L vocabular de Gherdeina ruva a Roma
Chest venders prejentazion dant a la “Accademia Nazionale dei Lincei” sun interessament dl prof. univ. Walter Belardi
Chest venders, ai 12 de merz ’04, vegnirál prejenté tla “Accademia Nazionale dei Lincei” a Roma l vocabular Todesch-Ladin de Gherdeina de Marco Forni, dé fora dal Istitut Ladin Micurá de Rü. Chesta prejentazion é vegnuda a se l dé per interessament dl prof. univ. Dr. Walter Belardi, bele conesciú tla Ladinia per desvalifs laours linguistics y storics, anter l auter la antologia dla lirica ladina. El dará ence dantfora na curta spliazion dla opera nueva de Marco Forni che prejentará spo enstes ai studenc y ai professours la strutura dl vocabular sie tla verscion de liber che tla verscion informatiseda.
Ala manifestazion che met man da les 1,45 tla senta dla Academia, Via della Lungara 10, sarál ence prejent l president dla “Accademia dei Lincei” prof. Giovanni Battista Conso.
(0)Al ne me plej nia
(0)2 iadesc liet