benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Museum Ladin Ciastel de Tor sun vigni liber dal telefon
scrit ai 19 April 2005 da les 17:25:47 da noeles

Cultura

L Ciastel de Tor 128.000 iadesc sun l liber dl telefon "Hallo Südtirol"

Encuei él vegnú prejenté la pruma edizion - Enscí déssel vegní reclamisé miec la strutura museala 

Sun l cuertl dantcá di sies libri dal telefon nuefs che reverda les zircoscrizions de Südtirol dla lingia "Hallo Südtirol" 2005/2006, saràl da vedei chest ann n reclam al Museum Ladin Ciastel de Tor. Con cater fotografies ti daràl na cialadura nueva a chestes publicazions pratiches che ti é dagnora dret de utl a chi che les anuzeia.

Da man ciancia: l President dl Museum ladin Heinrich Huber, spo Franz Complojer, ombolt de La Val, Mauro Pilotto, Bernhard Paris y Albert Platzgummer dl Createam Athesia, Stefan Planker, diretour dl Museum Ladin, Giovanni Mischì, assessour a la cultura dl Comun de San Martin, Klaus Oberhollenzer y Carlo Huber dla Cassa de Sparagn.



En mertesc, ai 19 d'auril él vegnù prejenté tl Museum Ladin ofizialmenter la pruma edizion che reverda la Val de Puster y la Val Badia.  Les verscions che toca i autri raions dla provinzia vegnirà spo fora dampovia, vigni doi meisc. Con chesta azion vuel l Museum Ladin ester prejent con continuité sun na publicazion de utl da vigni dì, per fé conesce te duta la Provinzia de Bulsan l'oferta museala tla Val Badia.
Laite él i numers de telefon dla rei fissa, i numers de fax, dl zelular y les miscions e-mail. Laprò ciamò la lista di dotours, n repart per firmes y reclams y samben numers de utl general.
Bele demé tl raion de Puster y dla Val Badia vegniràl partì fora debant su per 24.000 ejemplars ai proprietars de telefons. N iade che i libri sarà dant man te dut Südtirol, nen saràl entourn 128.000. Dai 25 d'auril inant i giataràn ence da compré tles boteighes dai libri dla Athesia, al priesc de un n euro. (dc)


 


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Museum Ladin Ciastel de Tor sun vigni liber dal telefon (ponc: 1)
da giatfosch ai 20 April 2005 da les 22:11:52
(Infos sun l utilisadour | Ti mané n messaje privat)
n liber che peia ia da na odüda colonialista y nazionalista che met fora la Val Badia sciöche todescia: "Gadertal", mo nia Val Badia!". Y ince i inoms de paísc porì todesc. St. Martin in Thurn y nia San Martin de Tor.
Propi l'Athesia s'astela tan inzescü, che i dij tan atira "fascist" a chi che adora inoms talians por i paísc todesc, Rodunt chest editur mostra de ne ester nia damì, al mostra na mentalité chauvinista y de assimilaziun defrunt di ladins.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.356 seconc