benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Comentar de Fabio Chiocchetti: convegnenza y verité
scrit ai 31 May 2005 da les 10:49:43 da noeles

Ladin Standard

 

I media ladins messessa dantaldut dí la verité!

Empede scuté via dut cant per ne ti fé nia n desplajei ai potenc - Per dovei de cronaca y amour dla verité - Comentar al articul "I media portadours dl lingaz", USC, n. 20, pl.  4 - Di di media ladins a Cianacei 2005 

de Fabio Chiocchetti

Fabio ChioccettiBernard Cathomas – dij l articolist – à splighé bel avisa la situazion di media ti Grijons, olache “él doi esperc linguistics (sic) che chier paroles y les forma per dutes les esigenzes”. Perdret, chest é l “Post da Rumantsch Grischun”, metù en pe da la Lia Rumantscha, bele canche Cathomas fova Secreter General de chela organisazion, per svilupé inant l lingaz unifiché y enjigné les massaries linguistiches y tecniches che an adora tla sozieté moderna (“Pledari Grond”, terminologia moderna, suporc informatics), massaries che vegn adoredes bele da agn ence dai jornalisć “Tles valedes ladines – dij inant l articolist – onse deplù istituc che pò vegnì contatés per paroles y neologisms, demé che al volessa ester n zenter sciche tla Svizera, n zenter che chiere soluzions tles chestions dl lingaz y forma ence les paroles tl standard”.  Foto: Fabio Chiocchetti.

 



Veira. Demé che n tel “zenter” fova bele tles valedes ladines: al fova vegnù metù su dl 1994, avisa do l ejempl di Grijons, con l inom de “Servisc de elaborazion y de planificazion dl lingaz ladin” (acronim: SPELL). Demé che chest “Servisc” – che à laoré fora apontin (mo ciala!) “Pledari”, terminologia moderna y suporc informatics – é vegnù boicoté sistematicamenter, desbuté y desdrut defin. Chest é suzedù tles valedes ladines. L at formal de mort de chest Servisc é l 25 de setember dl 2002, canche al é vegnù desgort brutalmenter Erwin Valentini, chel che ova porté inant l projet sun “Terminologia y standardisazion” davagnan per l ladin n contribut dla Comiscion Europeana de 220.000 milions de lires da enlaouta y la creta dl mond scientifich (n projet “très bien formulé, très bien motivé”, fòvel scrit, cernù fora da ejempl sciche un di miours anter cenc y cenc de projec portés dant per la promozion dles mendranzes). Chest é suzedù tles valedes ladines.
Na debla parvenza de chest Servisc interladin viv inant – tla stenta – enchin a sen con l Ofize linguistich dla Union Generela, endò samben boicoté, desbuté y tralascé, y an ne sà nia tant inant che al souravivarà, do che sie diretour Erwin Valentini à dé les demiscions en gauja dl’apatia di ladins: al podessa ester l coup de grace definitif per vigni ambizion de politica linguistica interladina. Pu samben: i ladins preferesc laoré fora terminologia nueva vignun per sie cont (duc é pu “esperc linguistics”), y samben ti singui idioms de valeda, pardon, ti DOI idioms de valeda che conta (dut l rest é pu n tel mez talian), unfat sce an à bele tles mans na banca de dac invidiabla de passa 200.000 formes, banches terminologiches speziales per 16000 formes, corpora testuai per passa 6 milions de paroles, tool box de concordanza per la consultazion on line di corpora, coretours ortografics y tost ence n adatatour morfologich per passé plu saurì da les variantes locales al ladin standard. Unfat. Al é miec scuté via dut cant y rezité la pert di “poreti”: “Chilò messessa i ladins dles Dolomites recuperé truep”, dij for l articolist.
Chilò messessa i ladins (dantdadut i media ladins) dì la verité, ma demé puec se enfida. Chestes medemes cosses é vegnudes dites avisa tl seminar sun i media ladins, prejenc i jornalisć ladins y i osservadours da foradecà, ma al é miec “glissé” elegantementer sun cerc argomenc zitesc, per ne ti fé nia desplajei ai Potenc.
Al vegn da dì, parafrasan l gran poet gherdeina y damanan perdonanza per valch versl ipermeter: “O pitla intellighenzia ladina / tan giut sares’a mo tu bona / de fé ujiné verité y cunveniënza?”
 
 
 
 
 
 Liam a TALES, la banca dac dl ladin:
 
 
 
 
 
D'autri articui comparus sun noeles.net sun la medema tematica:
 Convegn di media ladins a Cianacei, 19 - 21 de mei 2005
 Media Ladins: Convegn a Cianacei 19 - 21 de mei 2005
 Media Ladins: la minonga de n letour
 Assessour ladin o assessour a la cultura gherdeina y badiota?

 Relazion dl conseier ladin Luigi Chiocchetti

 Intervista al vize-president dla Region Luigi Chiocchetti
 Enduneda anter Bulsan, Trent y Cuira - Co la veid pa Bulsan?
 Enduneda anter Bulsan, Trent y Cuira

 


Ladin Standard

· Tema: Ladin Standard
· articui endut: 52
· letures endut: 9482
  Comentar de Fabio Chiocchetti: enconteda di media ladins, convegnenza y verité
  Assessour ladin o assessour a la cultura gherdeina y badiota?
  Manifest Ladinia 2005
  Union di Ladins de Fascia: touta de posizion
  Ladin Standard: pruma valutazion
  Documentazion: n protocol dla Svp de Gherdeina
  Con l Ladin Standard ciálen inant
  Resson da l'Inghiltera sun l curs de Ladin Standard
  SPELL: la situazion tl 2004
  Ladin Standard: dutaorela paussa de reflescion
· deplù -->  

 
 

 
Liams emparentés
· Deplú sun l tema Ladin Standard
· Chier te noeles


L articul plu liet te chest tema Ladin Standard:
Dal latin al ladin: storia dla evoluzion dl lingaz ladin


Valutazion dl articul
Cumpeida mesana de oujes: 5
Oujes: 6


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Comentar de Fabio Chiocchetti: enconteda di media ladins, convegnenza y verité (ponc: 1)
da EValentini ai 31 May 2005 da les 14:02:00
(Infos sun l utilisadour | Ti mané n messaje privat)
L scuté via dut cant é na politica sistematica - pérel - de La USC y de sie editour, lla Union di Ladins; la medema critica ti ovi fat te mie articul "Na verité che và demé ben canche al é comot é fauza te sies fondamentes" - publiché sun chest sit ai 23 de mei. I ti l ove ence mané a La USC da publiché sciche input per l seminar de Cianacei ma cie che al é suzedù empera ne séi nia. I posse ben capì che al sie rie de publiché critiches son sie cont ma l editour essa pu abù duta la lerch per desmentì rebate y porté dant siei argomenc. Miec scuté chiec...Schweigen ist Gold.



Re: Comentar de Fabio Chiocchetti: enconteda di media ladins, convegnenza y verité (ponc: 1)
da Jandaniel ai 31 May 2005 da les 15:50:32
(Infos sun l utilisadour | Ti mané n messaje privat)
Erwin Valentini scrivova sun la delibera dl Consei dl dl Istitut ladin Micurà de Rü de sostegní la delibera Mussner, che ti á tout l sostegn ofizial al Spell: "de tel dezijions, che ie ne conesce nia, n'él vegnù rejoné no al Colloquium Romanistich a la fin de setember dl 2002 a San Martin, no al Convegn soziolinguistich de dezember 2002 a Urtijei (prejentazion dl Dizionar dl SPELL), no te autres discuscions anter i enc responsabli de SPELL." L Istitut Ladin porta perauter l inom dl prum percursour de na unité de lingaz di Ladins, Micurà de Rü y an l ova, desche Lois Craffonara dij, propi per chesta rejon nominé enscí. An á asconú via chesta dezijion anti-SPELL enfin a la publicazion dla delibera ai 27 de jené 2003. An ne dess nia demé ti fé colpes perchel ai jornalisc', ma ence critica a la direzion Istitut y a la Intendenza Ladina.



Re: Comentar de Fabio Chiocchetti: enconteda di media ladins, convegnenza y verité (ponc: 1)
da giatfosch ai 31 May 2005 da les 16:25:32
(Infos sun l utilisadour | Ti mané n messaje privat)
ci morvöia saràl, chest é le regime.
che le jornalism s'arbassa de söa bona, ne i fej indere nia onur.



Re: Comentar de Fabio Chiocchetti: enconteda di media ladins, convegnenza y verité (ponc: 1)
da EValentini ai 31 May 2005 da les 18:48:55
(Infos sun l utilisadour | Ti mané n messaje privat)
Perdonede, l articul a chel che i fajove referiment dessoura é:
"Nia demé cronaca, i media mess ence comenté y splighé".



Re: Comentar de Fabio Chiocchetti: enconteda di media ladins, convegnenza y verité (ponc: 1)
da Claudio ai 02 June 2005 da les 12:07:32
(Infos sun l utilisadour | Ti mané n messaje privat)
L articul "Na verité che và demé ben canche al é comot é fauza te sies fondamentes" é vegnú publiché tla ultima edizion dla USC, l auter nia. A vedei sce l assessour de Bulsan respon. Baudi ne se sent les istituzions nia en dovei de splighé les rejons de sies dezijions.



Re: Comentar de Fabio Chiocchetti: enconteda di media ladins, convegnenza y verité (ponc: 1)
da travers ai 02 June 2005 da les 12:45:54
(Infos sun l utilisadour | Ti mané n messaje privat)
La politica dl scuté via, de ne respone nia a critiches, per che sie na metodologia generala dles autorités politiches, culturales y autres de Sudtirol. N diretour de n istitut cultural à formulé n iade chesta filosofia enscì: Lascedei demé scraié fina che ai se stufa, sce i ti responon ti don demé ressonanza (o publizité) a sies idees (de chi che critica).
Bei uns in Tirol déssel demé valei una na idea, chela dl' autorité.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.405 seconc