Con doi intervenc vuel la Provinzia mioré la segureza sun la streda statala 242 dla Val Gherdeina tla localité de Pontives.
N tunel sun la streda a Pontives va debujegn per asseguré n toch de streda y les ciases fates su tles vejinanzes da la tomeda de peres, desche n valgunes ispezions di geologs y di tecnics dla Provinzia à desmostré. “Dantaldut da d’aisciuda canche al met man da deleghé é l risch ch’al vegne ju peres cotant plu aut” à dit l assessour che conesc la streda dret ben. “Al é gran ora da fé valch scenò réstel inant l pericul ch’al vegne ju te streda peres de na grandeza enchin a 10 metri cubics”, à splighé l assessour provinzial ai laours publics.
Plu segureza sun la streda de Gherdeina a Pontives
Naouta n iade gniràl slarié fora reis de protezion contra la tomeda de peres y fat su murs de protezion. I laours gnirà scric fora tla proscima edema y ai prums de merz 2005 él prevedù de mete man con i laours. Do ch’al é gnù sclut ju chisc laours pòl mete man la seconda fasa d’intervent: al gnirà fat su na galaria de 180 metri de lungheza per asseguré n toch de streda y les ciases ilò dlongia. L tunel costarà 1,3 milions d’euro. I tecnics dla Provinzia é tl laour d’enjigné ca l projet; con i laours gniràl metù man tl 2006.
(0)Al ne me plej nia
(0)