode jissa valch iade ence debujegn canche an deura bocia" 

Plata Ladina: desplajei per i fac suzedus, ma la jent mess vegní informeda de certes minonghes - Envit a mete plu averda te chestions tant zities
 
La chestion dl "taleban", leveda su te na intervista a la Tageszeitung da pert president dla UGL, ne se achieta nia via. Ala rondenirŕ ciamň n pez encantourn. Massa grieva la titulazion, massa trueps i ofenus. Michil Costa ti á ence mané a la redazion dla Plata Ladina sun l Alto Adige na touta de posizion, ma con n valgunes desferenzes envers a chela sun la Tageszeitung y tla USC: da una na pert splíghel i fac suzedus y da l'autra pert atizeiel la chestion con ti tré sen dant a la Plata Ladina de "chirí vigni vertola per desfé".
Les esternazions angeliches de Costa.


La plata ova publiché y deslargé l fat sun l Alto Adige, sun l Trentino y sun l Corriere delle Alpi, oláche ala vegn fora de mertesc.  Entratant á la Usc publiché sia touta de posizion che corespon a chela dla Tageszeitung y tamben la touta de posizion dla Lista Ladins. Per encadré l fat él da recordé che la medema parola "taleban" fova steda dl 1998 gauja de plures per defamazion a la Procura, plures che é vegnudes tlafineda archiviedes. Enlaouta fova la chestion ciamň plu reventa, ti ova pu i Talebans dé sotet al terorist plu chirí dl mond, a Bin Laden, y al fova temp de lites. Sburlé n moviment o persones, che ne á nia da fé empera, publicamenter te chest cianton, é, a dí puech, bendebot de ofenuda.
 
La pert che á fat levé su l stuep, te chela intervista plena de agnui y arzagnui (l motto dla Maratona dles Dolomites de chesta outa, de chela che Costa é president):
A la domanda de Kronbichler: "Eise valch contra i LADINS?" respon Michil Costa: "I ne vue nia ester n taleban, al é valch de nia-ladin. Certa jent a chi che al ti sta a cuer la cultura ladina veidi te chest cianton. Ie me festidieie plu dl'autra pert dl'anima ladina". Florian Kronbichler: "Dla pert de persona de mond mineise?", Michil Costa: "Scí, nos Ladins son truep plu daverc coche an nes descriv y i ne me stance mai de ti consié a mi compaejans: jide fora per l mond! Jide!". Florian Kronblicher: "Jide fora, olá?", Michil Costa: "Al me plej per ejempl dret la zité de New York, un n iade al ann messi jí, zenza me máncel zeche".

 

Stimŕda redaziun dla Plata ladina dl Alto Adige
la mia morvöia ę bëgn grana canche i ŕ lit osc titul a caraters cubitai söl Alto Adige dl 15 de c.m.
Dandadöt, pur la par condicio, fóssel bun de scrě düta la intervista pur intir, sce n'urun nia fa l'Emilio Fede dla situaziun, pur che chi che lij l foliet capesces ince en pü de plü de ciche ala se trata, pur ne giudiché sënza avëi capě.
A me me sŕla bëgn dassën tragicomica la situaziun. I mëssi mâ me la rí, ciudiche, adüm a mia ignoranza me fajeis ince passé pur stupid. Stupid fossi bëgn sce i dijess ciche os mines de avëi capí. Pur ci motivaziun pa essi pa messü tó sö la inciaria da presidënt dla Generela? Pur ti bate cuntra i ladins?
Valgönes conscidraziuns:
* l'intervista é gnüda fata in pé, püc menüc denant ch'al metess man la conferenza stampa dla Maratona dles Dolomites, te zirca cater menüc, tla confusiun generala, cun jënt che passa y s'archita y i.i.
* al m'é gnü metü te bocia paroles ch'i n'ŕ nia dit -ladins impede ladiner é üna de chëstes-, y, bëgn da capě, la parola Taleban-, * l'intervista n'é assolutamënter nia gnüda reportada te na maniera testuala.
Mo düt chësc n'é nia de gran importanza. Iö ne l'ŕ nia sö cun l'autur dl titul, al fej pö ma so laur, al mëss vën copies. Al fajo respostes dër ”ajies”, y iö m'ŕ ma metü a so livel de discusciun. Valgünes de chëstes fo bëgn ince da rě ! les domandes y ince les respostes. Düt chësc n'é nia important. Important él che ince os Ves metes a so livel, ince ma pur ch'al vëgnes plö lit osc foliet, y cina chilň poi pö capě la situaziun.
Dassën sciode él ch'os, responsabli dl foliet chiris vigni vertura pur desfŕ i ladins y jënt che crëi tl identité ladina. Os sce fajes gran dan ai ladins. Fajan insciö, fajun dan a nos instësc, y valgügn s'la god. Ohh scioch ai god! I mi plö gragn complimënc a Os. Metesse mo l'cör söla cosciënza, y saves ci? Imparede n pü plö da ves la rě o minese che l ”sense of humor” sides ma n optional?
A me sala da spavënt bela chësta Vita, a os pa?
Cun stima
Michil Costa, presidënt dla UGLD
 
Resposta
 
Tia ultima touta de posizion sun la Tageszeitung é plu o manco l contrar de cie che te scrives a nos. Impede tó les destanzes da cie che te as dit y prié perdonanza per na ofenuda inazetabla de chela unica forza politica che s'ŕ enfin a sen impegné‚ per l'Union Generela y sie reconesciment (entratant che d'autres forzes politiches é dagnora judes contra y vŕ ence encuei ciamň decontra), criticheieste te chesta touta de posizion nueva l "Alto Adige". Ciuna de chestes does verscions é pa veira?
Te rejones de "par condicio": nos defenon i ofenus. Cie fal é pa chest?
Te as articulé na ofenuda primitiva y antiladina, nost medium ŕ fat sie laour de "informazion critica". Nos ti on dé esprescion a les perplessités y ai sospec legitims dla jent. Essanse messů scuté? Sc'i esssan scuté, fossa tia ofenuda vegnuda "ignoreda". Ma co pňn pa ignoré na tel cossa y co pň pa l publich en general vegně al savei ciuna che é tia dreta opinion canche al é tomé paroles tant grieves? Te tia letra nes tireste dant cosses tamben grieves, sciche chela de desfé i ladins, zenza splighé co, can y percie: preibel fac concrec y proves, sce no tira zeruch ties acuses fora de schedra y fora de mesura! Michil, tu as metů fora chi che crei tla identité ladina sciche "talebans". Con tia constatazion de "taleban" este l ultim che pň nes tré dant valch.
Tu as fat l fal, nia nos, nos on demé indiché publicamenter ties paroles scandalouses y i porton prň enscě a na clarificazion. "Metesse mo l'cör söla cosciënza, y savęs ci? Imparede n pü plö da ves la rě o minęse che l "sense of humor" sides ma n optional?". Sce nos te dessan publicamenter a Ti dl "fascist" o valch auter inom da criminal, te la riesseste? o toleste posizion?
"Pur ci motivaziun pa essi pa messů tó sö la inciaria da presidënt dla Generela? Pur ti bate cuntra i ladins?" A chesta domanda messeste enstes respone - fat l aste.
 
"Al m'é gnü metü te bocia paroles ch'i n'ŕ nia dit - ladins impede ladiner, üna de chëstes, y - bëgn da capí, la parora "taleban": sce l jornalist  te á metů tla bocia paroles che tu ne as nia dit, ciuldě ti atesteieste pa tla touta de posizion sun la Tageszeitung y sun la Usc "coreteza" y "profescionalité"? Ciuldě nia contesté l jornalist che á perauter reconfermé che te as dit "taleban"?
 
Tu che ti das dl "taleban" a chi che se ŕ batů per i derc di ladins da BZ enfin a Roma (y ŕ ence giaté rejon da la Court Costituzionala sun la lege litala), ciuna é pa tia vijion o tia politica ladina sciche president dla UGL? Nos respeton ties idees filosofiches y tie "sense of humor" o matades tant inant che al se trata de minonghes personales, ma dal president dla UGL nes aspetassanse propostes y programs concrec per la defendura y l svilup dla ladinité y dl'unité di ladins. I nes aspetassan na tia touta de posizion programatica y clera sun chestions fondamentales per i ladins:
 
- cie valour/posizion ŕ pa na mini-mendranza tl contest dla globalisazion y dla UE (chestion filosofica, politica y culturala)?;
- cie fé per combate l "sacher egoism" de n valgunes valedes che ne vuel nia en savei dles autres?;
- cie fé per abiné l reconesciment dla Generela da pert dles autorités politiches de BZ aldň dla lege 482/99?;
- cie fé con l ladin standard y co l mete en pratica metan man olŕ che la UGL ŕ la poscibelté de l fé (La Usc, comunicac, etc.)?;
- cie fé per combate l dejenteres general y motivé i joegn y colaboradours volontars?
Y spo la scola, l'université de BZ, etc. etc.
 
Dal president y diretour dla UGL nes aspetonse propostes operatives y azions plutost che esternazions filosofiches y mistiches sun la stampa ladina y foresta; dal president nes aspetonse n comportament sinzier y linear y no matades da una na pert y reflons da l'autra.
L comité de redazion dla Plata Ladina sun l Alto Adige

 

 Sentenza dla Court Costituzionala sun la lege litala tla provinzia de Bulsan (1998)

 

 Union Generela di Ladins: Consei nuef en pé
 Les enciaries nueves tla Generela
 Union Generela: Lardschneider prum diretour
 Enconteda anter Union Generela di Ladins dles Dolomites y Durnwalder
 En sabeda tla Tageszeitung - paroles grieves dl president nuef dla Generela
 Carlo Willeit (LADINS) damana na spligazion y scuses ofiziales

 Michil Costa preia perdonanza



 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: La chestion 'Taleban' sfogateia endň su (ponc: 1)
da travers ai 21 June 2005 da les 16:01:58
(Infos sun l utilisadour | Ti mané n messaje privat)
Les domandes é truepes. Sce l president dla UGL metessa man de respone dijan sce al é a una con "Les undesc teses per na politica linguistica ladina" y coche al pensa de les mete en pratica.
Tla lista dles persones che les ŕ sotescrit mŕncel tamben la firma dl president che chela dl diretour dla UGL. Na desmentianza o n signal de dejaprovazion?



Re: La chestion 'Taleban' sfogateia endň su (ponc: 1)
da Claudio ai 21 June 2005 da les 19:45:54
(Infos sun l utilisadour | Ti mané n messaje privat)
Sun la ultima USC pňn lieje depierpul n svilup dassen positif de "politica ladina": te Fascia vŕ UAL (Union Autonomista Ladina) a pér con la cultura y la politica linguistica, duc a una de aumenté la lerch dl ladin, de l promueve te duc i ciamps (aministrazion, radio, tv), de reconesce la Generela desche pont de referiment interladin y de adoté na politica linguistica interladina, adoran y svilupan l standard, ence da soui, sce i autri ne vuel nia jí empera.

Dut cosses che tla provinzia de Bulsan ne é nia da vedei, ciuldě pa nia?



Re: La chestion 'Taleban' sfogateia endň su (ponc: 1)
da Jepele ai 21 June 2005 da les 20:30:20
(Infos sun l utilisadour | Ti mané n messaje privat)
Cun dut l respet per la presidenta onorara Hilda Pizzinini, ciuldí messňvela pa enjigné ca la lita de Costa che an ne sŕ nia avisa cie motivazions che al á: una dles prumes azions fova de aficé la Generela per n concurs dla Maratona dles Dolomites. Sen sautel fora la polemica dl "taleban". Al ne á nia firmé les "11 teses" dla UGL. Sies intervistes y sie "raisplais" ne fova enfin a sen nience particolarmenter informatifs.
Dut mostrova denant sun n davegní plu organisé y operatif dla Generela, inovazion envieda via sot al president da dant, Nani Pellegrini: statut nuef, enciaria da diretour, Ofize Linguistich etc.



Re: La chestion 'Taleban' sfogateia endň su (ponc: 1)
da giatfosch ai 21 June 2005 da les 20:32:21
(Infos sun l utilisadour | Ti mané n messaje privat)
l comentar de pruma dla Usc brava ben tan de verité y verité y mé verité ... mo ci che la Usc scuta ia, ie deplu de ci ch'ara scrij.
a pert che l comentadů č diretamenter lié a M.C. sciöche diretur ... "Befangenheit hoch zwanzig."



Re: La chestion 'Taleban' sfogateia endň su (ponc: 1)
da giatfosch ai 21 June 2005 da les 20:37:09
(Infos sun l utilisadour | Ti mané n messaje privat)
i angiui custodi n'adorasson pa nia mâ sc'an va cun l'auto, mo ince can che an daür bocia, nopa M.C.



Re: La chestion 'Taleban' sfogateia endň su (ponc: 1)
da Jepele ai 21 June 2005 da les 21:23:40
(Infos sun l utilisadour | Ti mané n messaje privat)
Tla USC auter che "par condicio": l comunicat di ofenus vegn metú sotvia, scurté adum per ne ti fé nia mel, la resposta de MC vegn metuda souracá con sotfonz cuecenin (mai fat scenň tla pert dles letres). Normalmenter méten la letra che ghira n sclariment dantfora y dedň la resposta. Desfrunté.



Re: La chestion 'Taleban' sfogateia endň su (ponc: 1)
da giatfosch ai 21 June 2005 da les 23:03:40
(Infos sun l utilisadour | Ti mané n messaje privat)
"l'argumentaziun" de Michil pö scrita jö n pert da n'atra porsona ... vignun é tan brau sciöche sü aconsiadus ...

ci che messass ince gně fat foss n'ejaminaziun dl jornalist F. Kronbichler. conesciü por söa posiziun antiladina, da agn. "Ins Krautwallische" ŕl scrit/lascé scrě sciöche chef-redadů dla FF ... punsede mo sce n foliet talian scrijess "poi si va dai crucchhi", an scraiass de razism. Mo sce i todesc é razisc ne dij degügn nia ..


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.425 seconc