L 26 de otober, di dla dezijion y dla maturité
La Lista Ladins prejenteia ai 19 d messel a S. Cristina a pé dl Saslonch si 35 candidac
La Lista LADINS é enjigneda y se prejenteia al publich en sabeda, ai 19 de messel, da les 10.30 tl Hotel Mont de Pana a Santa Cristina te Gherdeina. Trueps aspeta coriousc de vedei la lista y de savei finalmenter i inoms, souradut chi nuefs. Aldò dl son dles ciampanes litales él da se aspeté 35 candidac. Chest végnel lascé alsavei dal president dla LL, dr. Giovanni Mischi y dal aconsiadour provinzial ladin, dr. Carlo Willeit.
Do en 15-20 menuc de consultazions y informazions vegniràl prejenté te na conferenza stampa la lista, i fins politics y les linies prinzipales dl program co che ence les prospetives litales. Doprò vegniràl fat fotografies y la prejentazion vegnirà scluta ju con n pice renfresch.
Ai candidac ti réstel sen pueces edemes per fé conesce y tamburlé per les oujes di litadours. Les lites provinziales vegnirà tegnudes ai 26 de otober 2003, n di magich per l’autonomia di ladins.
(0)Al ne me plej nia
(0)2 iadesc liet