benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Bulsan: prejentazion di ac dl Convegn - Les poscibeltés dl Ladin
scrit ai 01 May 2005 da les 00:19:49 da noeles

Politica

"Verba volant, scripta manent" 

Scandalousa la posizion dla SVP dl 1988: ala ne volova nia che l lingaz ladin deventassa lingaz ofizial ti comuns ladins

Enseira á la Consulta per i Problems Ladins prejenté a Bulsan l codejel con i referac tegnus en gaujion dl Convegn metú a jí en l ann passé dal titul "Les poscibeltés dl Ladin - Idees per na promozion linguistica". Les paroles dites te chela ocajion dai reladours é sen vegnudes metudes fosch sun blanch te n codejel: "Scripta manent."

L ombolt de Bulsan Giovanni Salghetti Driolli á paroles de lauda per la conseiera Dolores Dariz (a m.c.), la familia Schuen de La Val sona y cianta (a m.d.).

 



Dantfora á la canditata per l Consei de Comun a Bulsan, Dolores Dariz, sotrissé l'emportanza de rejoné tres endň de chestions de lingaz y dl lingaz scrit unifiché ladin en particolar. Con la publicazion de chest codejel vuel la Consulta dé sie contribut. A la pert fova ence l ombolt de Bulsan Giovanni Salghetti Drioli che se á aodé che al ti garete a la aconsiadessa Dariz de vegní reconfermeda tl Consei de Comun de Bulsan. Ala se l merita, daviache al á fat n bon laour. Tost vegnirál enaudé la "Ciasa di Ladins" a Bulsan tla zona ex-fiera y chest é dantadut sie merit. Cornisc musicala é vegnuda sporta da la familia Schuen da La Val y an ne se á nia lascé sciampé la ocajion de cianté deberieda la ciantia "Na bela seira sarena de mei" de Jepele Frontull.

Anter i enviés ence l ex-aconsiadour dla lista LADINS y sen candidat a l'enciaria da ombolt a Selva. Carlo Willeit. Al á recordé che la lista LADINS é da 15 agn tl Consei de Comun y che la Consulta Ladina é vegnuda striteda ca da chesta raprejentanza politica.

Willeit á dit che al é y che al é sté dagnora daspavent rie per i Ladins da fé a valei sie lingaz. L ladin é l lingaz dl cuer, ma spo devéntela grieva. Per fortuna  él garaté de porté l lingaz tles aministrazions comunales. Al á recordé propi chest ejempl scandalous de coche ala é juda prň dl 1988 con les normes sun l'adoranza ofiziala di lingac tla provinzia de Bulsan, la lege 574/88. La proposta dla SVP fova enfin a enultima che i Ladins dess opté o per l todesch o per l talian te sies relazions con l'aministrazion publica y chela comunala en particolar.  Adio "Poscibeltés dl ladin ....". El y esponenc dla Union Generela di Ladins dles Dolomites é sun chela atira jus a Roma a traté al ultim moment enstesc con i sotsecreters de stat, anter chisc Alcide Berloffa y l Minister, per ancoré l reconesciment dl lingaz ladin desche lingaz ofizial. Ala ti é garateda, sot al nes dla SVP via che é resteda dant a fac acomplis. L dí do fova la lege deda pro. Enscí á la Generela arjont che l ladin vegn almanco nominé te 1 n articul sun 40 dla lege. L articul garantesc l trilinguism ti comuns ladins y che i zitadins pň se ouje a l'aministrazion comunala demé per ladin.

L'autra gran arfereda per i Ladins da pert dla SVP é la ilegalisazion ofiziala dl 2003 Ladin Standard tla provinzia de Bulsan, l lingaz ladin unifiché scrit,  enfinamai con delibera, sceben che n lingaz scrit unifiché vegn raté na "conditio sine qua non" per na politica linguistica che se merita chest inom.

Una dles majeres loces per l lingaz ladin é plu inant - sciche an sŕ - la scola: i scolars ne empara nia da scrive endertura ladin, l 90% é dutaorela analfabec te sie lingaz dla oma. Al ne jova a dut nia, al vuel ester deplú lerch per l ensegnament dl ladin tles scoles. Al é per puech rejoné tres de n model, de n ejempl, che ne é nia n model, ma essenzialmenter na scola paritetica con l'enjonta de 1 o2 ores de ladin.

I autri gran ciamps, oláche "les poscibeltés dl ladin" mess vegní ampliedes, sŕn ciugn che é: dlonch oláche al é na adoranza ativa dl lingaz:  l'informazion (foliet dal dí ladin) y les trasmiscions tl radio y tla televijion per ladin. N lingaz ne ciafia nia da vive de empromiscions da n ann al auter. Les tramiscions dla tv á empermň metú man dl 1988. Enfin ai agn '70 vegniva les trasmiscions tl radio en gran pert realisedes da volontars dles Unions di Ladins. Canche ala se trata dl todesch ne án deguna mesura da sparagné, sceben che ai pň importé dut dai paisc vejins. Tla provinzia de Bulsan án fat na lege aposta per sostegní con milions de euro l telejornal sun l ORF "Südtirol Heute" a ben dl grup de lingaz todesch, per i ladins, che mess se fé dut enstesc, ne ňven degun centejim dessourora. De chest vers ne vel l statut de autonomia nia tla pert oláche al rejona che i mesi finanziars dess vegní partis su aldň di debujegns di grups. Canche Willeit, enlaouta tla viesta de aconsiadour provinzial ladin, se ova damané che al vegnissa vedú dantfora da tla medema lege ence n sostegn a la tv ladina,  ti án dit de nň. Tl Tribunal laórel schires de ciancers dal talian al todesch y enzescul  per ti garantí ai todesc y ai talians l dert de adoré sie lingaz. Tl ciamp giudiziar fóssen vegnus afrida de porté ite l ladin, sce an essa abú tl uedl na politica linguistica y essa vedú dantfora n raion giudiziar per les valedes ladines en gaujion dla reforma regionala te chest ciamp, con n/i vicar/vicars de pesc de lingaz ladin, "Poscibeltés blochedes ...".

L lingaz ladin, enscí Willeit, auda ence da vegní reconesciú a livel provinzial te na mesura cotant plu ampla  y de giaté lerch ti ofizes provinziai y nia demé de ester restrent a les valedes ladines. I messon veramenter speré che i sonse bogn de arjonje na miour sconanza y combate contra les despartizions che la politica atuala azentueia, á dit Willeit.  "Les poscibeltés dl Ladin" fossa cotantes, demé che la politica mess fé aladň. Dessegur ne é la proibizion dl Ladin Standard, dl ladin scrit unifiché, degun vare inant.

D'autri articui comparus sun noeles.net sun la medema tematica:

 Convegn a Bulsan: Promozion dl lingaz a 360 degrés
 En venders, ai 26 de merz 2004, Convegn a Bulsan
 Program dl Convegn "Les poscibeltés dl Ladin" 
 Convegn a Bulsan: Con l lingaz dla oma ne empáren nia demé a rejoné
 Convegn: Poscibeltés dl ladin - Meisa arduonda davomezdí
 I ultims Convegns: poscibeltés dl Ladin y lingaz de mendranza pro manifestazions
 Ladin folclor o ladin a l'auteza di temps
 SPELL: n vocabular demarevueia, standard y idioms
 Lingaz ladin dant signoria/vicar de pesc
 Ladin, lingaz da refodam?

 

 Liams d'interes a d'autres plates tla rei:
 
 

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Bulsan: prejentazion di ac dl Convegn - Les poscibeltés dl Ladin (ponc: 1)
da giatfosch ai 02 May 2005 da les 10:03:07
(Infos sun l utilisadour | Ti mané n messaje privat)
sce, la custiun dl lingaz aministratif messon recordé tres indo. Sambegn che la Prawda fej propaganda de partě. Sce i taliagn ess fat insciö cun l todesch (opziun dante ro talian y inglesc) n'ess i todesc nia pisimé da definí chest nazioanlist y fascist, an se recorda pö i articui dla Dolomiten y i comunicac stampa dl partě.



Re: Bulsan: prejentazion di ac dl Convegn - Les poscibeltés dl Ladin (ponc: 1)
da Claudio ai 02 May 2005 da les 13:13:12
(Infos sun l utilisadour | Ti mané n messaje privat)
Pordona, giatfosch, ma la SVP pň dí che ala á la maioranza di litadours do ela, les lites é ledies.
An mess ence se tegní dant ai uedli, cie che al fossa suzedú, sce i Ladins ne fossa nia ruvés te na Region autonoma (ciala Belun), valch deplů ti ál porté, valch che nience la politica de partí ne pň plu sfrié fora.
En plu é la situazion di ladins y di todesc dal scomenciament autramenter. Chisc ultims á abú n stat viadedň, l'Austria, che ti á daidé arjonje l statut de autonomia, i ladins ne ova degugn, l 1945 fova tant che la ora "nul" (tl vedl Tirol vegnívei ratés pro i talians etnicamenter).



Re: Bulsan: prejentazion di ac dl Convegn - Les poscibeltés dl Ladin (ponc: 1)
da giatfosch ai 02 May 2005 da les 13:43:20
(Infos sun l utilisadour | Ti mané n messaje privat)
Chisc ultims á abú n stat viadedň, l'Austria, che ti á daidé arjonje l statut de autonomia, i ladins ne ova degugn, l 1945 fova tant che la ora "nul" (tl vedl Tirol vegnívei ratés pro i talians etnicamenter)


Dessigü, mo mess la SVP se confrunté cun che politica che ara á dagnera apostrofé sciöche nazionalista y fascista por fŕ bela figöra?
Val frogores i ŕn dé ai ladins, mo frogores respet al gran past por i todesc. L confrunt n'é nia da fŕ con i ladins de Belun, oalche ai n'â gnanca i strumenc iuridics, mo con i todesc de Südtirol. Te Südtirol fossel i strumenc iuridics, mo la SVP ŕ lauré decuntra y nia por ... n ejempl l lingaz te scora. Valgügn orô scores porě todesces, sön n model che i someia a chel dl Ventennio, mâ cun n ater lingaz; n e ejempl l lingaz aministratif (ince i marochin ess albü plü rajuns co i ladins), n ejempl la stampa ... L Istitut Ladin á ince pormó ciafé dô che Fascia n'â metü sö un! Istitut che ŕ spo daidé saboté l ladin standard.

La strambaria é che la SVP se damanâ por se rajuns che ara plundrâ tl medem moment adüm por i ladinss, sciöche tl cajo dl lingaz dla oma te scora, dl lingaz aministratif, de sostegn garantě ala stampa (la Dolomiten ciafa n gromun de scioldi per lege, la Usc di Ladins mess vigni ann petlé da nö por 50.000 euro zirca).



Re: Bulsan: prejentazion di ac dl Convegn - Les poscibeltés dl Ladin (ponc: 1)
da Claudio ai 02 May 2005 da les 14:27:00
(Infos sun l utilisadour | Ti mané n messaje privat)
Tant scempla ne éla nia: an sá avisa che la jent fova decontra te chi agn do la vera, davia che i Ladins enstesc fova y é en pert dutaorela dla minonga che al ne paia nia la mueia ensegné ladin te scola; dessegur la politica dla SVP sostegniva y sostegn chestes posizions empede cialé de convence la jent dl contrar. La maioranza ti dá inant la ousc. Te veides pu, al ne de chi che scriv enfinamai de "Erfolgsmodell" (Minderheit in der Minderheit"). L problem é che i Ladins ne é nia demé vegnus scarzés endalauter teritorialmenter, ma ence da la politica de partí che ne é nia a una sun valch pont minim.
I creie che an messessa naouta analisé ciuldiche la SVP é tant atraenta per i litadours ladins ...



Re: Bulsan: prejentazion di ac dl Convegn - Les poscibeltés dl Ladin (ponc: 1)
da giatfosch ai 02 May 2005 da les 14:44:59
(Infos sun l utilisadour | Ti mané n messaje privat)
ala pruma encuntada fô n grömun per l model ladin.
spo él vegnu l nazionalism todesch, n pert ciamó infiltré da idees nazistes, cun n gran aparat de propaganda.
insciö ŕi ince metü fora che Südtirol foss indô roé pro l'Austria y che al ea donca da emparé todesch y mâ todesch. Nia falé n'á inlaóta - y cina sö aldedaincö - la tesa razista che l ladin n'ess nia la valüta por l'insigné tles scores.






Re: Bulsan: prejentazion di ac dl Convegn - Les poscibeltés dl Ladin (ponc: 1)
da Claudio ai 02 May 2005 da les 20:52:18
(Infos sun l utilisadour | Ti mané n messaje privat)
Cie vuel pa endere dí "ladin": meses les ores per talian y meses per todesc con l'enjonta de 2 ores (tles scoles de oblianza) y de 1 na ora tles scoles autes .... él chest l model che tu defenes?
Samben la SVP á fat dl 1945 agitazion per la scola todescia, enfin a la plura dant da la Court Costituzionala dl 1976 porteda inant da Franz Demetz, spo desbuteda. Franz Vittur enstes á dit che al á sburlé ite "adascousc" da la politica la ora de ladin tla scola auta ....
Ma entratan rejona la SVP almanco de na scola da azeté.
Veir él che la SVP ne é mai juda dantfora con na vijion per la jent ladina: ala ne á mai dit nos volon y nos ghiron...
ma fosc te 5-10 agn azetarála o messarála azeté n lingaz scrit unifiché.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.455 seconc