Calender

Cheder dles proscimes 18 manifestazions ciariedes, dai 15.02.03.

Evenc sportifs	Manifestazions	Formazion	Conzerc	Congratulazions
Aniversars	Esposizions	Encontedes	Aorela curta	Convegns
Seminars	Viadesc	Enaudazions	Films	Messes
Conduel y recordanzes

15.02.03 19:30h	enfin ai	22:00h	Ladinia Cup a Lungiarü Ladinia Cup a Lungiarü sön la pista “Dô Juvel” a Lungiarü in sabeda ai 15.02.2003 dales 19:30 ISCRIZIUNS Les iscriziuns po gni fates cina le dé dan la gara dales 19.00, poscibilmenter tres fax (o ince pur telefonn). Pro I'iscriziun él da dé dant: Inom - cognom - ann de nasciüda - categoria Scri ite se pon pro: Por la gara da LUNGIARÜ: Domenico Clara - Tel./Fax 0474/590060 LIÖSES Liöses altes: alteza min. sot ite 13 cm, giamates de legn, sores de fer cun ciantun (Kante) a 90°, peis max 10 kg. Liöses basses: dütes les liöses che ne sta nia ite tla categoria dles liöses altes, alteza manco de 13 cm, sores de plastica, ciantun manco de 90°, peis sura 10 kg.
16.05.03 20:00h	enfin ai	22:00h	Plü sigüsc sön strada Le Grup di Jogn da San Ãiascian mët a jì na sëra d’informaziun sön co se comportè tl caje de inzidënã Al vëgn splighé le funzionamënt general dl motor y insigné da cambié na roda y da mëte sö les morones. Le curs vëgn tignì da Albin Crazzolara a Corvara, Auto Cir.
09.07.04 17:00h	enfin ai	19:00h	Streda dla Val Badia, situazion En venders, ai 9 de messel, da les 17.00 sun l plazal di laours a Mantena Todescia dará l assessour ai laours publics, F. Mussner, deberieda con i tecnics enciariés inj. Julius Mühlögger y l inj. Fulvio Pisetta informazions soura la situazion di laours pro la streda dla Val Badia. Aldo Marzola prejentará i laours che é jus debujegn per seguré les rodenes do streda ite, coche an á fat jí cialá la crepadura tl terz tunel y coche an á colé de peton i pilastri che sostegn l pont, mostran ence valch filmat.
05.09.04	enfin ai	12.09.04	Dis de leteratura, teater, ert y mujiga 2004 DIS de leteratura, teater, ert y mujiga dai 5 ai 12 de setember tla Ciasa de Cultura a La Ila metus a jì da de plu lies y istituzions ladines. La cuinta edizion di DIS é dedicheda dantaldut a l'ert dla cinematografia. Al gnirà prejenté films per ladin realisés aposta per i DIS y d'autri films fac da mendranzes. Sun l program ampl y desvalif él prevedù en plu d'autres manifestazions culturales, sciche la prejentazion dl CD nuef dla Union Ciantautours Ladins, n toch de teater sun l'educazion ambientala de Simon Kostner, na conferenza y n conzert dles mujighes per films de Nino Rota, na mostra d'ert, n laboratore sun la realisazion de films davert a duc, na meisa torona, n matinée leterar, na multivijion de conties popolares y “chi dla nuet“.
19.09.04			Pres de Kohlern/Colle: enduneda dla Comunanza Ladina Domenia, 19 de setember 2004, sun i pres Kohlern/Colle/Bulsan tla Utia de Comun La Comunanza ladina a Bulsan se muev endò y vuel passé n dí en bona compagnia sun Kohlern/Colle en domenia che vegn, ai 19 de seember. Per chi che á vueia de jí a pé, él poscibel de fé na spazirada de za. trei ores sun l troi devers les Schneiderwiesen che se ruva a Totes Moos y an tourna spo a la utia per la marena. Chi che vuel tó pert se abina da les 09,00 pro la forenadoia a val de Kohlern/Colle. A les 12.30 marena (debant) pro la utia dl comun. Da les 14.00 inant juesc per pici y gragn. La festa vegn ence fata da rie temp. La forenadoia al Kohlern/Colle peia via vigni mesa ora (da les 08.00 a les 12.00 y da les 13.00 a les 19.30). Preibel se anunzié pro la segreteria dla Comunanza: 0471/286103.
02.10.04 20:30h	enfin ai	22:00h	Seira de leteratura y de prosa ladina Sabeda, 2 de otober, da les 20.30 inant tl Zircul Zitadin/Circolo Cittadino tla Via Grappoli/Weintraubengasse Nr. 2 a Bulsan La Consulta Ladina dl Comun de Bulsan envieia a na seira de leteratura y de prosa ladina che veid dantfora chest program: Dolores Dariz - Presidenta: -Paroles dantfora Rut Bernardi: letura de poejia, dramatica y prosa fora dai libri -Gherlandes de sunëc. Skarbeus 2003 -Nëus jon cun la ferata. Stories crimineles 2002 -Juesc de paroles. Poejies da rì Daria Valentin: letura de poejies fora dl liber "Lüch d’arjënt" Ivan Senoner: letura de sia contia nueva "La ueia de pië via" Lois Craffonara: letura de traduzions de poejies grijones y furlanes "Flus" entratant duta la seira sonaràl: Alessandro Trebo – Clavier Gabriele Pesaresi - Contrabas Dedò valch da beive per duc. Tres la seira conduj Monika Willeit.
09.10.04 10:30h	enfin ai	12:00h	La Cultura Ladina Sabeda, ai 9 de otober 2004, da les 10.30 inant Salon dl Ciastel a Colorêt de Montalban/Colloredo (UD) tl Friul L aprofondiment dles raijes culturales dl Friul tl cheder dles corelazions con les autres cultures ladines é l obietif dl Convegn che vegn metú a jí da la Comunité Colinara dl Friul Colorêt y dal Zircul cultural Laurenzian de Buja sot al patrozine dla Université di Studes de Udin, dla Sozieté Filologica Furlana y dla Union Scritours Furlans. L Convegn veid dantfora chest program: da les 10.30 introduzion musicala - salut dles autorités da les 10.50 prejentazion - Renzo Balzan, scritour dedò relazion dl prof. Giovanni Frau dl'Université de Udin da les 11.30 - intervent dl prof. Domeni Zanier, poet y de Lois Craffonara, studious dla Ladinia, dedò debata. Cornisc musicala vegn sporta da I Pazedins da Cianacei/Fascia
27.11.04 15:30h	enfin ai	17:00h	Moviment Politich Ladins: reunion generala En sabeda, ai 27 de november 2004, da les 15.30 a Colfosch, salf dla scola elmentara Le Moviment Politich Ladins envieia a chesta reunion, oláche al vegnirá lité n president y na jonta nueva. Program 1. pert (relazions curtes): L moviment politich Ladins - na pera miliara sun la streda dl´emanzipazion politica - Giovanni Mischí; Ativité y finanzes dl Moviment 2003-2004 (Lois Castlunger y Pepi Cristofolini); L davegní dl moviment politich LADINS (Carlo Willeit); L comun, comunité de servisc o strument de burocrazia. La partezipazion dles eles y di joegn. Les veles 2005 (Lori Senoner y Heinrich Demetz). 2. pert - Renovament dl moviment Mudazion dl statut; osservazions y propostes di partezipanc a la reunion Lita dl president y dla jonta Pice renfresch con ciastegnes "Jent Ladina, mostrede coraje, rompide la scuscia, vegnide de trueps, ala se trata de te, de me, de nosta populazion, nosc destin é te nostes mans".
23.01.05 15:00h	enfin ai	18:00h	Reunion generala di clubs di alcolisc' S. Martin, Picolin 71, tl porte dl Raion sozial Tema: La sanité tla familia y tla comunité Relatours: Siur Degan Franz Sottara y Silvia Sevignani, Trent Al vegnirà premié persones che da plu agn encà à lascé de beive bevandes alcoliches. Al vegnirà ence lité la jonta nueva dl'assoziazion. Duc i interessés y les persones che porta responsabelté per la comunité é enviedes a chest event important.
01.04.05 10:30h	enfin ai	12:00h	Lista LADINS de Selva: prejentazion Vender, ai 1 de auril, da les 10.30 La lista LADINS de Selva se prejenteia con program y candidac per les veles comunales 2005 en chest vender, ai 1 de auril, da les 10.30 tla ustaria de Val a Selva. Duc canc é dret bel enviés.
20.04.05 18:00h	enfin ai	19:00h	Bulsan: Dolores Dariz, candidata per l Consei Mercui, ai 20 de auril, da les 18.00 tla Ustaria "Cavallino Bianco/Weisses Rössl" Str.Bottai/Bindergasse 6, Bulsan La aconsiadoura ladina tl Comun de Bulsan, Dolores Dariz, envieia a na enconteda per rejoné deberieda sun proscimes lites comunales y la raprejentanza ladina tl Consei de Bulsan.
05.05.06	enfin ai	27.05.06	Val Badia: seires culturales VAL BADIA. L'Uniun Ert por i Ladins (EPL) en colaborazion con d'autres Unions met a jì ot seires dedichedes a la leterara ladina y a la mujiga. La lignola de seires met man en vender ai 5 de mei a Al Plan tl salf dles manifestazions da les 21.00 con l spetacul Roda dl mond te 80 menuc. En juebia ai 11 de mei a La Plì de Mareo tla ostaria Sotrù da les 21.00 prejentazion dl liber Na storia desco n'atra. En vender ai 12 de mei a San Martin tl Istitut cultural da les 18.00 prejentazion dl liber Mies stories de Pire Comploj. En juebia ai 18 de mei a Al Plan tl hotel Al Bagn da les 21.00 prejentazion dl roman Zero de Tone Kastlunger. En vender ai 19 de mei a Al Plan tla Galaria dl Cafè Teresa da les 19.00 Mostra de pitures y scultures de Guido Moroder. En mercui ai 24 de mei a San Martin tl Istitut dales 18.00 Cuarta edizion dl Pest lirich Angelo Trebo. En juebia ai 25 de mei a AL Plan tla ostaria Cone da les 21.00 Le boché de Paul Zardini. En sabeda ai 27 de mei a La Pli de Mareo tl salf dles Unions da les 21.00 prejentazion dl CD nuef Pulsaziuns. (jp)
13.05.06			Weissenstein/Pietralba: Messa Ladina S. S. MESSA LADINA - Sabeda ai 13 de mei da les 16.00 h tla gliejia de Weißenstein/Pietralba Desche vigni ann Ves envieia la Comunanza a tò pert a la Messa ladina che chest iade vegnirà tegnuda a Weißenstein. Ala vegn zelebreda da Don Pietro Rossi di Salesians dl Rainerum y abelida dal Cor de gliejia de Soraga. Do messa podaronse sté adum pro valch de bon a se la conté. I Ves speton con amisc y simpatisanc. Per chi che vuel él ence l’ocajion da jì con la coriera che piarà via da Bulsan da les 14.00 h dant nosta senta tla streda Roen nr. 6. Da paié n’el nia. Per se anunzié preibel cherdede su Ivan Lezuo al numer 0471/952197. Assevedei L president Ivan Lezuo Bulsan, ai 27 de auril 2006
19.06.06 20:30h	enfin ai	22:00h	Poza: seira de informazion sun i referendums En previjion dl referendum popolar di 25 de jugn envieia la Union Autonomista Ladina (UAL) duta la jent de Fascia a na seira de informazion en lunesc, ai 19 de jugn 2006, da les 20.30 alò dal auditorium dles scoles mesanes de Poza, al referesc soura l tema Bepe Detomas
25.06.06 10:00h	enfin ai	21:00h	Anpezo: enconteda dles lies da mont 25 de jugn 2006: enconteda dles Lies da mont ladines su da la utia Croda da Lago via n'Ampez, da les 10.00 inant Chest ann él la outa numer catordesc che les sezions dl CAI dles valedes ladines entourn l Sela se ciata, tradizionalmenter la ultima domenia de jugn y a rode, su per valch bela mont a fé na fré de festa deberieda sot a les crodes, anter amisc, zenza mete amez politica y rejiaries, ma demé per se ciaté anter jenc a chi che al ti plej jí tla natura, jì a creps, fé ferates y che se dà da fé a na moda che i trois y l ambient sie dagnora nec y segurs. La organisazion dla catordejeisema giorneda ti toca chest ann a la Sezion d’Anpezo che à enjigné ca dut a fé vegnì i amisc dl’Auta Fascia, da la Val Badia, da Fodom, da Gherdeina, da Moena, Poza de Fascia y da San Vido, y duc chi autri che arà plajei de ester a la pert, su da la Utia Croda da Lago, en domenia ai 25 de jugn 2006. An se abinarà su da la utia sun l our dl Lech de Federa da les diesc a bonora; da les undesc tegnirà messa Don Matteo Colle, joen capelan d’Anpezo. Dedò vegniràl a parola zacotant de autorités dl CAI y dapò podaràn marené duc adum, daite o defora da la Utia. La giorneda, sce l temp se ouj al bel, jirà inant enfin canche al é ora de dé outa a ciasa. Les sezions dl CAI de Anpezo, ogheda (=guidare, vidé) dl 1998 dal dotour Federico Majoni, ova enjigné ca per la pruma outa la giorneda con les sezions ladines dl CAI, ai 24 de jugn dl 2001 su en Novolou. Enlaouta fòvel na bela giorneda da soredl, y da la piza plu “panoramica” de duta la val d’Anpezo se ova duc godù n belvedei che al fova na marevueia, y duc se l arà dessegur tegnù ti uedli y tla recordanza. Al fossa bel che chest ann la giorneda fosse valiva o miec che enlaouta y che sun Croda da Lago duc i amisc dles sezions dl CAI vegnus ca pro podessa passenté n valgunes de beles ores deberieda te nostes Dolomites! (em)
05.07.06 20:30h	enfin ai	22:00h	Urtijei: 17eisema edema dla natura En ocajion dla 17eisema edema dla natura anter i 3 y i 7 de messel, met la Lia per natura y usanzes a jì na meisa torona sun l argument: "Nost enciasa anter tradizion y svilup" Tant de turism soporta pa na valeda da mont? en mercui, ai 5 de messel 2006, Urtijei, Aula magna, da les 20:30 Con referac da pert de reprejentanc tl ciamp dl turism, dl’agricultura, dl’economia forestala, dla Lia natura y usanzes. Al rejona: Michil Costa - ostier de Corvara Roland Della Giacoma - diretour dla repartizion per natura y paesaje Dr. Christoph Engl - diretour dl "Südtiroler Marketing Gesellschaft" Prof. Andreas Gottlieb Hempel - architet y publizist Dr. Helmuth Moroder - vize president dla "Cipra" Moderadour: Thomas Siegmund L’entreda é debant!
30.09.06 09:00h	enfin ai	13:00h	Colfosch: Di de formazion politica Di de formazion politica Calfosch, Ciasa Tita Alton Sabeda, 30 setember ‘06 da les 9.00 - 13.00 Program: 1. Salut y introduzion: Roland Thaler 2. La politica al servisc dla sozieté y dl zitadin - Organisazion y funzion di partis - N partì per la mendranza ladina: Carlo Willeit 3. Les unions ladines sciche fondamenta storica y culturala de na politica ladina. Cristina De Grandi 4. Cie pò y dess pa fé l Comun per nosta comunité: Georg Moroder 5. La mendranza ladina: livel de sconanza y autonomia: Andrea.Rizzi 6. I Ladins anter i popui manacés: Mateo Taibon 7. Esperienzes y prospetives de na politica autonoma ladina: Luigi Chiocchetti 8. Meisa torona: “Cie podonse y messonse pa fé per ti dé plu forza, plu convinzion, a na politica autonoma ladina?” Moderadour dl simpose, y info: Lois Castlunger, tel. 0471847200 Da les 13 h zirca: Marena tla Pension Vittoria, Calfosch, per l priesc de 16 €. Organisazion: Moviment Politich Ladins y Union Autonomista Ladina
05.10.06	enfin ai	07.10.06	Trent: Forum Nazional dles Mendranzes Forum Nazional dles Mendranzes Prinzips, esperienzes y strategies per n svilup comunicatif dles mendranzes. L Forum é dediché cis al svilup dles comunités de mendranza ence te relazion ai raions plu gragn olache eles viv. Per valorisé les comunités linguistiches cógnen ester bogn de realisé flusc de comunicazion significatifs te does direzions complemetares: la pruma lieda a la capazité de doré strategies y strumenc de comunicazion a sconanza dl'identité y dl svilup dles mendranzes te sie intern; la seconda lieda a la capazité de comuniché l'identité a les autres comunités linguistiches, y souraldut a chela de maioranza. Liam a la plata dl "Forum Nazionale delle Minoranze linguistiche" con program, reladours y orars: Trent: Forum Nazional dles Mendranzes N convegn metù a jí dal "Servizio per la promozione delle minoranze linguistiche locali" dla provinzia de Trent