Lia di comuns ladins: al ti mancia ciamò l dret floch Ombolc de Gherdeina plutost demé enteressés a d’abiné ca valch da la 482/99 che a n projet interladin – Al é na “Veto-power” Chisc dis vegniràl dé pro ence dai ultims doi comuns: Selva y Badia, l statut dla Lia di comuns y chest é dessegur n vare inant tla realisazion dla Lia comunala interladina. Ti ultims temps auden che al é sauté fora valgamia de stritaria sun la proposta porteda inant da la maioranza di comuns de se nuzé desche lingaz de comunicazion scrita l ladin unifiché. Desche con la conferenza di ombolc envieda via dl 1992 cioda endò i ombolc de Gherdeina de sciolé dut sotissoura. Tles mans tégnei ence la erma dl “veto”.
a proposta ne ti plej nia ai ombolc de Gherdeina y nience al assessour Florian Mussner che reconesc demé l gherdeina y l badiot. Chest vuel dì che al ne respeteia nia i autri ombolc y che al miena de podei se prejenté miec che i autri: “Neus son pa neus”. Sce al é veir che chest é l maiour problem dla Lia, spo él cler che ala ne à dal meteman inant nia l dret floch. Al vegnirà poester rejoné de turism, de stredes, de joufs. N organism economich che capesc plu saurì l lingaz ofizial, chel talian, souraldut per abiné via valch maiour contribut. Chesta é dessegur steda la majera motivazion da pert di ombolc de Gherdeina, podei tré a nuz la ola di dinés dla lege 482/99 per si debujegns.
L faliment dla assemblea di ombolc dl 1992: n comentar
(0)Al ne me plej nia
(0)1 iadesc liet