 Evenc sportifs |  Manifestazions |  Formazion |  Conzerc |  Congratulazions |
 Aniversars |  Esposizions |  Encontedes |  Aorela curta |  Convegns |
 Seminars |  Viadesc |  Enaudazions |  Films |  Messes |
 Conduel y recordanzes | ||||
| 22.09.07 18:00h | enfin ai | 23:00h | Museum de Gherdeina: la nuet longia MUSEUM GHERDEINA La Nuet longia di Museums Sabeda, 22.09.2007, 18.00 - 24.00 Program entournvia 8.00 -- 20.00: de vigni sort de strumenc: cialé, scuté su y soné con Otto Dellago I pici y sies families à l'ocajion de emparé a conesce da davejin, scuté su y ence de prové fora enstesc strumenc de mujiga plutost rers, che vegn sonés dantaldut pro la mujiga tradiziunala. Daldò é duc canc enviés de fé pera pro n "quiz" sun la "mujiga & l ert tl museum" y vence n bel pest. da les 20.00 inant: Viade tla storia con mujiga con maestri dla Scola de mujiga de Gherdeina Mujiga dal Medieve al temp dl baroch enchin al didancuei soneda sun strumenc desferenc fej da liam con la bela arpejon culturala da amiré tl museum y acompagneia ite tla nuet. Al sona Erwin Moroder cello, Reinhilde Gamper zitra, Vinzenz Senoner oboe. Entratant duta la seira végnel pité vijites v tla mostra nueva "Bierjun 1490, i socrec de na majon". Buffet con speisa tradiziunala per pici y gragn. |
| 26.09.07 20:30h | enfin ai | 22:00h | Fodom: Les rejons storiches dl referendum En mercui, ai 26 de setember, da les 20.30, végnel tegnù a La Plie de Fodomna conferenza dal titul: "Les rejons storiches dl referendum" con i reladours: dot. Luciana Palla, esperta de storia ladina y l dot. Ivan Lezuo, President dla Comunanza Ladina a Bulsan. Duc é benvegnus. |
| 04.10.07 20:30h | enfin ai | 22:00h | Cortina: Teritore, storia, cultura y unité de n popul che ne vuel nia morì Sala Cultura "Don Pietro Alverà" Juebia, 4 de otober 2007 da les 20,30 Conferenza – debata "Tera, storia, cultura y unité de n popul che ne vuel nia morì" Reladours: Riccardo Zanoner e Elsa Zardini – vize-president dla Union Generela di Ladins dles Dolomites y Marco Pizzinini – coordinadour dl comité "Amisc dla Ladinia unida" A la seira introduj Siro Bigontina – coordinadour dl Comité Referendar per la reunificazion dla Ladinia dl Sela |
| 25.03.08 15:00h | enfin ai | 29.03.08 19:00h | Fascia: Edema dla cultura, na festa per duc Edema dla cultura: na festa per duc Dai 25 ai 31 de merz 2008 - Entreda debant tl museo ladin de Fascia y 20% de arbas sun dutes les publicazions dl Istitut Cultural L Museo Ladin de Fascia tol tamben pert a la X Edema Nazionala dla Cultura metuda a jì dal Ministere per i Bens y les Ativités Culturales dai 25 ai 31 de merz 2008. L slogan de chest ann "L'Edema dla Cultura: na festa per duc" vuel sotrissé la volonté de ti fé conesce a la jent a na maniera plu fona y tamben na maiour conescenza di bens culturai che é entourn nos via y che ai raprejenteia, anter l auter, n fatour de competitivité y de svilup nazional y local. L Museo Ladin de Fascia vegnirà daurì per chesta ocajion debant, da mertesc 25 enfin sabeda 29, da les 15.00 a les 19.00, per ti dé l muet a duc chi che vuel de se arvejiné a la cultura y a les tradizions ladines dla Val de Fascia. L Museo sporj n zacotanc liviei de letura, tres si alestimenc y la prejenza de postazions touch-screen olache, dlongia i erc (les massaries), pòn vedei de curc filmac monotematics sun les ativités, la storia, i laours y les usanzes dla val. La jent dl post podarà enscì conesce plu davejin sia comunanza y descorì endò la vita de nosc besavons y depierpul troarà i folestiers y i sciors l muet de se arvejiné a na vida completa a la cultura y al lingaz ladin. Souraprò vegniràl sport via per l'edema tla libraria dl Museo les publicazions dl Istitut Cultural Ladin con n arbas dl 20% sun l priesc de cuertl. Museo Ladin de Fascia Edema dla Cultura 2008: na festa per duc 25 - 29 de merz 2008 entreda debant da les 15.00 a les 19.00 arbas dl 20% sun les publicazions ICL |
| 29.04.08 18:00h | enfin ai | 19:00h | Trent: premiazion dl liber "Maria Piaz de Pavarin, dal Pordoi a Katzenau" Mertesc, 29 de auril, da les 18.00 Tl cheder de TrentoFilmfestival a Trent l'edema che végnel premié en mertesc, ai 29 de auril, da les 18.00 tl Ciastel Buonconsiglio pro la edizion de MontagnaLibri 2008 l liber "Maria Piaz de Pavarin / Dal Pordoi a Katzenau" dla storica fodoma Luciana Palla, dé fora dal Istitut Ladin de Fascia Majon di Fascegn. |
| 06.05.08 20:30h | enfin ai | 22:00h | Museo Ladin de Fascia: n contribut per conesce la storia di popui Museo Ladin de Fascia, sala Heilmann En mertesc ai 6 de mei 2008 da les 20.30 L CONTRIBUT DLA GENETICA PER CONESCE LA STORIA DI POPUI Reladessa: d.ra Valentina Coia, enrescidoura responsabla dl projet BIOSTRE Université de Trent (Partiment de filosofia, storia y bens culturai) |
| 17.05.08 14:30h | enfin ai | 21:00h | Pederoa: batadoi dl Moviment Politich Ladins Sabeda, 17 de mei, da les 14,30 L Moviment Politich Ladins envieia duc i enteressés/edes al 3. batadoi interladin, en sabeda ai 17 de mei, da les 14,30, a Pederoa, ostaria La Ciasota. La iscrizion costa 15 €. Al vegn ofrì valch da ceina y de biei pesc' per i miours. Info y prenotazions: 3483167741 |
| 24.05.08 16:00h | enfin ai | 17:00h | Bulsan: Messa ladina Sabeda, ai 24 de mei 2008, da les 16.00 Tl meis de mei toma endò la bela tradizion che cherda adum i Ladins da Bulsan y entournvia per la santa messa. La zelebrazion liturgica vegnirà tegnuda chest ann tla gliejia di capuzineri y vegnirà cianteda da n grup ladin. Dedò végnel pité n pice renfrech y an arà la poscibelté de podei passé n bel moment deberieda. Duc chi che à vueia y se tol dlaorela da vegnì é dret benvedus! La presidenta dla Comunanza Ladina de Bulsan Silvia Alfreider |
| 21.07.08 17:00h | enfin ai | 18:00h | Vich de Fascia: "Do l troi dles conties" Vich de Fascia, Museo Ladin de Fascia, sala Heilmann Lunesc ai 21 de messel 2008, da les 17.00 Prejentazion dl liber Sul sentiero delle leggende / Do l troi de la conties |
| 22.07.08 20:30h | enfin ai | 22:00h | Urtijei: seira de informazion MP Ladins/Jent Ladina Dolomites Urtijei, mertesc, 22 de messel 2008, da les 20.30, tla sala Gisela, Str. Stazion Seira de informazion y de discuscion Pruma pert, informazions da pert de: Marco Pizzinini, president de Jent Ladina Dolomites Heinrich Demetz, president dl Moviment Politich Ladins Ulrica Goller, candidata Pepi Dejaco, candidat Seconda pert: Discuscion, con la poscibelté y l envit a duc de tò pert ativamenter con idees y propostes, con la desponibelté de sté sciche candidat sun lista, con daidé tla organisazion y tla propaganda. La popolazion é dret bel envieda de vegnì a chesta seira de informazion y da ti dé sostegn a chesta nueva iniziativa per l ben dla jent. |
| 22.07.08 20:30h | enfin ai | 22:00h | Cortina d'Ampez: les proprietés coletives L coordinament dl Venet dla consulta nazionala dles proprietés coletives sot al patrozine dles Regoles d'Ampez y dl Parch Natural dles Dolomites Ampezanes envieia duc i zitadins y enteressés a la prejentazion dl liber "La montagna e il diritto" de Elisa Tomasella e Antonio Ciaschi. che vegnirà tegnuda en mertesc, ai 22 de messel 2008, da les 20.30 tla ciasa dla cultura "don Pietro Alverà", dedò pice renfresch. L liber rejona di terac agricui y dles proprietés de vejinanza con elemenc geografics y giuridics. |
| 18.08.08 17:30h | enfin ai | 19:00h | Sen Jan/Fascia: prejentazion de Gente di Val di Fassa Gente di Val di Fassa de Donatella Bindi Mondaini Prejentazion dl liber y scontreda con l'autoura en lunesc ai 18 de aost 2008 h 17.30 Museo Ladin de Fascia - Sala L. Heilmann Sen Jan – Vich |
| 04.10.08 17:00h | enfin ai | 19:00h | Anpezo: Festa dla Unité Ladina Festa dla Unité Ladina En sabeda, ai 4 de otober 2008 da les 5 domesdì a Cortina d'Anpezo La Union Generela di Ladins dles Dolomites à l plajei de Ves envié a la Festa dla Unité Ladina tl Ann Internazional dles rejonedes tl "Zenter Congresc Alexander Giardi" a Cortina en sabeda ai 4 de otober 2008 da les 5 domesdì con chest program: - salut dla Presidente Elsa Zardini - prejentazion "100 anni di impegno per un ideale", reladoura Nadia Chiocchetti- na fregola de mujiga anterite - relazion sun la rejoneda ladina, reladour prof. Paul Videsott, dla Université de Bulsan - prejentazion - "Ścatul", curs per emparé ampezan, reladours Stefano Lorenzi y Daria Valentin - na fré de picera marena |
| 04.10.08 18:00h | enfin ai | 19:00h | Al Plan de Mareo: prejentazion de "Ia y ca" |
| 30.11.08 10:00h | enfin ai | 12:00h | Cortina d'Ampez: Festa dl desmonteé En Domenia, 30 de november, da les 10.00 inant vegniràl premié i zidladours de bestiam ampezans che à tout pert al vegnì da mont da les pastures alaut da d'isté y i mutons dla scola elementara che à fat dessegns. La festa vegn metuda a jì da Les Regoles de Ampez deberieda con l comun de Cortina y con l sostegn dla provinzia de Belun. |
| 03.07.09 21:00h | enfin ai | 22:00h | Moena: na seira con Roberta Dapunt y Soggetto Trio Vender 3 de messel 2009, da les 21.00 Music Club La Grenz - Strada Saslonch Roberta Dapunt y Roberto Soggetto Trio Roberta Dapunt é una dles interpretadoures plu sensibles y agudes dla realté ladina de encuei. Sia ousc ne vegn nia dai certli poetics y leterars dles gran zités, ala ne é nia lizia y ne tol nia su da la moda: fosc ence per chesta rejon pèrela tant nueva, autentica y sterscia. Les rimes de Roberta Dapunt vegn acompagnedes da la mujiga de Roberto Soggetto Trio, anter angostum y armonia. Da una na pert encontonse n troi sfadious, n se sté ert religiousamenter, prieres che ne apajeia nia, imajes de mort; da l'autra pert l sens de pureza sacrala che gej tla tera, ti ritms dla natura, tla vita da mont y te sies usanzes che lieia adum persones, sies manieres zenza temp, i tiers y l chiet che la poetessa viv en pruma persona. |
| 10.07.09 22:00h | enfin ai | 23:00h | Moena: Andreas Hofer y i ladins Vender, 10 de messel, da les 21.00 Aula Magna – Polo scolastico, Strada don Giovanni Iori 19 "Andreas Hofer y i ladins contra Napolion - les veres napoleoniches - bi-centené da la rebelion dl Tirol dl 1809" Maria Piccolin, presidenta dl “Grop Ladin da Moena” y bibliotecara a Moena, à dagnora coltivé y enrescì la storia y les tradizions locales de Fascia sun cheles che ala à metù adum deplù publicazions. Chesta seira tégnela n referat storich à recordanza dl bi-centené dles insurezions tiroleises dl 1809. Ence i ladins à tout pert ativamenter, adum a todesc y talians, a la rebelion tiroleisa videda da Andreas Hofer dl 1809 a chela che al vegn recordé encuei a 200 agn. I tiroleisc ratova che Napolion metessa en pericul sies vedles libertés y à combatù per plu meisc contra i saudés franzeisc y baraveisc truep miec armés. |
| 24.07.09 | enfin ai | 08.08.09 | Antermeia-Börz: Bal dles stries Al vegn scur y tant nuet: les stries bala encerch La manifestazion vegn metuda jì en colaborazion con l EPL - Pruma raprejerntazion dl teater "La Strega" de Iaco Rigo - Triparies per mutons  Al se trata dla pruma gran manifestazion metuda a jì da la lia "Cultura da munt", con sia presidenta Gay Irsara, metuda su en chesta outa. Ala se à tout dant de mete a jì na lignola de seires de entrategniment te un di scenars plu biei dles Dolomites, sun Börz y i pres plajoui de Sotpütia, lian ite l "bal dles stries", metù a jì bele da n zacotant de agn, con n valgunes d'autres novités per entrategnì i sciors y la jent dl post n valgugn dis amesa l isté. Mujiga, bal, teater y aorela curta se barata ju a rodul. Bal dles stries sun i pres sot Pütia. Chesta outa con na preja de ert y teater. 
24 de messel: esposizion dl EPL sun i pres Sotpütia L'ert plu auta (ars maxima) é la natura y sot a chest motto tol pert Ert per i ladins (EPL), a recordanza de si 50 agn da la fondazion, a la manifestazion metuda a jì da la lia "cultura da munt". Per i artisc' se tratòvel de ideé, zenza avei abù dé dant n tema, operes da podei mete fora alalergia. Al vegnirà metù fora endut 6 operes de chisc artisc' sun i pres da munt sot Pütia: de Albert Mellauner, de Helmut Pizzinini, dl duo Gustav Willeit/Michael Moling, Irina Tavella, Mariana Acuña, Roberta Sottara y de Silvester Promberger. I vijitadours che se met sun l troi de ert ciafarà sun l post les spligazions de uega. Sot a les steiles: "La Strega", teater metù adum da Iaco Rigo L drama, metù jù per talian per gauja di trueps sciors a mesa isté, con cianties per ladin anterite, vegnirà porté dant les seires dl 24 y 25 (vender y sabeda) de messel y ai 6, 7 y 8 (juebia, vender y sabeda) de aost, dagnora sun l danterores, da les 21.30. Al vegn consié de ruvé sun l jouf de Börz entourn a les 20.45 y da chilò peia via i grups de vijitadours per jì deberieda sun i pres de Sotpütia. Consié végnel tamben de se tò do guant ciaut y ence valch contra l tume, sce al essa da plovei. L drama "La Strega" é vegnù metù ju da Iaco Rigo sun enciaria dla organisazion. La regia é tles mans de Simon Kostner. I prums personajes dl drama vegn jobelnés da Bibi Agosto, Margherita Clemente y da Simon Kostner enstes. La mujiga originala dl pez é vegnuda componuda da Angela Palfrader. Ela enstessa sonarà la vidola. Costums, scenar y consulenza artistica é tles mans de Margareth Forer de Gherdeina. L bal dles stries En vender, ai 31 de messel, balarà sun Börz endò les stries. Dlongia al bal tl scur entourn fuech vegniràl sburlé ite valch entrategniment entratant dut l dì. An à ence pensé per i mutons: da les 10.00 dantmesdì inant vegniràl conté stories y al sarà sun l post clowns. Dales 15.00 vegniràl fat la desfileda da Börz vian Sarighela. Sun troi vegniràl fat valch desmostrazions dl laour sun mont zacan y al vegnirà ence mostré cie speisa che an cujinova enlaouta. Chest cheder vegn completé da na mostra de fotografies da zacan. Da les 17.30 a les 23.00 và la festa inant puech plu ensù sun i pres de Sotpütia con mujiga, "Schuplattler", corns da mont y mujiga a percuscion. Dedò l bal dles stries y di strions entourn fuech via. La domenia, ai 26 de messel 2009, dales 10.00 inant, ti vegn dedicheda deplen a la natura. Dl dì se festidieia i verdaparcs dla provinzia che condujarà sun semenes da mont per amiré les piceres y les gran marevueies dla natura. |
| 24.07.09 21:00h | enfin ai | 22:00h | Moena: L Medioeve conté tres n liber Vender, 24 de messel 2009, da les 21.00 Aula Magna – Polo scolastico, Strada don Giovanni Iori 19 Cinzia Tani é jornalista, scritoura y realisadessa de programs radio-televisifs sciche “FantasticaMente”, “Italia mia benché”, “La Rai @ la carte”, “Visioni private” y “Il caffè”. Ala à publiché pro la ciasa editoura Mondadori: "Assassine" (1998), "Coppie assassine" (1999), "Nero di Londra" (2001), "Amori crudeli" (2003), "L’insonne" (2005) y, desche ultim, "Sole e ombra" (2007), finalist pro l "Premio Campiello". En chesta seira a Moena còntela da sie liber “Lo stupore del mondo” (Mondadori), dl Medioeve/Eté Mesana dalonc da stereotips, plen de colours scraienc y vivour cultural. Pietro y Matteo, doi fredesc unis da la volonté de deventé ciavaliers, Flora y Rashid, l mut arab che sà da ti rejoné ados ai uciei, viv a la court de Fedrì II de Svevia a Foggia. Al sarà el a sburlé Pietro, Matteo, Flora, Rashid y duc i autri personajes a se mete adum, a splundré adum, ti jian do a sentimenc stersc sciche l amour, la gelosia, l tradiment y la vendeta. |
| 15.08.09 | Col: Festa dla Madona de agost La Union di Ladins da Col envieia a la festa dla Madona de Agost en domenia, ai 15 de agost 2009, da les trei domesdì vesper cianté y prozescion. Duc é enviés da porté l “ciuf” a benedì. Do i vespri sunsom col festa con i grafons y les beles massaries, guanc, colours y flours, a la paejana | ||