Lites comunales 2005

N moment zite per i Ladins a Bulsan

Al vegn chirí candidac y persones volentives da daidé enjigné ca la candidatura

Dlonch entournvia ti ciálen a les proscimes veles de comun y an aud i inoms di ombolc che ne vuel nia plu sté sun lista y en valgugn inoms de chi che volessa arjonje l’enciaria. Les plates di foliec é plenes de discuscions te chest vers. La situazion é dassen zitia per i ladins che viv tl comun de Bulsan. Da canche al é la Consulta per i problems di Ladins te chest comun él ence tres sté na lista di ladins con si candidac.

Chesta outa é i candidac puec  y souraldut sprigoleia l gran laour che al vuel ester dantfora: cueie su les firmes per podei se prejenté con la lista, organisé les sentedes, fé propaganda anter la popolazion, tegnì i contac anter candidac dla lista, dut chest tol ite temp. Enfin a sen él pueces persones che à volenté y ortú da se engajé. Perchel végnel fat l invit a dé na man, ajache al fossa propi da avei la mueia, sce la cossa essa da tomé per gauja de mancianza de organisazion. Al vegn perchel prié dutes les persones de bona volenté da se mete en contat con la Consulta telefonan al numer 0471/974239

1 iadesc liet