Les zifres de noeles.net

 

Noeles.net chier n sponsor 

Enfin a sen entourn 6000 vijitadours con na mesana de 100 vijitadours al dí

N servisc d’utl che n sit internet pieta é la statistica: vijitadours al dì, al meis, da cie ora, provegnenza, plates cherdedes y d’auter plu vegn analisés tl detai. Al scomenciament nes ovanse samben damané, pàiel pa la mueia de mete on-line n sit per ladin? Adum con la plata ladina sun l Alto Adige onse spo empò cherdù che al jissa de uega, ence per archivié damprovia i articui che vegn scric tl Alto Adige y de i avei spo riesc da garat canche an adora valch informazion che é bele vegnuda publicheda.

Cie nes dij pa la statistica: ti prums doi meisc dl ann nuef él vegnú registré entourn 6.000 vijitadours con na  mesaria de entourn 100 vijtadours/vijites al dì. En confront con i ultims doi meisc dl ann vedl él sté n aument dl 42%. Noeles.net fova ju ofizialmenter online ai prums de november 2002 . I odaron ti proscims meisc sciche la situazion se svilupeia, sce al paia la mueia y sce al é meso giaté n sponsour per curì les speises vives dl sit.
La statistica per cie che reverda l’ativité publizistica: al é vegnù publiché passa 200 articui, la majera pert te ladin standard y sun tematiches politiches. Con 23 articui é ence sté l ladin standard y la “famousa” delibera l argoment plu debatù. 90 i comentars ai articui.
N dat curious dlongiavia: Val Badia y Gherdeina ne é nia unfat, ence pro l sit nes onse anadé de chesta desferenzia, l sit é vegnù tout su autramenter che tla Val Badia. La newsletter, ortieda fora empruma per fé conesce l sit, é vegnuda defata desdita da persones de Gherdeina, ma enchina sen da degugn da la Val Badia y da Fascia.

1 iadesc liet