benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Calender

 Mudé ju tl mode doandent:Proscims termins
          
Chirí na manifestazionChirí na manifestazion  Stampé la plataStampé la plata  Propone n eventPropone n event


La Val/Pederoa: Gadersound 2009

Data dla manifestazion:, 17. Messel 2009Cultura
Data finala:, 18. Messel 2009
categoria:Conzerc   Conzerc
Descrizion:Pederoa-La Val-Plans dl Galber: Gadersound 2009, daven da en vender, ai 16 de messel enfin a en sabeda y nuet a la domenia, 17 de messel
Free Image Hosting at www.picturetrail.comL grup di joegn da La Val organiseia chest ann per l sest iade l „Gader Sound“. Tres les ultimes edizions garatedes se à fat l conzert alalergia n bon inom y à arjont l ann passè plu de mile spetadours. La mujiga folk-rock y Ska sarà ence chest ann protagonista y vegnirà soneda da bands de duta l'Europa. Al metarà man en vender, ai 17 de messel da les 20.00 con la band da Badia, BLACKOUT. Dedò sonarà i REBEL LIONS da Maran, stile Reggae-Ska. Desche band prinzipala dla seira audiràn i TALCO. La band da Aunejia é la plu ameda ti paisc todesc, sce ala se trata dl Ska. I 10 musicisć, armés de strumenc a flé de vigni colour, ti robarà les ultimes forzes ai balarins. La sabeda, ai 18.07.09 jirà spo inant l conzert da les 16.00 con la seconda band da Badia, i ACOUSTIC PROJEKT. Dedò sonarà FANTASTÀ da Bergamo. Per l prum iade àn abù la poscibelté da envié na band spagnoula. Sce al vegn rejoné tla Spagna di GAIA DUB SINDICAT, spo sàn che ala se trata di miours musicisć dl Reggae. Adum ai SISYPHOS da Sterzing prejentarài n program unich che ne é vegnù soné sun degun paion dla tera. Sciche band prinzipala auden spo i SINE FRONTERA. La band da Mantova, che à soné ence a la ultima edizion, ti é juda ite a vigni oredla y à porté duta la fola a balé. Trueps spetadours a prié i organisadours da i envié a soné ence en chest ann. A n tel enteres ne àn nia podù ti nié n bis. A scluje ju la seira musicala saràl i LOA GROOVES da Bulsan. I trei percusionisć ruvarà la serada da les trei da doman con ritms valgamia durs. Sciche tla ultima edizion tegniràn l conzert sun i „Plans dl Galber“ a Pederoa. I joegn da La Val envieia duc i joegn y duc i atempés che se sent jogn a chesta manifestazion y de se nodé bele sen su les dates.
Publiché da ghest ai 28.05.09 y dé pro da noeles

 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.440 seconc