benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Calender

 Mudé ju tl mode doandent:Proscims termins
          
Chirí na manifestazionChirí na manifestazion  Stampé la plataStampé la plata  Propone n eventPropone n event


San Martin: liber de salms ladin

Data dla manifestazion:, 30. November 2003Scomenciament:18:00hCultura
Data finala:, 30. November 2003Fin:19:00h
categoria:Congratulazions   Congratulazions
Descrizion:L saltier con i salms tl ladin

N laour metù adum da siour Iaco Ploner, ploan da La Val en colaurazion con Tone Gasser - Prejentazion ofiziala con la prejenza dl Vescul Wilhelm Egger

Con liegreza envieia la Union di Ladins dla Val Badia a la prejentazion dl "Saltier", l liber di salms con notes desche ai vegn adorés tla liturgia. L liber vegnirà prejenté te na funzion sacra prejenzieda dal Vescul Wilhelm Egger en la pruma domenia d'Advent, ai 30 de november 2003, da les 18.00, tla gliejia da San Martin. Ma chest ne é nia ciamò dut, al vegn ence prejenté valgunes d'autres publicazions de gliejia a sostegn dla liturgia ladina.




L cor de gliejia da San Martin portarà dant deplù salms con melodies y manieres desvalives de prejentazion, en pert ence a plu oujes. Siour Iaco Ploner spligarà les salmodies y l contegnù di salms che vegnirà ciantés y darà indicazions co che an podarà adoré l saltier nuef tla liturgia y ence tl'orazion personala. En chesta gaujion vegniràl ence prejenté:

- l lezionar dles messes dles domenies y di santous dl Ann C enjigné da siour Iaco Ploner y Tone Gasser;

- plates con refrains da enjonté tl liber SYN (liber de gliejia dles ploanies dla Val Badia);

- na mapa con na racoiuda de cianties a plu oujes y composizions nueves per i Cors de gliejia;

- l sfuei con does Novenes a Sant Ojuep da Oies.

Siour ploan Iaco Ploner (ence conesciù desche poet) y Tone Gasser ti dà con chestes sies iniziatives na gran sburla inant al ladin te gliejia. Bele con l liber de gliejia "Deboriada" ovi porté prò a na maniera dezisiva per cie che reverda la pert ladina tl liber "SYN" (liber de cianties y orazions). Tla Val Badia végnel aldindancuei adoré truep ladin, cotant deplù che dandavia y al ti va a cuer a la jent. Chesta iniziatives desmostra endò n iade che pueces persones derza fora truep, con lezitenza y laour.

Do la funzion de gliejia é duc enviés a n buffet tl gran salf.
Publiché da Anonymous ai 20.11.03 y dé pro da noeles

 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.510 seconc