Noeles.net - Informazion ladina Calender

EDEMES dla sanité: prevenziun damì co varì! I Consëis de formaziun dla Val Badia (cun ezeziun dl Consëi da Rina, impormò istituì y d’Al Plan, che organisëia da d’altonn n’edema dla sanitè) mët a jì dai 31 de merz ai 12 d’aurì en colaboraziun cun le Sorvisc Formaziun Val Badia döes edemes dedicades ala sanité: PREVENZIUN DAMÍ CO VARÌ. Sot a chësc motto vëgnel organisé vigni dé conferënzes sön tems atuai da sëra o domisdé te un n paîsc dla Val Badia, olache la jënt pò nuzé l’ocajiun por avëi informaziuns diretamënter da doturs esperc. Chësc é le program:
Domënia ai 30.03. dô mëssa, dales 10.°° ales 12.°° a La Pli
„Mosoraziun dla presciun y dl zücher“

Lönesc ai 31.03. dales 20.°° a La Pli referat „Mè de spiné“

Mercui ai 02.04. dales 20.°° a La Val referat „Depresciuns – reconësce, presservè y varì“

Jöbia, ai 03.04. dales 20.°° a Corvara
„Co pon pa se stravardè dal dè le bot al ciorvel?“

Vëndres ai 04.04. dales 20.°° tl comun de Badia referat „Varì cun l’alimentaziun“

Sabeda ai 05.04. dales 15.°° a San Martin referat „Barot sann, porsona sana“

Domënia ai 06.04. dô mëssa, dales 10 ales 12.°°
„Mosoraziun dla presciun y dl zücher“te deplü paîsc dla Val Badia

Lönesc ai 07.04. dales 20.°° a La Val referat „Previdënza por la vedlëza – Alzheimer y Parkinson“

Mertesc ai 08.04. dales 20.°° a La Val referat „Maraties dla pel“

Mercui ai 09.04. dales 14.30 conferënza sura l’importanza dl’alatamënt

Jöbia ai 10.04. dales 20.°° tl comun de Badia referat „Terapia cun musiga“

Vëndres ai 11.04. dales 20.°°a La Val referat
„L’ëra y sü mai – co pon pa i evité?“

Sabeda ai 12.04. dales 15.°° a Corvara referat „Allergies y alimentaziun“

Sorvisc Formaziun Val Badia
dl Istitut Ladin „Micurà de Rü“


Vos ne seis nia loghé ite. [ Loghé ite ]