 Evenc sportifs |  Manifestazions |  Formazion |  Conzerc |  Congratulazions |
 Aniversars |  Esposizions |  Encontedes |  Aorela curta |  Convegns |
 Seminars |  Viadesc |  Enaudazions |  Films |  Messes |
 Conduel y recordanzes | ||||
| 23.07.08 20:30h | enfin ai | 22:00h | Badia: seira de informazion MP Ladins/Jent Ladina Dolomites Badia, mercui 23 de messel 2008, tl salf dles manifestazions J.B. Runcher, da les 20.30 Seira de informazion y de discuscion Pruma pert, informazions da pert de: Marco Pizzinini, president de Jent Ladina Dolomites Heinrich Demetz, president dl Moviment Politich Ladins Ulrica Goller, candidata Pepi Dejaco, candidat Seconda pert: Discuscion, con la poscibelté y l envit a duc de tò pert ativamenter con idees y propostes, con la desponibelté de sté sciche candidat sun lista, con daidé tla organisazion y tla propaganda. La popolazion é dret bel envieda de vegnì a chesta seira de informazion y da ti dé sostegn a chesta nueva iniziativa per l ben dla jent. |
| 01.08.08 17:30h | enfin ai | 18:30h | Vich de Fascia: prejentazion de "L Regn de Fanes" Vich, Museo Ladin, sala L. Heilmann Vender, 1 de aost 2008, da les 17.30 La publicazion, che fova bele vegnuda prejenteda en antepruma a la Fiera internazionala dl liber de Torin al scomenc de mei de chest ann, vegnirà prejenteda ai 1 de aost tl Museo Ladin de Fascia da les 17.30, sala L. Heilmann, te 4 edizions y te 4 lingac: talian, ladin, todesch y ingleis. |
| 14.08.08 | enfin ai | 15.08.08 | Cianacei y Trent: Antonella Ruggiero cianta per ladin Antonella Ruggiero: ai 14 de setember 2008, a Cianacei y ai 15 de setember, a TrentTe chest cheder végnel tamben tegnù 2 conzerc dal titul "Cjantâ Vilotis" con la ciantarina Antonella Ruggiero che cianta per la pruma outa per ladin. Chesta raprejentanta de nonze (renom) dla mujiga pop taliana y internazionala à tout su con enteres la proponuda dl Istitut Cultural Ladin "majon di fascegn" de interpreté n valgunes cianties ladines y vilotes furlanes toutes fora da la "Volksliedsammlung Gartner". L projet - ideé y porté inant dal Istitut Cultural Ladin - se à tout dant de ti dé su a Antonella Ruggiero y a sie staff artistich l'interpretazion de desvalives cianties ladines ispiredes liberamenter al corpus publiché ti trei volums dla abineda Gartner, ti metan apede te chesta ocajion doestrei grups musicai dles valedes ladines, dl Trentin y dl Friul che se à arvejiné da n trat al patrimone musical tradizional: MarMar Cuisine (Val Badia), Loris Vescovo (Friul) y Destrani Taraf (Trentin). L'idea é chela de mete apede stii, esperienzes y sensibeltés desvalives, ti dajan l muet a musizisc' dl post de laoré deberieda con na steila dl "pop". Chest sarà n event prestijoul che arà efec positifs sibe per l "prestije" dl lingaz tles generazions plu joenes che per l renom di luesc olàche al vegnirà tegnù l conzert. La direzion artistica dl projet é tles mans de Roberto Colombo. La "permière" sarà en domenia ai 14 de setember, a Cianacei, da les 20.30; l dì do, lunesc ai 15 de setember da les 20.30, conzerteiei a Trent tl "Teatro Sociale". |
| 18.08.08 17:30h | enfin ai | 19:00h | Sen Jan/Fascia: prejentazion de Gente di Val di Fassa Gente di Val di Fassa de Donatella Bindi Mondaini Prejentazion dl liber y scontreda con l'autoura en lunesc ai 18 de aost 2008 h 17.30 Museo Ladin de Fascia - Sala L. Heilmann Sen Jan – Vich |
| 06.09.08 11:00h | enfin ai | 12:00h | S. Cristina/Mont de Pana: Prejentazion de LADINS DOLOMITES Sabeda, 6 de setember 2008, da les 11.00, ostaria Cendevaves sun Mont de Pana/S. Cristina/Gherdeina Prejentazion ofiziala dla lista "LADINS DOLOMITES", 10 candidates y 24-25 candidac se prejenteia ofizialmenter per les lites provinziales de chest auton. |
| 09.09.08 | enfin ai | 10.09.08 | Trent y Vich: regoeta Gartner de cianties popolares En mertesc ai 9 de setember végnel prejenté la "regoeta Gartner" a Trent: n tesaur retroé de cianties populares ladines, toutes da la abineda de cianties "Volksliedsammlung Gartner (1904-2008)" con la partezipazion dla ciantarina Antonella Ruggiero: da les 11, tla sala Rosa tl palaz dla Region a Trent y l di do, en mercui, ai 10 de setember, da les 17.30, tl museo ladin de Fascia a Vich. |
| 14.09.08 | enfin ai | 15.09.08 | Cianacei y Trent: Cjantâ Vilotis con Antonella Ruggiero Antonella Ruggiero: ai 14 de setember 2008, a Cianacei y ai 15 de setember, a Trent Te chest cheder dla prejentazion dla regoeta "Volksliedersammlung Gartner" végnel tamben tegnù 2 conzerc dal titul "Cjantâ Vilotis" con la ciantarina Antonella Ruggiero che cianta per la pruma outa per ladin. Chesta raprejentanta de nonze (renom) dla mujiga pop taliana y internazionala à tout su con enteres la proponuda dl Istitut Cultural Ladin "majon di fascegn" de interpreté n valgunes cianties ladines y vilotes furlanes toutes fora da la "Volksliedsammlung Gartner". L projet - ideé y porté inant dal Istitut Cultural Ladin - se à tout dant de ti dé su a Antonella Ruggiero y a sie staff artistich l'interpretazion de desvalives cianties ladines ispiredes liberamenter al corpus publiché ti trei volums dla abineda Gartner, ti metan apede te chesta ocajion doestrei grups musicai dles valedes ladines, dl Trentin y dl Friul che se à arvejiné da n trat al patrimone musical tradizional: MarMar Cuisine (Val Badia), Loris Vescovo (Friul) y Destrani Taraf (Trentin). L'idea é chela de mete apede stii, esperienzes y sensibeltés desvalives, ti dajan l muet a musizisc' dl post de laoré deberieda con na steila dl "pop". Chest sarà n event prestijoul che arà efec positifs sibe per l "prestije" dl lingaz tles generazions plu joenes che per l renom di luesc olàche al vegnirà tegnù l conzert. La direzion artistica dl projet é tles mans de Roberto Colombo. La "permière" sarà en domenia ai 14 de setember, a Cianacei, da les 20.30; l dì do, lunesc ai 15 de setember da les 20.30, conzerteiei a Trent tl "Teatro dell'Auditorium ". |
| 04.10.08 17:00h | enfin ai | 19:00h | Anpezo: Festa dla Unité Ladina Festa dla Unité Ladina En sabeda, ai 4 de otober 2008 da les 5 domesdì a Cortina d'Anpezo La Union Generela di Ladins dles Dolomites à l plajei de Ves envié a la Festa dla Unité Ladina tl Ann Internazional dles rejonedes tl "Zenter Congresc Alexander Giardi" a Cortina en sabeda ai 4 de otober 2008 da les 5 domesdì con chest program: - salut dla Presidente Elsa Zardini - prejentazion "100 anni di impegno per un ideale", reladoura Nadia Chiocchetti- na fregola de mujiga anterite - relazion sun la rejoneda ladina, reladour prof. Paul Videsott, dla Université de Bulsan - prejentazion - "Ścatul", curs per emparé ampezan, reladours Stefano Lorenzi y Daria Valentin - na fré de picera marena |
| 04.10.08 18:00h | enfin ai | 19:00h | Al Plan de Mareo: prejentazion de "Ia y ca" |
| 20.10.08 | enfin ai | 24.10.08 | Vich de Fascia: Edema dla didatica EDEMA DLA DIDATICA, Sen Jan/Vich de Fascia, Museo Ladin, salament Luigi Heilmann Scontredes de formazion outes a ensegnanc y a duc chi che vuel savei deplù sun la cultura ladina. Lunesc, ai 20 de otober Da les 16.30: Cultura popolara, cultures minoritares, cultura ladina: prospetives ti agn dl globalism. Reladour: prof. Cesare Poppi. Da les 17.30: Prejentazion dl videocatalogh te n dvd dopl: "Carnascé da les Alpes al Mer Neigher - a les raijes dl Carnascé. Mercui, ai 22 de otober Da les 16.30: Om y popolament antich tl raion dolomitan. Reladour: dr. Enrico Cavada. Da les 17.30: Prejentazion dl liber y cd-rom "La descorida de Stevaràara". Juebia, ai 23 de otober Da les 16.30: Les conties ladines y l regn de Fanes. Reladoura: prof.a Ulrike Kindl. Da les 17.30: Prejentazion dl liber "L Regn de Fanes" de Brunamaria Dal Lago Veneri con Susy Rotonara. Vender, ai 24 de otober Da les 16.30: Prejentazion dl liber "Tres i chedri de na esposizion" de Vittorio Caratozzolo. Da les 17.00: Spetacul "Tres i chedri de na esposizion" per 4 saxofons y rezitazion, con l grup Modern Saxophone Quartet y Vigilio Ioro. Organisazion: Museo Ladin de Fascia y Servisc Educatifs. Localité: Sen jan/Vich de Fascia. |
| 03.11.08 17:30h | enfin ai | 19:00h | Poza: les eles dla UAL se prejenteia Poza, en lunesc ai 20 de otober da les 17.30 envieia les candidates dl'Union Autonomsta Ladina a na conferenza stampa per porté dant les vijions dles femenes ladines tla politica. Luech: la senta de la UAL a Poza tla str. Dolomites n. 111 |
| 30.11.08 10:00h | enfin ai | 12:00h | Cortina d'Ampez: Festa dl desmonteé En Domenia, 30 de november, da les 10.00 inant vegniràl premié i zidladours de bestiam ampezans che à tout pert al vegnì da mont da les pastures alaut da d'isté y i mutons dla scola elementara che à fat dessegns. La festa vegn metuda a jì da Les Regoles de Ampez deberieda con l comun de Cortina y con l sostegn dla provinzia de Belun. |
| 28.06.09 | enfin ai | 03.07.09 | Fascia: Traslaval Traslaval 2009: per montes y per valedes Dai 28 de jugn ai 3 de messel 11eisema edizion dla roda a etapes te Fascia. La pieda demez dla pruma raida de 8,5 km é veduda dantfora a Ciampestrin con agonisc' y variadours che peia via deberieda. La roda peia su per na cleva nueva de 2 km (de 300 m de deslivel) devers la Val Udai che sarà determinanta, encebeben che l ert da vegnì jupert podessa favorì i plu temerars. Chesta pruma etapa jirà dessegur de uega per se sciaudé i muscui per podei tò pert con suzes a les etapes ti dis do. N panorama da jauzan fajarà da cornisc a chi che ruva sunsom sot al Larsech con na veduda sun l Sela y la pista dl Aloch sot a la Piza dles Undesc y la Piza dles Dodesc. I atlec jirà flincs juvers devers les frazions de Moncion y Ronch, spo devers l paisc de Mazin olàche ai ruvarà, jian do la streda forestala, al travert dla pruma dles 5 raides de Traslaval 2009 a Mazin. En lunesc, ai 29 de jugn, vegniràl cronometré singolarmenter n trat de 6,3 km con pieda demez a enciamps. Chest trat metarà bonamenter n pue sotissoura la classifica dl secont dì. L vencidour de chesta pruma raida sarà ence l prum provisor dla classifica generala. Travert y pieda demez de chesta "raida asvelta" vegnirà metus su a Ciampedel. Ai 30 de jugn devéntela spo plu sfadiousa con la etapa de Soraga, frazion de Moena. An peia demez dal parch fluvial de La Veisc. La raida se destira spo per ben 15 km. Les claupes ertes y stranciouses se ghirarà bendebot de fadia per ruvé enton sunsom, passan per la mont de Palua y dlongia la utia de Pociace, soura 1.700 m de auteza sot la Piza dles Dodesc. Do chest dì sfadious àn sburlé ite n dì de paussa, ai 1 de messel, per se remete per les does raides di dis do. En juebia peien via sun i 11 km dla cuarta etapa a Cianacei, con bendebot de deslivel. La gara conduj tres i bosc soura les frazions de Lorenz y Vera, con l pont plu aut a 1930 m che sporj na bela veduda sun Piz Vernel. Vegnì ju sarà tamben bendebot sfadious. La ultima etapa dla 11.eisma Traslaval peia via en vender, ai 3 de messel, a Vich, la classica raidona, la medema dles prumes edizions con 14,5 km y soura 700 de deslivel, con l pont plu aut a 2000 m sun l altiplan de Ciampedie, da olàche an à na bela veduda a 360 degrés sun Vich y Poza, l Ciadenac con les Tors dl Vajolet y plu dalonc veiden l Pordoi, la Marmoleda, l Lagorai y l Latemar. La edizion 2009 dla Traslaval se scluj ju da seira. La iscrizion per les 5 etapes costa enfin ai 30 de mei 46 euro, chi che paia ite dedò 56 euro. Deplù informazions pòn lieje do sun la plata internet: www.traslaval.com |
| 03.07.09 21:00h | enfin ai | 22:00h | Moena: na seira con Roberta Dapunt y Soggetto Trio Vender 3 de messel 2009, da les 21.00 Music Club La Grenz - Strada Saslonch Roberta Dapunt y Roberto Soggetto Trio Roberta Dapunt é una dles interpretadoures plu sensibles y agudes dla realté ladina de encuei. Sia ousc ne vegn nia dai certli poetics y leterars dles gran zités, ala ne é nia lizia y ne tol nia su da la moda: fosc ence per chesta rejon pèrela tant nueva, autentica y sterscia. Les rimes de Roberta Dapunt vegn acompagnedes da la mujiga de Roberto Soggetto Trio, anter angostum y armonia. Da una na pert encontonse n troi sfadious, n se sté ert religiousamenter, prieres che ne apajeia nia, imajes de mort; da l'autra pert l sens de pureza sacrala che gej tla tera, ti ritms dla natura, tla vita da mont y te sies usanzes che lieia adum persones, sies manieres zenza temp, i tiers y l chiet che la poetessa viv en pruma persona. |
| 06.07.09 09:00h | enfin ai | 10.09.09 11:00h | Fascia: Arpejon desmentieda: Damiano Magugliani La mostra "Arpejon desmentieda", metuda fora tla Sala “Heilmann” dl Museo Ladin, vegn daurida en lunesc ai 6 de messel 2009 da les 5 domesdì y restarà daverta enfin ai 10 de setember, duc i dis da les 10 a les 12.30 da doman, y da les 3 a les 7 domesdì. Te chesta ocajion vegniràl prejenté l calender dles ativités da d'isté metudes a jì dai Servisc Educatifs dl Museo.  L Museo Ladin de Fascia à l plajei de podei mete fora chest isté na cerna de laours artistics de Damiano Magugliani donés dal artist al Istitut Cultural Ladin y abinés adum tla Mostra “Arpejon desmentieda”. I dessegns, realisés souraldut anter la fin di agn setanta y i agn otanta, tol ite duta la val de Fascia y mostra i detais architetonics particolars conservés tles costruzions tradizionales: tablés, majons, ciantons puech conescius di paisc y momenc dla vita da paur y di artejans lieda al passé. Segns y testimonianzes de na arpejon comuna che bele te chi agn fova do a vegnì desmentieda, destrabonida tl inom dl progres y da la busia de frabiché, ma architeda da la man dl artist ti chedri a penarel che à conservé enfin a encuei n vivour y na frescura che slumina anterfora.
Damiano Magugliani, architet nasciù a Corbetta tl 1929, à passé sovenz sies vacanzes da d’isté te Fascia y Flem, lascian chilò sie cuer per dagnora y cialan de cueie chi valours criés y mantegnus da la vita sćiantiva y savia dla jent da mont. Tl recordé, con n pue de ironia, de ester deventé blanch dant dal temp per la ira che al à patì tl vedei destrabonì ann per ann sies montes, végnel descrit enscì les rejons de sie laour tla prejentazion dl liber Fassa "Montagna che scompare" (1982, restampa ICL 2005), che tolova ite feter dutes sies operes metudes fora: “... a na moda che l frut de chesta enrescida posse fé nasce te chi che verda via chest patrimone l amour per sie passé, l respet envers chi che é vegnus dant y l liam con chi valours de sia tera che sce ai vegnissa descancelés portassa al suizid dla comunité de Val”. |
| 10.07.09 22:00h | enfin ai | 23:00h | Moena: Andreas Hofer y i ladins Vender, 10 de messel, da les 21.00 Aula Magna – Polo scolastico, Strada don Giovanni Iori 19 "Andreas Hofer y i ladins contra Napolion - les veres napoleoniches - bi-centené da la rebelion dl Tirol dl 1809" Maria Piccolin, presidenta dl “Grop Ladin da Moena” y bibliotecara a Moena, à dagnora coltivé y enrescì la storia y les tradizions locales de Fascia sun cheles che ala à metù adum deplù publicazions. Chesta seira tégnela n referat storich à recordanza dl bi-centené dles insurezions tiroleises dl 1809. Ence i ladins à tout pert ativamenter, adum a todesc y talians, a la rebelion tiroleisa videda da Andreas Hofer dl 1809 a chela che al vegn recordé encuei a 200 agn. I tiroleisc ratova che Napolion metessa en pericul sies vedles libertés y à combatù per plu meisc contra i saudés franzeisc y baraveisc truep miec armés. |
| 17.07.09 | enfin ai | 18.07.09 | La Val/Pederoa: Gadersound 2009 Pederoa-La Val-Plans dl Galber: Gadersound 2009, daven da en vender, ai 16 de messel enfin a en sabeda y nuet a la domenia, 17 de messel  L grup di joegn da La Val organiseia chest ann per l sest iade l „Gader Sound“. Tres les ultimes edizions garatedes se à fat l conzert alalergia n bon inom y à arjont l ann passè plu de mile spetadours. La mujiga folk-rock y Ska sarà ence chest ann protagonista y vegnirà soneda da bands de duta l'Europa. Al metarà man en vender, ai 17 de messel da les 20.00 con la band da Badia, BLACKOUT. Dedò sonarà i REBEL LIONS da Maran, stile Reggae-Ska.
Desche band prinzipala dla seira audiràn i TALCO. La band da Aunejia é la plu ameda ti paisc todesc, sce ala se trata dl Ska. I 10 musicisć, armés de strumenc a flé de vigni colour, ti robarà les ultimes forzes ai balarins. La sabeda, ai 18.07.09 jirà spo inant l conzert da les 16.00 con la seconda band da Badia, i ACOUSTIC PROJEKT. Dedò sonarà FANTASTÀ da Bergamo. Per l prum iade àn abù la poscibelté da envié na band spagnoula. Sce al vegn rejoné tla Spagna di GAIA DUB SINDICAT, spo sàn che ala se trata di miours musicisć dl Reggae. Adum ai SISYPHOS da Sterzing prejentarài n program unich che ne é vegnù soné sun degun paion dla tera. Sciche band prinzipala auden spo i SINE FRONTERA. La band da Mantova, che à soné ence a la ultima edizion, ti é juda ite a vigni oredla y à porté duta la fola a balé. Trueps spetadours a prié i organisadours da i envié a soné ence en chest ann. A n tel enteres ne àn nia podù ti nié n bis. A scluje ju la seira musicala saràl i LOA GROOVES da Bulsan. I trei percusionisć ruvarà la serada da les trei da doman con ritms valgamia durs. Sciche tla ultima edizion tegniràn l conzert sun i „Plans dl Galber“ a Pederoa. I joegn da La Val envieia duc i joegn y duc i atempés che se sent jogn a chesta manifestazion y de se nodé bele sen su les dates. |
| 24.07.09 | enfin ai | 08.08.09 | Antermeia-Börz: Bal dles stries Al vegn scur y tant nuet: les stries bala encerch La manifestazion vegn metuda jì en colaborazion con l EPL - Pruma raprejerntazion dl teater "La Strega" de Iaco Rigo - Triparies per mutons  Al se trata dla pruma gran manifestazion metuda a jì da la lia "Cultura da munt", con sia presidenta Gay Irsara, metuda su en chesta outa. Ala se à tout dant de mete a jì na lignola de seires de entrategniment te un di scenars plu biei dles Dolomites, sun Börz y i pres plajoui de Sotpütia, lian ite l "bal dles stries", metù a jì bele da n zacotant de agn, con n valgunes d'autres novités per entrategnì i sciors y la jent dl post n valgugn dis amesa l isté. Mujiga, bal, teater y aorela curta se barata ju a rodul. Bal dles stries sun i pres sot Pütia. Chesta outa con na preja de ert y teater. 
24 de messel: esposizion dl EPL sun i pres Sotpütia L'ert plu auta (ars maxima) é la natura y sot a chest motto tol pert Ert per i ladins (EPL), a recordanza de si 50 agn da la fondazion, a la manifestazion metuda a jì da la lia "cultura da munt". Per i artisc' se tratòvel de ideé, zenza avei abù dé dant n tema, operes da podei mete fora alalergia. Al vegnirà metù fora endut 6 operes de chisc artisc' sun i pres da munt sot Pütia: de Albert Mellauner, de Helmut Pizzinini, dl duo Gustav Willeit/Michael Moling, Irina Tavella, Mariana Acuña, Roberta Sottara y de Silvester Promberger. I vijitadours che se met sun l troi de ert ciafarà sun l post les spligazions de uega. Sot a les steiles: "La Strega", teater metù adum da Iaco Rigo L drama, metù jù per talian per gauja di trueps sciors a mesa isté, con cianties per ladin anterite, vegnirà porté dant les seires dl 24 y 25 (vender y sabeda) de messel y ai 6, 7 y 8 (juebia, vender y sabeda) de aost, dagnora sun l danterores, da les 21.30. Al vegn consié de ruvé sun l jouf de Börz entourn a les 20.45 y da chilò peia via i grups de vijitadours per jì deberieda sun i pres de Sotpütia. Consié végnel tamben de se tò do guant ciaut y ence valch contra l tume, sce al essa da plovei. L drama "La Strega" é vegnù metù ju da Iaco Rigo sun enciaria dla organisazion. La regia é tles mans de Simon Kostner. I prums personajes dl drama vegn jobelnés da Bibi Agosto, Margherita Clemente y da Simon Kostner enstes. La mujiga originala dl pez é vegnuda componuda da Angela Palfrader. Ela enstessa sonarà la vidola. Costums, scenar y consulenza artistica é tles mans de Margareth Forer de Gherdeina. L bal dles stries En vender, ai 31 de messel, balarà sun Börz endò les stries. Dlongia al bal tl scur entourn fuech vegniràl sburlé ite valch entrategniment entratant dut l dì. An à ence pensé per i mutons: da les 10.00 dantmesdì inant vegniràl conté stories y al sarà sun l post clowns. Dales 15.00 vegniràl fat la desfileda da Börz vian Sarighela. Sun troi vegniràl fat valch desmostrazions dl laour sun mont zacan y al vegnirà ence mostré cie speisa che an cujinova enlaouta. Chest cheder vegn completé da na mostra de fotografies da zacan. Da les 17.30 a les 23.00 và la festa inant puech plu ensù sun i pres de Sotpütia con mujiga, "Schuplattler", corns da mont y mujiga a percuscion. Dedò l bal dles stries y di strions entourn fuech via. La domenia, ai 26 de messel 2009, dales 10.00 inant, ti vegn dedicheda deplen a la natura. Dl dì se festidieia i verdaparcs dla provinzia che condujarà sun semenes da mont per amiré les piceres y les gran marevueies dla natura. |
| 24.07.09 21:00h | enfin ai | 22:00h | Moena: L Medioeve conté tres n liber Vender, 24 de messel 2009, da les 21.00 Aula Magna – Polo scolastico, Strada don Giovanni Iori 19 Cinzia Tani é jornalista, scritoura y realisadessa de programs radio-televisifs sciche “FantasticaMente”, “Italia mia benché”, “La Rai @ la carte”, “Visioni private” y “Il caffè”. Ala à publiché pro la ciasa editoura Mondadori: "Assassine" (1998), "Coppie assassine" (1999), "Nero di Londra" (2001), "Amori crudeli" (2003), "L’insonne" (2005) y, desche ultim, "Sole e ombra" (2007), finalist pro l "Premio Campiello". En chesta seira a Moena còntela da sie liber “Lo stupore del mondo” (Mondadori), dl Medioeve/Eté Mesana dalonc da stereotips, plen de colours scraienc y vivour cultural. Pietro y Matteo, doi fredesc unis da la volonté de deventé ciavaliers, Flora y Rashid, l mut arab che sà da ti rejoné ados ai uciei, viv a la court de Fedrì II de Svevia a Foggia. Al sarà el a sburlé Pietro, Matteo, Flora, Rashid y duc i autri personajes a se mete adum, a splundré adum, ti jian do a sentimenc stersc sciche l amour, la gelosia, l tradiment y la vendeta. |
| 15.08.09 | Col: Festa dla Madona de agost La Union di Ladins da Col envieia a la festa dla Madona de Agost en domenia, ai 15 de agost 2009, da les trei domesdì vesper cianté y prozescion. Duc é enviés da porté l “ciuf” a benedì. Do i vespri sunsom col festa con i grafons y les beles massaries, guanc, colours y flours, a la paejana | ||