"Cialé di drec debujegns y nia di majeri interesc de partí"

Na consciderazion de Paolo Bellemo, candidat di LADINS a Sëlva

Cialan dl vers dles veles che vegnirá tegnudes defata, veiden les gran problematiches che vigni luech à tla provinzia de Bulsan. Les situazions é desferentes y enscì ence les minonghes y i debujegns dla populazion. 

Paolo Bellemo, ost a Sëlva.

En general pòn dí che ala ne va nia mel y che al ne é nia plu de tant da se lamenté; purempò él belau te vigni luech na gran spartizion de listes y sovenz végnel strité entourn ai candidac, a les coalizions, ai programs via. Do mi entene é chest n segn de democrazia, ma ence na ousc nueva che vegn fora da na realté sozio-politica mudeda ti ultims temps. Nia demé plu entourn al fabriché y ai servisc de comun, ma al economia en general, al ambient, al sozial, a la sanité, a la istruzion, al sport …se muev les tematiches dles listes y de si programs.
La Lista LADINS, de chela che ie feje pert, é nasciuda dant passa 10 agn propi per ti dé plu flé a chesta idea nueva de cialé di drec debujegns de duta la populazion. L bensté general é la forza y la rejon dla jent. Ie me embince che les persones clamedes a aministré nosc comuns ti proscims 5 agn giate la creta fora dla convinzion che ei é chilò per l ben de duc, per l ben di autri y nia fora da la propaganda de chi che é plu stersc per cialé di majeri enteresc.

Paolo Bellemo-Lista LADINS de Sëlva