benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Cherta d'identité defata ence per ladin
scrit ai 29 April 2005 da les 20:40:47 da noeles

Politica

 

Ence sun les chertes d'identité dejunis? 

Fascia va con l bon ejempl dantfora y adorarà l Ladin Standard - Svp ladina contra - La ultima parola ti speta al stat

Bepe Detomas, deputat ladin fascian y member dla Comiscion 12, à ghiré y à finalmenter arjont la disposizion che reverda la "cherta d'identité" per ladin. Les chertes d'identité dedes fora dai comuns ladins dess ester trilinghes tla provinzia de Bulsan y bilinghes tla provinzia de Trent. L legisladour rejona de "lingaz ladin", ma  la politica Svp vuel tegnì su la tripartizion ence pro la cherta d'identité di Ladins. 



Tla provinzia de Bulsan adoraràn i doi idioms ladin dla Val Badia y ladin de Gherdeina aldò dles desposizions dla delibera nr. 210  di 27.01.2003 tres chela che l assessorat ladin y l Consei dl Istitut Cultural Ladin "Micurá de Rü" à sclut fora da l'ofizialité l Ladin unifiché scrit. Te Fascia adodaràn l ladin scrit unifiché o ladin standard.  La figura che i Ladins fajarà enscì deforavia é ridicula.
La ghiranza de na cherta de identité scrita ence per ladin va perauter endò al 1988, l ann che l "ladin" é vegnù ofizialisé desche lingaz d'aministrazion con la lege statala nr. 574/88, empruma tla provinzia de Bulsan y dl 1993 ence te Fascia. Les ghiranzes dla Generela jiva cotant plu inant, an se ova damané n triliguism plu deslarié tla provinzia de Bulsan, p.ej. tl liber dl telefon, l reconesciment de ac notarils scric per ladin y d'auter.
A 90 milions de todesc ti cléchel una na forma scrita, a 58 milions de talians tamben, per 35 mile ladins vuel la politica dla Svp avei 3 formes (che se muda de puech). Sce a livel comunal ne él nia tant zite, fòssel dret desplajoul, sce al ne vegnissa nia opté almanco te chest caje per na forma unificheda scrita per duc i Ladins tla Region.
 
 
 
Ladin StandardLiams a d'autri articui:
 
 
 
 
 
 
 

 Liams d'interes a d'autres plates tla rei:

SPELL

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Cherta d'identité defata ence per ladin (ponc: 1)
da giatfosch ai 29 April 2005 da les 21:21:00
(Infos sun l utilisadour | Ti mané n messaje privat)
la SVP tol dla Dolomiten incö indô n iade plömes che n'é nia söes.
tla Svizra àn porater le pas (!) y i scioldi da agn ince por ladin. les propostes de Willeit por la cherta d'identité àn ignoré. Segn che Detomas à fat l vare ne podon begn nia dì de no.
Mo cinamai segn ôn spidicié sö i ladins: ala SVP i plej la tripartiziun, chel é n fat conesciü.
La tripartiziun é na arpejun de Benito, chel é ince n fat conesciü.
Tla Dolomiten incö dij esponenc dla SVP: "Unsere Ladiner": I ladins na proprieté dla SVP, o dl grup todesch. Espresciun dl nazionalism fort y dür dla SVP.






Re: Cherta d'identité defata ence per ladin (ponc: 1)
da giatfosch ai 30 April 2005 da les 00:15:42
(Infos sun l utilisadour | Ti mané n messaje privat)
tla provinzia da Balsan él n gromun de scrites
che messass ester ince por ladin, mo dailò é döt todesch y talian, zenza ladin; la lista é der lungia.
La SVP dij chilò mâ de sciö ajache Detomas à fat l vare y la SVP ne po nia dí de no.
La SVP ess pö podü fà l var bele dl 1989, mo ci àra fat? nia.




Cherta d'identité defata ence per ladin (ponc: 1)
da paulsen ai 01 May 2005 da les 16:09:03
(Infos sun l utilisadour | Ti mané n messaje privat)
La gran ironia te chësc cajo é bëgn dër da rì: la versciun de Gherdëina de "cherta d'identité"(badiot / ladin standard) é "cherta d'identità", che é bëgn blót talian...odëi sce chi de Gherdëina ciafa na "cherta d'identità" ala taliana o magri sce ala và propi da mat na "Identiätskorte" tiroleja.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.332 seconc