La lista „Al Plan“ é na lista zivica de paisc, desche al é tradizion tla Val Badia, con candidac de pensiers politics desvalifs, ma unis te un n travert aladò de sia premissa: da laoré con responsabelté y motivazion per l benester dla jent. Candidat da ombolt é Albert Palfrader. Al à bele abù soura chesta enciaria 10 agn alalongia.
Simbol de lista é l ciampanil de gliejia de Al Plan, senta dl comun de Mareo.
La lista zivica descriv enscì sia ligna politica: „Nost candidat da ombolt, Albert Palfrader, metarà a desposizion de duc sia ampla esperienza che é tamben lieda a sie ciamp de laour. Al ti é ence vegnù dé bendebot de lerch ai joegn. Duc adum onse laoré fora n program rich y atratif. Un di trueps ponc enteressanc é chel da istituí n „Consei de comun di jogn“ per permete a ei da tò pert plu ativamenter a la vita politca te comun. Les eles y i ei che se à metù a desposizion raprejenteia les pertes plu desvalives y atives de nosta comunité y é usés da brancé ite i problems te na maniera concreta, conzilianta y damprò dai debujegns di zitadins. Sun nosta lista él ence cotant de joegn che desmostra enscì sie enteres al davegnì de nost Comune.
Nost candidat da ombolt é Albert Palfrader de Iochele che à bele abù soura chesta enciaria 10 agn alalongia. Chest fat, adum con sia esperienza profescionala, é dessegur na garanzia che l Comun ruve te mans segures y competentes.“
Les lites comunales vegn tegnudes en domenia, ai 16 de mei 2010. Candidat da ombolt é Albert Palfrader. I autri candidac dla lista zivica „Al Plan“ per l consei de comun é d’en gre via:
Pizzinini Marco
Dejaco Ties Ingeborg (Inge)
Ellecosta Daniel Rudi (Colac)
Kastlunger Maurizio
Trebo Valentin Edith
Maneschg Anton
Call Michael (Iosc)
Kanetscheider Franz
Ferdigg Walter
Frenner Palfrader Margareth
Clara Filippo
Erlacher Herbert
Frontull Hartmann
Mutschlechner Lukas
Obojes Hubert
Obojes Victor
Pisching Monica
Pisching Walter
Rungger Biedermann Barbara
Trebo Promberger Silvia
Walterscheid-Müller Hans
Zingerle Caroline
(0)Al ne me plej nia
(1)902 iadesc liet
Scrive n comentar a revert de "Lista zivica „Al Plan“"