benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

ALS: L Atlant Linguistich Ladin che rejona
scrit ai 19 May 2005 da les 22:22:25 da noeles

Cultura

 

L Atlant che rejona ladin

L Atlant Linguistich Ladin Sonour (ALS) dal 2005 te internet - I sons dl lingaz

L Atlant Linguistich Ladin Sonour (ALS) é n projet porté inant da la Université de Salzburg, ram romanistica, sot a la direzion dl prof. univ. Hans Goebl tl cheder dl ALD I. y II. (Atlant Linguistich Ladin y di dialec vejins) che cuei adum dac linguistics dla Ladinia (paroles, morfologia, sintassa y e.i.). Al á la funzion de sporje na ecuivalenza acustica a les trascrizions fonetiches che an giata sun les chertes dl ALD-I. Dal 2005 encà é l ALS da giaté, dlongia na verscion DVD (con de maiours prestazions) ence te  na verscion sun internet (plu scempla tla documentazion). 


Cie che vegniva denant demé trascrit te na scritura fonetica, pòn sen audí te na auta cualité acustica ence sun internet. Demé slisoran con la mouse sun la cherta ciáfien da audí desche na medema parola ladina, che vegn scrita dlonch unfat, muda sie "guant sonour" tla pronunzia, da paisc y paisc y da valeda a valeda. 
Tl ALS án tout su 21 ponc d’enrescida, duc situés duc tles cinch valedes storiches dla Ladinia (Val Badia, Gherdëina, Fascia, Fodom, Anpezo). Per rejons de laour y de temp n’él nia sté meso da tò ite tl ALS duc i 217 ponc d’enrescida dl ALD-I. Les registrazions DAT che Helga Böhmer à tout su é vegnudes segmentedes eletronicamenter tl archif ALD dla Université de Salzburg. I segmenc sonours che an à isolé é vegnus memorisés te na banca dac, per chela che al é vegnù laoré fora n software aposta. I laours de segmentazion, che à ghiré truep temp, é vegnus fac da Susanne Heißmann, Brigitte Rührlinger y Slawomir Sobota (duc da Salzburg). L software dla verscion DVD dl ALS é vegnù elaboré da la firma RST da Essen (direzion: Reinhard Köhler, Trier). I laours debujegn per mete l ALS te internet é vegnus fac da Marcel Müller (Freiburg im Breisgau) tl'aisciuda 2005. La idea y l layout é n pert vegnus sourantouc da Vivaldi (Dieter Kattenbusch, Carola Köhler, Marcel Müller). Thomas Frankewitsch (Catedra per Informatica Medejinala, Université de Erlangen) á laoré fora na pert determinanta dl applet Java per la raprejentazion di dac sun les chertes geografiches.
 
 
 Liam al ALS (Atlant Linguistich Ladin sonour):
 
 

 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 4
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.360 seconc