An se damana n sfuei de istruzions per les lites
Les informazions dess vegnì dedes te duc trei i lingac ofiziai dla provinzia – Deguna pedia dl ladin te chesta provinzia che se rata gen “respetousa dles mendranzes”
Bele da n valgunes edemes à la provinzia de Trent publiché informazions de carater general soura les lites provinziales de chest auton sun sie sit internet. La provinzia de Bulsan é do rata tardiva, ence sce al é da dì che la gran pert dles normes vedles é vegnudes sourantoutes. An ne dess nia se desmentié che chestes informazions ne reverda nia demé les aministrazions, ma dantdaldut i zitadins y i partis. Na instruzion curta con i dac (sistem lital, consei, durada di mandac …) y i termins plu importanc jissa de uega per duc.
Samben dess chestes informazions vegnì dedes te duc trei i lingac ofizai dla provinzia (ladin, talian y todesch), enscì se damana la LL te n sie comunicat stampa dé fora enier, 22.07.2003.
Redazion:
Sun l sit ofizial dla Provinzia de Bulsan(http://www.provinzia.bz.it/) giàten chestes informazions che reverda les lites provinziales dal 22.07.2003 inant, ma ales é desponibles demé per talian y todesch. Dl ladin, desche gonot, deguna pedia te chesta provinzia che dess enzai avei “gran respet per les mendranzes”.
(0)Al ne me plej nia
(0)2 iadesc liet