benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Calender

 Mudé ju tl mode doandent:Proscims termins
          
Chirí na manifestazionChirí na manifestazion  Stampé la plataStampé la plata  Propone n eventPropone n event


Antermeia-Börz: Bal dles stries

Data dla manifestazion:, 24. Messel 2009Cultura
Data finala:, 08. Aost 2009
categoria:Manifestazions   Manifestazions
Descrizion:
Al vegn scur y tant nuet: les stries bala encerch La manifestazion vegn metuda jì en colaborazion con l EPL - Pruma raprejerntazion dl teater "La Strega" de Iaco Rigo - Triparies per mutons  Image Hosting by PictureTrail.comAl se trata dla pruma gran manifestazion metuda a jì da la lia "Cultura da munt", con sia presidenta Gay Irsara, metuda su en chesta outa. Ala se à tout dant de mete a jì na lignola de seires de entrategniment te un di scenars plu biei dles Dolomites, sun Börz y i pres plajoui de Sotpütia, lian ite l "bal dles stries", metù a jì bele da n zacotant de agn, con n valgunes d'autres novités per entrategnì i sciors y la jent dl post n valgugn dis amesa l isté. Mujiga, bal, teater y aorela curta se barata ju a rodul.
Bal dles stries sun i pres sot Pütia. Chesta outa con na preja de ert y teater.

















Image Hosting by PictureTrail.com

24 de messel: esposizion dl EPL sun i pres Sotpütia
L'ert plu auta (ars maxima) é la natura y sot a chest motto tol pert Ert per i ladins (EPL), a recordanza de si 50 agn da la fondazion, a la manifestazion metuda a jì da la lia "cultura da munt". Per i artisc' se tratòvel de ideé, zenza avei abù dé dant n tema, operes da podei mete fora alalergia. Al vegnirà metù fora endut 6 operes de chisc artisc' sun i pres da munt sot Pütia: de Albert Mellauner, de Helmut Pizzinini, dl duo Gustav Willeit/Michael Moling, Irina Tavella, Mariana Acuña, Roberta Sottara y de Silvester Promberger. I vijitadours che se met sun l troi de ert ciafarà sun l post les spligazions de uega.
Sot a les steiles: "La Strega", teater metù adum da Iaco Rigo
L drama, metù jù per talian per gauja di trueps sciors a mesa isté, con cianties per ladin anterite, vegnirà porté dant les seires dl 24 y 25 (vender y sabeda) de messel y ai 6, 7 y 8 (juebia, vender y sabeda) de aost, dagnora sun l danterores, da les 21.30. Al vegn consié de ruvé sun l jouf de Börz entourn a les 20.45 y da chilò peia via i grups de vijitadours per jì deberieda sun i pres de Sotpütia. Consié végnel tamben de se tò do guant ciaut y ence valch contra l tume, sce al essa da plovei.
L drama "La Strega" é vegnù metù ju da Iaco Rigo sun enciaria dla organisazion. La regia é tles mans de Simon Kostner. I prums personajes dl drama vegn jobelnés da Bibi Agosto, Margherita Clemente y da Simon Kostner enstes. La mujiga originala dl pez é vegnuda componuda da Angela Palfrader. Ela enstessa sonarà la vidola. Costums, scenar y consulenza artistica é tles mans de Margareth Forer de Gherdeina.

L bal dles stries
En vender, ai 31 de messel, balarà sun Börz endò les stries. Dlongia al bal tl scur entourn fuech vegniràl sburlé ite valch entrategniment entratant dut l dì. An à ence pensé per i mutons: da les 10.00 dantmesdì inant vegniràl conté stories y al sarà sun l post clowns. Dales 15.00 vegniràl fat la desfileda da Börz vian Sarighela. Sun troi vegniràl fat valch desmostrazions dl laour sun mont zacan y al vegnirà ence mostré cie speisa che an cujinova enlaouta. Chest cheder vegn completé da na mostra de fotografies da zacan. Da les 17.30 a les 23.00 và la festa inant puech plu ensù sun i pres de Sotpütia con mujiga, "Schuplattler", corns da mont y mujiga a percuscion. Dedò l bal dles stries y di strions entourn fuech via.
La domenia, ai 26 de messel 2009, dales 10.00 inant, ti vegn dedicheda deplen a la natura. Dl dì se festidieia i verdaparcs dla provinzia che condujarà sun semenes da mont per amiré les piceres y les gran marevueies dla natura.
Publiché da ghest ai 25.06.09 y dé pro da noeles

 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.403 seconc