| Titul: Survey Ladins |
 Descrizion: La Survey Ladins é na enrescida soziolinguistica cuantitativa metuda a jì tles cinch valedes ladines dles Dolomites sun na mostra, fata fora statisticamenter, de entourn 3000 persones. La enrescida é vegnuda coordineda dal Centre d’Études linguistiques pour l’Europe con la consulenza scientifica dla Forschungsstelle für Mehrsprachigkeit de Bruxelles y dl Istitut Cultural Ladin “Majon di Fascegn”, con la spona organisativa dla Union Generela di Ladins dles Dolomites, dl Istitut Ladin “Majon di Fascegn”, dl Istitut Ladin “Micurà de Rü” y à podù se empervalei dl patrozin y dla soponta finanziara dla Region Autonoma Trentin-Südtirol y dla Assoziazion Heilmann. |
| Autour: Survey Ladins – Convegn ai 14-15-16 de setember Trent – Vich |
|
L fin prinzipal dla archirida é chel de enrescì i comportamenc linguistics dla popolazion che sta tles cinch valedes ladines “storiches”. Souraldut àn volù definì ciugn che i parentamenc ideai (linguistics y etnich-ideologics) anter les popolazions y ciun che l sens dl tegnì adum te chesta comunité y i sentimenc de desferenziazion o de afinité de vers dl forest é. La conescenza tamben generala che ence menuda dla situazion linguistica dles valedes ladines é dapò de gran enteres nia demé per les scomenciadives de planificazion metudes a jì ma ence per podei paridlé la situazion ladina con chela de d’autres mendranzes europeanes.
Ponc de spessour scientifich che vegnirà debatùs tl Convegn é:
• La grandeza dla mostra damaneda fora: entourn 3.200 residenc sun endut 30.000 persones.
• La reprejentativité statistica di dac, assoluta per les variables comunes, ses y classes de eté.
• La strutura dl chestionar, dé fora te trei lingac y che preveid entourn 100 domandes (multiple choice), balanzedes y pensedes fora a na maniera da permete de cialé do la coerenza interna dles respostes.
• La racoiuda di dac, comun per comun, da pert de persones enciariedes dl post che sà i lingac adorés tl raion.
• Les domandes dl chestionar outes al nivel sogetif dla esperienza linguistica dl locutour.
• La elaborazion informatica y cartografica di dac sun data-bases ad hoc.
Al me plej
(0)Al ne me plej nia
(0)
(0)Al ne me plej nia(0)2 iadesc liet