benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Michil Costa preia perdonanza
scrit ai 17 June 2005 da les 13:44:34 da noeles

Politica

 

Michil Costa: "I preie perdonanza"

Costa: "Ie ne rate nò me, nò membri dla lista LADINS talebans o fondamentalisc'"
 
La parola "taleban" é tomeda y Costa Michil preia sen perdonanza. Encuei (17.06) á la Tageszeitung publiché la retifica a sia intervista de en sabeda (11.06) sun l medem foliet. Michil Costa: "Per me él emportant de sclarí che ie ne é fat deguna corelazion anter la cultura ladina, la lista LADINS y i talebans, l contrar, ie ti sé gré a duc chi che á laoré con gran pascion, volontaramenter y zenza sconé bries per la gauja ladina. Sce valch Ladin se á sentí ofenú da mies paroles tla intervista, sonsi enjigné da prié perdonanza. I ladins y l lingaz ladin me sta a cuer y mia enciaria desche president dla Union Generela di Ladins dles Dolomites é per me na onour y na oblianza."


Al jornalist, Florian Kronblicher, ti atesteia Costa coreteza y profescionalité tla reproduzion de sia intervista y da l'autra pert che al "essa endere fosc messú vegní formulé miec la frasa che á condut a les melinterpretazions". Michil Costa: "Ie ne rate nò me, nò membri dla lista LADINS talebans o fondamentalisc', chest volessi dí clermenter". 
 
L jornalist Florian Kronbichler á reconfermé sun domanda che les frases é vegnudes dites tl significat desche al é scrit tla intervista tla Tageszeitung di 11.06.05. Al é tomé chela parola.
La terminlogia: "talebans" o "fondamentalist", ne é nia adateda y nia-azetabla te n dialogh cultural, politich y ideologich davert. Condutes les spligazions réstel na saour ajia y l debujegn de savei cie motivazions che al é sté viadedò. (is)
 

 

 

 Union Generela di Ladins: Consei nuef en pé
 Les enciaries nueves tla Generela
 Union Generela: Lardschneider prum diretour
 Enconteda anter Union Generela di Ladins dles Dolomites y Durnwalder
 En sabeda tla Tageszeitung - paroles grieves dl president nuef dla Generela
 Carlo Willeit (LADINS) damana na spligazion y scuses ofiziales



 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 1
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Michil Costa preia perdonanza (ponc: 1)
da giatfosch ai 17 June 2005 da les 20:21:12
(Infos sun l utilisadour | Ti mané n messaje privat)
Ci che alda da dì: l jornalist dla TZ tol ca la parora "Berufsladiner" - sciöche i estremisc de man derta baia de "Berufsjuden" ... na bela compagnia por la TZ.

L maiú dann ai ladins i fej chi che deida i nazionalisc dla maioranza y criminaliseia chi che s'impegneia por les rajuns dla mendranza. Magari n'él ince co arata da avei humor sc'ai ti dà dl taleban = criminai a d'atri.


Noeles.net y Alto Adige á mostré da ester la coscienza ladina !




Re: Michil Costa preia perdonanza (ponc: 1)
da Jepele ai 17 June 2005 da les 22:53:47
(Infos sun l utilisadour | Ti mané n messaje privat)
Ie dijesse che Costa ne messessa nia plu scuté su i conseis de chela persona che l'á mené sun la glacia con informazions faledes, detedes da senn personal.



Re: Michil Costa preia perdonanza (ponc: 1)
da giatfosch ai 17 June 2005 da les 22:57:09
(Infos sun l utilisadour | Ti mané n messaje privat)
sce y no, vignun é tan schiché co sü aconsiadus y informanc. Un che va a se tó informanc ignoranc é instes de colpa. Michil, chesta burta storia te romagn - anfat co che tö chiri vertores ...



Re: Michil Costa preia perdonanza (ponc: 1)
da travers ai 18 June 2005 da les 12:07:51
(Infos sun l utilisadour | Ti mané n messaje privat)
Nia da crei cie che nost president filosof batoleia adum. Da se fé domandes ne él nia demé sun la "slisoreda" talebana ma dantaldut sun sia vijion comica-mistica dla chestion ladina. Ti damanaràl mo aiut ai angiui sciche per la Maratona dles Dolomites? O se tràtel demé de na coionaria?


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.393 seconc