benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Enconteda anter Union Generela di Ladins dles Dolomites y Durnwalder
scrit ai 22 April 2005 da les 16:10:58 da noeles

Politica

Michil Costa enconta Luis Durnwalder

Durnwalder: no a la ghiranza de tré ite la Generela te n organism de coordinament soura-provinzial

Enier juebia, ai 21 d’auril 2005, à l president nuef dla Union Generela di Ladins dles Dolomites, Michil Costa (a m.d.), enconté a Bulsan l President dla Provinzia Luis Durnwalder (a m.c.). Al é vegnù rejoné dantaldut dla ghiranza dla Union Generela de vegní reconesciuda y/o de vegní touta ite tl organism de coordinament souraprovinzial/regional aladò dla lege statala n. 482/99, plu inant dla promozion dla cultura ladina en general y di mass-media ladins en particolar.



Michil Costa ti porté dant y splighé al President dla Provinzia Luis Durnwalder i ponc plu emportanc che é sun l program dla Generela y ti á prejenté dantfora l program festal che la Union vuel mete a jì en gaujion di 100 agn da la fondazion dla Union Ladina a Dispruch dl 1905. Durnwalder ti á empermetù n sostegn finanziar, tant inant ch’al é meso.

La chestion plu emportanta per la Generela é endere sie reconesciment desche organism ofizial a livel interladin o ben de vegní trata ite te n tel organism de coordinament soura-provinzial aldò dla lege statala nr. 482/99. Chesta lege a ben dles mendranzes te duta l'Italia veid dantfora la poscibelté de istituì chisc organisms, sce na comunité de mendranza é spidiceda sun deplù provinzies o regions. La medema lege veid tamben dantfora finanziamenc per programs y per projec de colaborazion. Sun chest pont é Durnwalder sté cler: la provinzia y la Svp ne ti vuel nia reconesce a la Generela, ence sce ala laora da tres a livel interladin, n tel rodul y na tel enciaria, dijan che ala dess laoré inant tl ciamp cultural, te chel che ala é n partner de referiment stimé. La raprejentanza politica di Ladins dess, aldò de Durnwalder, resté tles mans dla provinzia y di comuns competenc tles valedes ladines. Desche organism aladò dla lege 482/99 vuel la Provinzia de Bulsan pié via con na conferenza de ombolc o n gremium de ombolc y de raprejentanc di comuns desche istituzion permanenta. Te chesta dess i comuns ladins ester raprejentés te na maniera proporzionala a la cumpeida de abitanc ti respetifs comuns.

Al é ence vegnú trat ca chestions entourn i media-ladins. Durnwalder é dla minonga che l foliet edemanal “La Usc di Ladins” dess ti dé ciamò plu lerch a argomenc che reverda la cultura y l lingaz ladin, dlongia les informazions d'atualité. Te vigni caje déssela resté n medium independent y nia lié a la politica de n partì, ál sorissé. Per cie che reverda la RAI ladina vuelel entervegnì en gaujion dl renovament dla convenzion anter la RAI, Provinzia de Bulsan  y l Preside dl Consei di Ministers per arjonje n arlongiament dles trasmiscions ladines. La RAI-Ladina dess ence giaté na redazion autonoma. (ec/osp).

Ladin StandardLiams a d'autri articui sun la tematica comparus sun noeles.net:

 Lites de comun 2005: i ombolc mess declaré sies intenzions
 Lege 482/99 - La Generala se muev
 Union Generela: stop a Bulsan
 Generela: enconteda con les autorités provinziales de Belun
 Abineda di ombolc ladins d'otober 2004
 La lege 482: an s'entardiveia
 Pensiers soura l'assemblea dla Generela
 Union di Ladins de Fascia: touta de posizion
 L apel dl ombolt de Col Santa Lizia
 Comité interregional ladin - n comentar
 Intervista al ombolt de Col de Santa Lizia Paolo Frena
 Consei di ombolc: intervista al ombolt de Santa Cristina, Bruno Senoner
 Intervista al ombolt de Fodom Gianni Pezzei
 Comentar: poester renunzieien enfinamai a la 482/99
 I ombolc de Cianacei y de Moena respon

 Les respostes dl ombolt de Badia

 La lege 482/99 y i ladins tla provinzia de Bulsan
 Ressoluzion dla Union Generela di Ladins dles Dolomites
 Enconteda Durnwalder-Generela: la verscion ofiziala
 L consei di ombolc - enfin a sen deguna convocazion ciamò
 Comité interregional ladin - n comentar
 Lege 482/99 - I ombolc ne se á mai tout la bria
 N organism interregional: manco ombolc y plu esperc y dialetica
 Di dla Unité Ladina: unité combatuda
 Cianacei: Di dla Unité Ladina - La fana é sun l fuech
 Di dla Unité Ladina: les prumes imprescions

 Intervista al President dla Generela Nani Pellegrini

 La relazion de Bepe Detomas
 Durnwalder á enconté dantenier l president De Bona de Belun

 
Liams emparentés
· Deplú sun l tema Politica
· Chier te noeles
L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


tema colié / temesc coliés

Cultura

Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Prum contat ofizial anter Provinzia de Bulsan y l president nuef dla Generela (ponc: 1)
da giatfosch ai 22 April 2005 da les 16:32:35
(Infos sun l utilisadour | Ti mané n messaje privat)
"Durnwalder é dla minunga che le foliet edemal “La Usc di Ladins” dess ti dè ćiamò plü importanza ai argomënć che reverda la cultura y le lingaz ladin y sambëgn inće contignì informaziuns d’atualité por i Ladins" ... ô Durnwalder i scrì dant ala Usc ci che ara à da fà ?? La vedla "racomandaziun" da scrì de politica, sicöche al l'á dit ince te n'intervista cun la Usc? Can che la politica é cunté dant les posiziuns dla SVP, vara begn bun, mo can ch'ara se trata de informaziun indipendenta sön les mancianzes tla sconanza dla mendranza ladina, é la politica te n bof demassa.
Cun d'atres parores: la Usc ne dess nia desturbé la propaganda de partì, chesta la posiziun. Che recorda l 19ejmi secul.



Re: Enconteda anter Union Generela di Ladins dles Dolomites y Durnwalder (ponc: 1)
da travers ai 22 April 2005 da les 18:13:47
(Infos sun l utilisadour | Ti mané n messaje privat)
La taialongia dla conferenza di ombolc vegn trata ca regolarmenter dant les lites spo se chìetela endò via: dant 2 agn en gaujon dles lites provinziales, chest ann per les lites comunales, en auter ann saràl lites nazionales, enscì inant; vigni ann él lites tla Talia.
Sce Durnwalder vuel bele ti sourandé chesta responsabelté politica-culturala ai ombolc se aspetàssen che i candidac ombolc ti mete dant a sie litadours sies idees en cont de politica linguistica y culturala ladina. Ti progams che an à vedù enchin sen ne veiden praicamenter nia d'auter che declarazion generiches y vuetes sciche " nos ti don na gran emportanza al lingaz y a la cultura ladina".
Al candidat ombolt de La Pli de Mareo éi prové a ti fé n valgunes domandes plu spezifiches de chest vers. Resposta? Deguna samben!
Sonse duc a una de sotescrive na cherta blancia a candidac che ne à deguna idea o ne à nia l coraje de dì fora sia minoga per ne se mete nia contra la Partei?



Re: Enconteda anter Union Generela di Ladins dles Dolomites y Durnwalder (ponc: 1)
da Claudio ai 22 April 2005 da les 22:24:03
(Infos sun l utilisadour | Ti mané n messaje privat)
Al pò ester che la Generela feje na politica massa da "apeasement" devers la Svp y Bulsan, da apajé via empede jí tla ofensiva, empede mete sun meisa con clareza sies ghiranzes te n catalogh. Cultura y lingaz de na mendranza taca adum con politica, la Svp ne á nia la rejon de ti proibí a na mendranza de articolé chestes dimenscions. Vigni ann pò l contribut vegní dé o retrat ......ala ne pò nia jí inant enscí. Certes Unions di Ladins viv fosc ben y se ponn via sun chest plomac, ma al á n priesc aut .... I temps con Carlo Willeit - oláche cultura y poltica jiva plu dl medem vers fova samben de bogn agn. Al ti á sport permez truep sostegn, giaté ál puecia reconescenza .....



Re: Enconteda anter Union Generela di Ladins dles Dolomites y Durnwalder (ponc: 1)
da giatfosch ai 23 April 2005 da les 00:33:13
(Infos sun l utilisadour | Ti mané n messaje privat)
Durnwalder mostra tan stlüt che al é mentalmenter, tan püch che al é bun da capì na dimensciun che va sora so pice taì todesch fora. Por al "Einheit Tirols" vegnel fat n teater mat, por la unité di ladins ---- nia, an deida la tripartiziun.



Re: Enconteda anter Union Generela di Ladins dles Dolomites y Durnwalder (ponc: 1)
da giatfosch ai 24 April 2005 da les 17:42:57
(Infos sun l utilisadour | Ti mané n messaje privat)
al é ince da injunté: por al USC n'á Durnwalder degüna comprenjiun, al contrar, al se damana na limitaziun prinzipala la liberté de stampa (garantida dala costituziun democratica); por la maioranza todescia indere, che á bele na ligna de media che ciafa tröpes sovenziuns, àl daidé fà na lege aposta por n finanziament assügheré al ORF (Südtirol heute).
Soviel zur Minderheitenfreundlichkeit des LH.
Da dì ince che a orei chesc tratament dla USC él funzionars de partì de nostes valades.



Re: Enconteda anter Union Generela di Ladins dles Dolomites y Durnwalder (ponc: 1)
da travers ai 24 April 2005 da les 19:07:42
(Infos sun l utilisadour | Ti mané n messaje privat)
La Union di Ladins giata da la provinzia de BZ zirca 55.000 EURO per LA USC ma Durnwalder perten (a inom de chi pa, dla provinzia o dla SVP?) che l organ d'informazion ofizial di Ladins ne feje nia politica (liej: contra la SVP). Tant vela pa la liberté de opinion y de stampa di Ladins: con 55.000 EUR? Sce i Ladins essa da zede a n tel recat y ne à nia vueia de spene 55.000 per sia liberté spo él miec che ai vae en malora.



News ©
 
  www.noeles.net


Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.427 seconc