Na seconda generazion de coretours ortografics open-source

Strumenc y infrastrutures informatiches de generazion nueva per l lingaz ladin

Prejentazion en vender ai 7 de otober 2005 da les 3 domesdì tl Museo Ladin de Fascia

L Istitut Cultural Ladin “majon di fascegn” en colaborazion con la firma Open Lab de Firenze y con la partezipazion dl Istitut Ladin “Micurà de Rü” à laoré fora na seconda generazion de coretours ortografics open-source per i idioms fascian, badiot y gherdeina y per l ladin standard.

Al se trata de na operazion a l’avanguardia che preveid la creazion de software y sistems daverc desponibli online y che ne depen plu nia dai programs spezifics de video-scritura. Chesta tipologia de coretours é ence la basa de partenza per l’elaborazion de strumenc de assistenza a la scritura, che permetarà de adaté la varianta locala a la varianta standard (fascian standard y standard dolomitan) a na moda semi-automatica.

Tl medem projet de elaborazion de strumenc nuefs open-source a desposizion online, é do l Istitut “majon di fascegn” a laoré ence a la realisazion de na banca de dac lessicala unificheda y normaliseda che tol ite duc i dizionars dles variantes de val y standard informatisés te chisc ultims diesc agn tl cheder dl projet SPELL y chi realisés dai Istituc ladins. Chesta banca de dac é carateriseda da na strutura logica inovativa y daverta che permetarà de elaboré y mete en relazion duc i dac contegnus.

Perchel ves envia l Istitut Cultural Ladin “majon di fascegn” a la prejentazion de chisc strumenc nuefs y infrastrutures informatiches per la standardisazion y l’elaborazion dl lingaz ladin, che sarà en Vender ai 7 de otober 2005 da les 3 domesdì tl Museo Ladin de Fascia – Sèn Jan (Vich) (be)

Coretour ortografich per MS-Word