Bulsan: conzert con i "Acajo" y "Jean Daniel Granruaz & Band"
| | Data dla manifestazion: | , 09. Merz 2005 | Scomenciament: | 21:00h |  | | Data finala: | , 09. Merz 2005 | Fin: | 23:00h | | categoria: |  Conzerc | | Descrizion: | L conzert é en mercui ai 9 de merz 2005 a Bulsan tl Pice Teater Carambolage, str. Argentieri. Al scomencia da les 9 da seira. Entreda debant.
L grup ”Acajo” é metù adum da Raimond Irsara (chitara, Sax, ousc), Walti Moroder (clavier, chitara, ousc), Hansjörg Kostner (ousc, chitara), Viktor Canins (contrabas, ousc) y Georg Malfertheiner (bateria, congas, ousc).
Tl curs de sia colaborazion musicala à i cinch musiconc da Urtijëi laoré fora n stil dl dut personal, nia da abiné ti schems tradizionai dl pop, dl rock o dl jender folk. Dagnora per ladin, sie lingaz dl’oma, ciàntei de temesc bendebot desferenc anter ei sciche l ambient, l amour, la vera o la mort.
Laprò saràl ence l chitarist Jean Daniel Granruaz da la Val Badia con sies composizions per ladin y per ingleis a viventé la seira.
Te sia mujiga se mesceidel tesc’ poetics y na armonia de basa jazz con desferenc influsc musicai, dal pop al flamenco enchin al bossa nova per ruvé al rock. Piccolruaz é compagné tl Carabolage da Alessandro Trebo (clavier), Phil Mer (bateria), Max Castlunger (percuscion) y Carmelo Leotta alias Leon Price (contrabas).
Organisazion: Consulta per i problems ladins a Bulsan | | Publiché da ghest ai 17.02.05 y dé pro da noeles | |
|
Chirí na manifestazion
Stampé la plata
Propone n event