"Die Rechtfertigung", n vedl om y sies ex-femenes
Prum teater todesch dl autour ladin Iaco Rigo - Premiera en mercui, ai 8 de jugn 2005 tl Teater dla Zité a Bornech
Cie ti ródel pa tl cef a n el vedl che s'en anadá do na vita profescionala plena de suzes, che sies ex-femenes, sies "eles", l chier? "La giustificazion" é n toch dramatich y tl medem temp strenf y fora de uega. Les trei ex-femenes vegn te Ciasa de paussa a vijité sie "ex-om", oramai vedl. An volessa miné che da vegní vedli devénten plu madurs y calms, ma al suzed avisa l contrar: an se fej da volei creve, meina vera y al suzed enfinamai n tentatif de omizide. Chesta é en curt la tramadura dl toch scrit dal autour ladin Iaco Rigo, sie prum teater per todesch che al á scrit aposta en l ann passé da d'auton per la raprejentazion tl Teater dla Zité a Bornech.
I joblers/les jobleres: Oliver Pezzi, Irmgard Sohm, Sonja Ellemunt, Ursula Elzenbauer y Rainer Reibenbacher. La regia é tles mans de Mateo Taibon. Costums, scenars y lumes de Barbara Westerman.
La pruma raprejentazion vegnirá porteda dant en mercui, ai 8 de jugn 2005, da les 20,00, les autres en juebia, ai 9 de jugn, da les 20.00; en venders, ai 10 de jugn, da les 20.00, en sabeda, da les 20.00 y en domenia, ai 12 de jugn, da les 18.00, tl "Stadttheater Bruneck".
