Soziolinguistica dl Ladin a livel universitar
Les lezions vegn tegnides dal prof.univ. Dr. Paul Videsott, una na lezion a l’edema enfin a jugn – Ence nia-studenc pò tó pert
Tla facolté dles scienzes dla formazion dl’Université de Bulsan te sia sezion a Persenon peiel via en venders, ai 18 de merz 2005, l curs de ladin de chest ann tl cheder dl ensegnament universitar dles scienzes dla formazion. L professour dr. Paul Videsott dl’université da Dispruch vegn a traté te 13 lezions les chestions soziolinguistiches plu importantes dl raion retoroman (pian via da la situazion di Ladins dles Dolomites) desche l’adoranza dl lingaz te n contest privat, tl’aministrazion publica, te gliejia y e.i. Al vegnirá ence analisé la problematica dla normazion y dla standardisazion dl ladin che é lieda diretamenter a l’adoranza dl lingaz a livel scrit. Ai cursc pò tó pert ence nia-studenc interessés.
Les lezions peia via con la spligazion y l ensegnament de nozions generales de soziolinguistica per jí spo de gré en gré tres plu tl spezifich dl contest soziolinguistich ladin. Les lezions vegn tegnudes de vender y dura apresciapuech 2 ores y mesa l’una. Entratant la sajon da d’isté él vedú dantfora n auter curs.
Data Orar Contegnù dla lezion
11.03.05 – 15.30-18.00 Prejentazion dl curs – Bibliografia – Partí su i laours
18.03.05 – 15.30-18.00 Definizion y obietifs dla soziolinguistica, ciamps d’enrescida
01.04.05 –15.30-17.00 Svilup storich dla soziolinguistica desche scienza linguistica
8.4.05 – 15.30-17.00 L’architetura dl lingaz
15.04.05 – 15.30-17.00 Relazion: bilinguism, diglossia, code switching/mixing
22.04.05 – 15.30-17.00 Relazion: la conescenza storica dl todesch y dl talian tla Ladinia
29.04.05 15.30-17.00 Relazion: l’adoranza dl ladin tl’aministrazion publica
6.5.05 15.30-17.00 Relazion: l’adoranza dl ladin te gliejia
13.5.05 15.30-17.00 Relazion: l’adoranza privata dl ladin
20.5.05 15.30-17.00 Relazion: l’adoranza scrita dl ladin dal scomenciament a la Seconda Vera dl Mond
27.5.05 15.30-17.00 Relazion: la standardisazion dl ladin en confront con chela dl furlan y dl rumanc: svilups storics
10.6.05 15.30-18.00 Relazion: la standardisazion dl ladin en confront con chela dl furlan y dl rumanc: svilups atuai
17.6.05 15.30-18.00 Relazion: sentimenc de pertignenza etnich/storica di ladins (en relazion con si vejins)
(0)Al ne me plej nia
(0)3 iadesc liet