benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Union di Ladins de Gherdeina - www.ulg.it
scrit ai 27 April 2005 da les 20:17:00 da noeles

Cultura

Dutes les informazions sun la Union tla rei 

Egon Vinatzer, president dla ULG: "Nosta speranza é che la plata jude a fé conesce ciamò deplù les ativités dla Union". 

Da sen inant pòn se informé da vigni ora sun l’ativité dejouta y preveduda da la Union di Ladins de Gherdeina (ULG), al cleca jì te internet sun les plates www.ulg.it
N laour de coordinazion scialdi rie, ma realisé scialdi ben dai tecnics/grafics. La plata internet pieta te trei rejonedes na vijion clera, scempla y scialdi informativa sun l’ativité, sun la storia, sun i prinzips, sun l laour y i fins y dantaldut sun l impegn cultural dla Union di Ladins de Gherdeina.

L team dl Internet Service Markus Rabanser, Luca Prinoth y Andreas Oberhauser - Dant ca da m.c.: Ewelyn Demetz con l president dla U.L.G Egon Vinatzer

 



Deberieda al team de grafics y di tecnics dla dita “Internet Service” de Urtijei de Markus Rabanser y de Luca Prinoth él vegnù laoré fora sistem scialdi manejoul de navigazion. Sun bendebot de cumpeida de plates dla ULG pòn se cialé na ampla documentazion sun la storia dla Cesa di Ladins y dla Union di Ladins de Gherdeina desche ence les novités for fresces dl program dles manifestazions culturales dla lia. Al ne mancia nience valch curiosité y de blotes entravegnudes interessantes. Les plates internet é plu inant ocajion per informé i vijitadours sun la publicazion de libri, de films y de CD’s dés fora da la Union. Na lerch emportanta ti él vegnù dediché a la Biblioteca Ladina, con la gran sauridanza y poscibelté de se nuzé de n motor archiridour dles publicazions che la biblioteca á da garat  y che an pò se empresté fora. Aldidancuei cumpeida l inventar dla biblioteca entourn a 5.000 publicazions.

Per ti dé colour y vita a les plates él vegnú metú ite truepes fotografies, con la finalité de documenté entravegnudes, momenc storics, ma ence de blotes recordanzes en compagnia. Les fotografies é vegnudes fates entant les manifestazions de majera emportanza
“La plata internet  và debujegn per informé la jent amplamenter sun l’ativité culturala dla ULG y ala é na cherta da vijita emportanta y clera sun la realté storica dl grup de mendranza ladina, che ne l’à nia for abuda saurida. Trueps meric ti é sovenz jus ai fauc, truepes notizies ne corespon nia a la verité, ma tres chestes plates che vegnirà do y do ciamò ciariedes su con informazions storiches, podarà vignun a ciasa se desçiarié ju dutes les dretes informazions sun la ULG y sia storia” , dij content Egon Vinatzer, l president.
Al é vedù dantfora de mete a jì valch scomenciadiva davoleibon, coche n juech olache duc pò fé pera y vence.
“Per entant ti embincionse a duc che al ti sae bel da ti cialé a la plata internet dla Union di Ladins de Gherdeina, www.ulg.it. La speranza é che chestes plates feje conesce ciamò deplù la Union y che al vegne permez simpatisanc y interessés nuefs, colaboran poester tl consei”, enjonta Vinatzer.

 

Ladin StandardLiams a d'autres Unions di Ladins:

Uniun Ladins Val Badia 


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Union di Ladins de Gherdeina - www.ulg.it (ponc: 1)
da travers ai 28 April 2005 da les 00:04:43
(Infos sun l utilisadour | Ti mané n messaje privat)
Complimenc a la ULG y a sie president. An spera che la Union Generela ti feje do.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.323 seconc