benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Zenter scolastich a Urtijei
scrit ai 15 June 2005 da les 14:03:43 da noeles

Aministrazion

 

Scoles a Urtijei: ITC y scola profescionala sot un n tet

La scola nueva de 28.000 metri cubics sarà fineda per l'aisciuda 2008

L Istitut Tecnich Comerzial (ITC) “Raetia” y la Scola d’Ert Profescionala Provinziala dess giaté deberieda lerch te n frabicat soul sun la spersa dl ITC. A chesta conclujion é vegnus a una enier, ai 14 de jugn, l assessour provinzial per i laours publics, Florian Mussner, l diretour de departiment Josef March, l’assessoura comunala de Urtijei Elisabeth Baur, i diretours de scola Otto Moling y Julius Senoner, l Intendent per les Scoles Ladines Roland Verra y l diretour de partizion Alexander Prinoth. I laours da fabriché dess vegní metus man tl scomenciament de jugn dl 2006.



Do deplù discuscions ésen  vegnus a na dezijion a revert l fabricat nuef da scola da realisé sun la spersa dl ITC "Raetia": al dess vegní enluegé sibe l ITC “Raetia” che la Scola d’Ert profescionala Provinziala sot un n tet. Tramesdoes les scoles ova ti agn passés da combate con problems de lerch. “L departiment per i laours publics à fat na enrescida che mostra che tramesdoes les scoles à lerch sun l terac dl ITC y che an pò renunzié a n fabricat nuef sun l terac tla streda Cademia coche an ova pensé de fé dant” , spliga l diretour de partizion March. La frabica nueva dess sporje deplù vantajes: “Con l ITC, la Scola Profescionala y la Scola d’Ert, che é atira ilò dlongia, végnel trat adum dutes les scoles secondares te n zenter scolastich sun una na spersa soula”, dij l assessour Mussner. La frabica nueva ne tol nia fora plu lerch che la frabica da sen con la palestra, daviadechel ne ti vegnìssel nia tout demez a les scoles valch spersa ledia, al vegnissa demé anuzé miec la cubatura. La palestra da sen vegnirá zareda ju y integreda tla frabica nueva. Dantaldut déssel vegnì anuzé la cubatura sot a tera, fajan fora sot a la plaza de paussa berstotes y locai desvalifs che vegnirá luminés da l'auta ju con lum naturala. I auti che é aldidancuei parchés sun la plaza dant scola dess vegnì spostés te na garage sot a tera. Entant l temp de frabica vegnirà n valgunes classes dles scoles metudes ju provisormenter te d’autres scoles. La scola nueva, che sarà bonamenter fineda da d'aisciuda dl 2008, ará aldò dl diretour de departiment March na cubatura de entourn 28.000 metri cubics. I responsabli dles scoles y la reprejentanta dl comun é stés a una con la proposta porteda dant dal departiment provinzial per costruzions. L assessour provinzial Florian Mussner darà fora proscimamenter l decret per la mudazion. Te en doi meisc podaràn, enscí ráten, bele avei n projet preliminar. Tla fasa de projetazion vegnirál tegní demeztroi contat con les persones responsables dles scoles y tout en consciderazion sies propostes”, enscí les empermetudes dl assessorat.  Les does scoles vegnirá partides su internamenter. (fontana: osp)

 

 Istitut Tecnich Comerzial (ITC) "Raetia" Urtijei 




 
Liams emparentés
· Deplú sun l tema Aministrazion
· Chier te noeles


L articul plu liet te chest tema Aministrazion:
Dal Ofize chestions linguistiches: does verscions ladines dl Statut de autonomia


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.352 seconc