benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Caje Michil Costa, president dla Union Generela
scrit ai 15 June 2005 da les 13:21:14 da noeles

Politica

 

Willeit a Michil Costa: "Nos damanon na spligazion y scuses ofiziales"

Na gran daudanza per la Union Generela y na ofenuda dl Moviment Ladins y de duc I Ladins
Willeit CarloAi 11 de jugn à l president dla Union Generela, Michil Costa, dessegné te na intervista a la Tageszeitung na comunanza ladina che é chilò per se ralegré de sies montes, de sia spiritualité, de si afars y per jí fora per l mond a se daurí, a vedei, a emparé i ne sà nia cie. Do valch domandes tres plu curiouses dl jornalist sauta Michil Costa fora de n saren via sun l Moviment LADINS, i paradlan con i talebans, n moviment islamich che à governé gran pert dl Afganistan dal 1996 al 2001, copan y martorjan a inom de na vera santa. O che Costa ne sà nia cie che i talebans é o che al ne sà nia cie che i LADINS é.

Dal Sassicaia a la parola pesocia de "Taleban", la persona de mond Michil Costa.  I LADINS s'aspeta spligazions y scuses ofiziales denant che cialé plu inant al fat dassen desplajoul.



Te entramidoi i caji él na daudanza per la Union Generela di Ladins dles Dolomites y na ofenuda dl moviment LADINS y di Ladins enstesc (passa 4000 à ciamò lité LADINS da les ultimes lites provinziales y passa 1000 à lité LADINS da les ultimes lites comunales demé te Gherdeina). De fanatism ne él mai nience sté l'ombria pro i LADINS. L sospet che do les paroles de Costa via se ascónel na cossa programeda o aconsieda da d'autri é almanco tant gran che la legreza che ti vegn fata a chi che ne dura nia i ladins con na sia identité cuturala y soziala y fej de dut per i despartí y i endeblí. I LADINS s'aspeta spligazions y scuses ofiziales denant che cialé plu inant al fat dassen desplajoul.

Carlo Willeit

 

 En sabeda tla Tageszeitung - paroles grieves dl president nuef dla Generela

 Union Generela di Ladins: Consei nuef en pé
 Les enciaries nueves tla Generela
 Union Generela: Lardschneider prum diretour
 Enconteda anter Union Generela di Ladins dles Dolomites y Durnwalder


 

 Plata dl Moviment Politich LADINS (MPL)  



 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 3.66
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Caje Michil Costa, president dla Union Generela (ponc: 1)
da Claudio ai 15 June 2005 da les 13:52:52
(Infos sun l utilisadour | Ti mané n messaje privat)
Michil Costa, desche "persona de mond" che al se definesc, sà avisa cie che talibans é y avisa cie che al dij. Al resta la domanda, sce l Consei dla Generela ti và do.



Re: Caje Michil Costa, president dla Union Generela (ponc: 1)
da travers ai 15 June 2005 da les 16:08:24
(Infos sun l utilisadour | Ti mané n messaje privat)
Mah, i me teme che MC fajarà finta de nia, coche al é ormai tradizion de trueps presidenc y autri responsabli chilò da nos. Ma l consei dla UGL dess savei che MC à violé l prinzip de 'apartitizité' scrit ite tl statut , cie che risc'ia de met sotissoura la UGL enstessa.



Re: Caje Michil Costa, president dla Union Generela (ponc: 1)
da giatfosch ai 15 June 2005 da les 16:09:36
(Infos sun l utilisadour | Ti mané n messaje privat)
Michil, stà mâ pro tü vins, al é damì!
Ciacolé da schiché é üna na cossa, dì val da schiché val d'ater. Y arata Michil da ester damì ajache al é sté a New York? Dessel imparé ladin dan che gnì cun de te' blastemes che é Stahlhelm-Fraktion.



Re: Caje Michil Costa, president dla Union Generela (ponc: 1)
da Jepele ai 16 June 2005 da les 18:49:08
(Infos sun l utilisadour | Ti mané n messaje privat)
Ince do mia minunga él na cosa iresponsabla y nia-azetabla, ma che al ne sará pa nia l'ultim iade bonamenter. La parola "taleban" ne ti é nia slisorada insciö fora dla bocia zenza rajun y zenza orei. Ciodî ne ti dôl pa nia na te' titulazion a valch esponent dla SVP? che á na posiziun politica cotan plü dalunc dal program dla Generela. Al mess ester incer el ia porsones, aconsiadus, che ti dá chest input, bonamenter avisa porsones che ti á fat la proposta de presidenza dla Generela.



Re: Caje Michil Costa, president dla Union Generela (ponc: 1)
da Jancarlo ai 15 June 2005 da les 18:03:44
(Infos sun l utilisadour | Ti mané n messaje privat)
Sce chest passa zenza conseguenzes tl Consei dla Union Generela o che al fej finta de nia, ne él nia plu zite cie che an dij y scriv de chesta Union. Cie che Costa á dit scí é "unladinisch". Bel ejempl de intoleranza.



Re: Caje Michil Costa, president dla Union Generela (ponc: 1)
da travers ai 17 June 2005 da les 11:08:31
(Infos sun l utilisadour | Ti mané n messaje privat)
Per vedei tant y coche i dirigenc dla UGL se engajeia per na politica linguistica ladina, jide mo a ti cialé a chi che à sotescrit le 11 teses (chilò sun noeles.net), aprovedes perauter sciche document-manifest ofizial dla UGL: no Michil Costa, no Ilda Pizzinini, no Werner Pescosta, no Egon Vinatzer, etc. . Al mancia sambegn ence i dirigenc di istituc culturai y dl assessorat ladin de Bulsan.



Re: Caje Michil Costa, president dla Union Generela (ponc: 1)
da Jepele ai 17 June 2005 da les 15:16:42
(Infos sun l utilisadour | Ti mané n messaje privat)
I ne á nia na spligazion logica, fosc ne vuel degugn se "compromete".


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.391 seconc