benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Les novités dles veles: plu democrazia
scrit ai 09 May 2005 da les 18:43:54 da noeles

Politica

 

Plu democrazia ti comuns che dant 5 agn 

Svp de Urtijei perd -12,2 % - La  Svp de Selva perd -7,3% dles oujes  -  La Lista LADINS se mantegn te Gherdeina  - Dolores Dariz ne ruva nia ite a Bulsan

La lita é fata, i conseis de comun é lités. Les novités dantfora: la Svp de Urtijei ne pò nia plu governé da soula, ma ala mess jí ite na coalizion con i "Ladins" (4 scagns) o la "Lista Zivica" (6 scagns). L ombolt, Ewald Moroder ne á nia arjont la maioranza, ma l 43,6% dles oujes. Tomé tres é l candidat da ombolt dla SVP a Selva, Diego Bernardi (demé 27%), condut l reclam, les prescions y l sostegn da la zentrala a Bulsan. A Corvara perd l candidat dla Svp, Robert Rottonara, tl confront con Franz Pedratscher. Do rata ben se bat la lista LADINS a Urtijei, oláche ala davagna permez 1 n scagn y a Selva oláche do l scherz con l ombolt Roland Demetz rúvela empò ite con 3 conseiers. Deguna lista ne á a Selva la maioranza assoluta tl Consei. Chela de Roland Demetz (chest iade lista de paisc empede lista LADINS) perd 2 scagns y mess jí ite na coalizion per conduje inant l'aministrazion comunala.

 



Dolores Dariz, chest iade desche autonoma sun la lista "Margherita", ne ruva nia ite. 122 oujes de preferenza ne á nia cleché per n scagn. Baudi ne se ál nia paié fora de sconé les bries de mete endò en pé la lista "Ladins" a Bulsan.
En general ne á i funzionars locai dla Svp nia abú dlonch suzes da les veles: a Urtijei toma tres Simon Moroder, a Al Plan de Mareo Franz Kanetscheider, a La Ila Crazzolara, tles frazions ladines de Ciastel Otto Rifesser y e.i., a Selva ruva ite Christoph Perathoner (Bezirksobmann dla Svp Bozen-Land), ma con scialdi puech consens per l partí, la Svp slisola ju a Selva  dl  -7%. Chest condut l reclam lital y les prescions dla zentrala a Bulsan che á mané su a Selva ence les majeres ciaries de partí a sostegní l candidat da ombolt, Diego Bernardi, a dí: a Bulsan él plu saurí arjonje valch, sce un é dla Svp, l'influenza di autri ne và nia soura comun fora. Ala ne à jové a nia. 
La situazion stabiliseda dla lista LADINS te Gherdeina fej sen vedei dantfora con n pue plu otimism na partezipazion a les lites provinziales 2008.
L cheder: dut adum na situazion plu normaliseda y plu democratica envers a dant 5 agn. Na situazion politica normala arán endere canche deguna lista o partí ne pò plu aministré zenza jí ite na coalizion.

 

Lites de comun - Resultac ti comuns ladins

Gherdeina:

Val Badia

Fascia/ Provinzia de Trent


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 2.33
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Les novités dles veles: plu democrazia (ponc: 1)
da paulsen ai 10 May 2005 da les 13:55:23
(Infos sun l utilisadour | Ti mané n messaje privat)
Chilò àn bëgn fat n gran bech a Balsan, ghiré che n Ladin lites na lista taliana é gran strambaria y nia d'ater. N'atra cossa, al vëgn scrit chilò dessura "Selva ruva ite Christoph Perathoner (Bezirksobmann dla Svp), ma con scialdi puech consens", chësc ne corespogn nia ala verité, 2005: 276 usc, 2000: 230 usc, ergo n plü de 46 usc. Dì che la lista LADINS ais mantegnì te Ghërdena süa posiziun n'e nia vëi, chëst vel ma por Urtijëi, a S. Cristina à pordü la lista Ladins l 0,7%, a Sëva l 27,1%, la Lista zivica de Roland Demetz n'é nia na secunda lista di "Ladins".




Re: Les novités dles veles: plu democrazia (ponc: 1)
da Jandaniel ai 10 May 2005 da les 14:03:30
(Infos sun l utilisadour | Ti mané n messaje privat)
Ma an mess sotlinié che la Svp á perdú a Selva, - 7%.



Re: Les novités dles veles: plu democrazia (ponc: 1)
da giatfosch ai 10 May 2005 da les 14:25:06
(Infos sun l utilisadour | Ti mané n messaje privat)
pur na persona che é tres indô tla Dolomiten, ti nutiziars, tla tv, pla publicazion de libri che ven prejentês iust dan la veles, che fej de gran inserac .... é chest n resultat megher! Perathoner messass fà le cunt tan che al à dé fora por usc de preferenza. Les lites é stades ceres, nopa.

Significatif ince che Paul Videsott n'é nia plü ruvé tl consei de comun de Mareo.



Re: Les novités dles veles: plu democrazia (ponc: 1)
da giatfosch ai 10 May 2005 da les 14:28:17
(Infos sun l utilisadour | Ti mané n messaje privat)
"Chilò àn bëgn fat n gran bech a Balsan, ghiré che n Ladin lites na lista taliana é gran strambaria y nia d'ater."

Ah, der bun, ghiré che i ladins lites na lista todescia begn ince, o no? Sunse chilò tl solit chauvinism todlesch = deutschtümelei di ladins dla SVP?







Re: Les novités dles veles: plu democrazia (ponc: 1)
da alfadolomiti ai 10 May 2005 da les 14:44:58
(Infos sun l utilisadour | Ti mané n messaje privat)
Di messun döt. Bel resultat dla SVP d` La Pli. da 2 a 3 aconsiadus. Olà ch´ an à lascé fà döta la propaganda dan les lites a Felix Ploner, por spo le sié al momont dla lita. Vedla tatica dla SVP. Massa davert, massa ladin. 203 usc a la SVP a La Pli. 113 a só candidat.

mo al gnarà ben ince el tlafinada plü sciché



Re: Les novités dles veles: plu democrazia (ponc: 1)
da Jepele ai 10 May 2005 da les 15:03:26
(Infos sun l utilisadour | Ti mané n messaje privat)
Sibe Roland Demetz che Carlo Willeit se á baudié dles dimenscions de publizité che an á fat per druché tres Bernardi, na cossa fora de vigni mesura per na lita comunala; n sclopetament con fotos de Durnwalder, Widmann, Ausserhofer, afermazions, che an pò definì manacentes: n + 46 oujes de preferenza personales, l candidat da ombolt tomé tres, n manco de 7% per l partí. "Wahlziel erreicht?".
La situazion dla lista zivica y dla lista LADINS é te chest cheder n pue particolara, davia che al se trata de despartizion, perchel él desche an piessa via danuef ....



Re: Les novités dles veles: plu democrazia (ponc: 1)
da Jepele ai 10 May 2005 da les 16:53:32
(Infos sun l utilisadour | Ti mané n messaje privat)
"Do l fat ne él nia plu consei": a Bulsan é la lista LADINS descomparida. An veid che da la Comunanza y da la Consulta Ladina te comun ne fòvel nia les forzes y la convinzion granes assé per sostegní endertura Dolores Dariz. Cie fajova pa duta chela jent tla Consulta per i problems ladins me damani? Sce ei ne volova nia plu, almanco cialé de passé inant dut, desche an fej normalmenter, sce an é stufs. An l'á deda su y an á scemplametner destudé la lum. Dolores Dariz á fat n gran laour y ne á nia giaté l reconesciment che ti essa speté.



Re: Les novités dles veles: plu democrazia (ponc: 1)
da travers ai 10 May 2005 da les 17:48:18
(Infos sun l utilisadour | Ti mané n messaje privat)
La cossa plu dolenta de chestes lites é la storia de Dolores Daritz. Do che ala se à dé da fé per ti enjigné na ciasa ai ladins a Bulsan, végnela lasceda da chisc de fora da porta. Na banda de vigliacchi nosc bogn ladins!



Re: Les novités dles veles: plu democrazia (ponc: 1)
da Jancarlo ai 10 May 2005 da les 19:18:11
(Infos sun l utilisadour | Ti mané n messaje privat)
Les procentuales (Ladins) da les lites ultimes lites provinziales te Gherdeina fova:
19,2% a Selva
17,6% a S. Cristina
18,9% a Urtijei

Sce an paredleia l resultat a livel de valeda, spo pòn dit che al é plu o manco l medem resultat (ca. 16% a Selva, ca. 23,2% a S. Cristina (+6% ca.) y ca. 18,3% a Urtijei da les comunales). Samben él does situazions litales desvalives con conseguenzes desvalives.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.381 seconc