benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Mareo: la jonta de comun en pé
scrit ai 30 May 2005 da les 09:20:58 da noeles

Politica

 

L ombolt Fortunato Ferdigg á fat sia lita per la jonta

Erlacher Stachio é ju fora a vuet pro la formazion - La lista "Deboriada" và tla oposizion

Do les lites comunales di 8 de mei, él sen vegnù per i ombolc lités l'ora da mete adum la jonta, i assessours che se cruziarà ti proscims cin agn di setours desvalifs dla vita comunala. Ence te Mareo ésen oramai ruvés a na dezijion. En vender, ai 27 de mei da les 16.00 s'à enconté per l prum iade les persones litedes dant da puech manco de n meis.



Sceben che oujes fova bele ruvedes encerch per i paisc maroi, aspetova truepa jent che l ombolt nuef Ferdigg Fortunato
pronunziassa ofizialmenter i inoms di 5 assessours. Chisc i inoms: per la frazion de Rina ne se mùdel nia, Winkler Fonjo (198 usc)  é vegnù reconfermé assessour. N mudament él sté per la frazion de La Pli, olache Erlacher Richard (175 usc) à giaté l post te chesta legislatura. Truep se muda tla fraziun de Al Plan.  I assessours dla ultima legislatura ne é nia plu ruvés te comun, perchel àla toché da chirì fora persones nueves. Ferdigg Fortunato (891 usc), Ties Walter (144 usc), presidënt dl SC Mareo y Paul Vallazza (141 usc), sourastant dla Union di Ostiers de Al Plan, chisc é i inoms chiris fora. Na gran delujion él sté per l candidat da ombolt Stachio Erlacher, che con sies 666 oujes se aspetova, y se miritova magari ence n assessorat. Na sia nominazion vedova Erlacher Stachio dantaldut giustificheda per la gran cumpeida de oujes, per sia esperienza de 25 agn te comun y per la volenté dla jent. La resposta dl ombolt é steda clera. Bele dant les lites ti ova Fortunato fat la proposta a Stachio de sté sun sia lista. Stachio á endere opté per na lista a pert, refudan la proposta de Fortunato Ferdigg, che dij che "sen àl da tó les conseguenzes". 
Do na lita tant combatuda, dantaldut tla propaganda, fòvel da se empensé che al ne fova nia saurì da giaté n compromis anter la lista "Al Plan" y la lista "Deboriada". Sce chest sozedarà ence te consei, él ciamò massa adora, da dì. Cler él che an messarà cialé da giaté na forma de colaborazion y an messarà cialé da giaté n post, oláche an met da pert i personalisms y ti lascia lerch a la rejon.  Ala vegn da mantegnì (per dutes les listes) les empermetudes fates dant les lites, y chest ne sarà per duc nia saurì, davia che empermetù él vegnù (desche pro vigni lita) cotant.  (PdF)
 
 

D'autri articui comparus sun noeles.net sun la medema tematica:

 Les lites comunales te Mareo: n comentar
 Mareo: lista AL PLAN - Program da desçiarié ju
 Mareo: lista SVP de La Pli - Program da desçiarié ju
 Mareo: program dla lista zivica La Plì  - Program da desçiarié ju
 
Lites comunales te Mareo: lista DEBORIADA


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.375 seconc