Moviment Politich Ladins: contenc dl resultat
Dal grum de oujes perdudes da la SVP nes aspetonse che la forza dla SVP dae do
L Moviment Politich LADINS é emprumadedut content sciche i ladins à lité: ai ne se à nia lascé condizioné da na politica provinziala protezionista y integralista, ma ai à lité con liberté, do sia minonga y preferenza. Dal grum de oujes che la SVP à perdù a livel provinzial y tles valedes ladines, nes aspetonse che l zentralism politich provinzial dae do y che i ladins giate plu lerch da se mueve enstesc.
Adi Demetz, president dl Moviment Politich Ladins.
Al nes desplej che l unich deputat ladin, Bepe Detomas, é tomé fora: l sistem lital y sie enchedrament sun lista ne à en dut nia tegnì cont dl debujegn de na reprejentanza autonoma ladina y dla poscibelté da lité deberieda anter i ladins de Bulsan y Trent. Chest resultat negatif sforza i ladins à chirì plu peis te na majera unité y autonomia politica.
Dal govern nuef dla Talia nes aspetonse na consciderazion unitara y autonoma dla mendranza ladina y che les reformes che se toca vegne fates con l consens de nosta popolazion
Urtijei, 12.04.2006 Heinrich Demetz
(0)Al ne me plej nia
(0)3 iadesc liet