benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Ladins anter contenteza y melcontent
scrit ai 10 May 2005 da les 12:23:16 da noeles

Politica

 

L'aodanza di LADINS: bon laour a les aministrazions nueves

Adi Demetz: emportantes é les mudazions ti comuns dla Val Badia

Te un n luech éla juda ben, tl auter n pue manco. Enscí à arjont tl majer comun ladin, a Urtijei, la lista LADINS n mandat en plu y valiveia adum con la lista zivica la forza dl SVP. A Selva à i LADINS tegní sia posizion te na situazion dastramp ria, daldò che sie ombolt - per diesc agn a la longia - y na lingia de candidac y conseiers Ladins ne à nia plu fat pera, ma metú su na lista zivica. A Santa Cristina à i LADINS mantegní plu o manco les oujes da dant, ma perdú n conseier.

Adi Demetz, president dl Moviment Politich LADINS.



Emportantes é les mudazions ti comuns dla Val Badia. I ombolc y i conseiers lités da nuef  nes lascia speré te na majera sensibelté per la politica ladina y enscí te n dialog plu saurí anter Moviment LADINS y aministrazions comunales. Encherscioula é la perduda, do 15 agn,dl'aconsiadessa ladina a Bulsan. Sie laour à porté n grum de reconesciment y vantajes a duc i ladins. Na lista ladina essa zenzauter porté plu oujes, ma te degun caje renunzieia autri partis a sie candidat ladin, che fej concorenza y despartesc les oujes. I speron che al se lasce empò mantegní vif l Moviment LADINS a Bulsan y samben la Consulta Ladina dl comun con a cef la presidenta da sen Dolores Dariz.A duc i litadours dles listes y di candidac ladins ti và nosc gré de cuer y a les aministrazions nueves ti embincionse n bon laour.

 

Heinrich Demetz - president dl moviment LADINS

 

 Liam a la plata dl Moviment Politich LADINS:

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Ladins anter contenteza y melcontent (ponc: 1)
da Jepele ai 10 May 2005 da les 17:04:41
(Infos sun l utilisadour | Ti mané n messaje privat)
Samben che al resta vif l Moviment Ladin a Bulsan! Al vuel bonamenter medret ester zachei che deloje chela ona emozionala che vá debujegn. Les lites desmostra che dut pò se rosedé tl dret moment!


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.374 seconc