Laours de Kant te n archif virtual tla rei

 

Les opres entieres de Immanuel Kant ciariedes te internet

L filosof prussian, Immanuel Kant (Königsberg 1724-1804) a la miscion: http://www.ikp.uni-bonn.de/kant/

(if) Immanuel Kant é un di filosofs plu conescius y fondamentai dla storia dl pensier ozidental. Sie majer interes fova les problematiches che resulteia da la coscienza umana. Scienziés dla université de Bonn à sen ciarié te internet dutes les operes y les letres dl filosof, mort dant da 200 agn. Tl davegnì ti vegniràl dé ai navigadours ence la poscibelté de azede a les operes originales che gnirà reprodutes per internet con na scanscion di tesc’ originai.

Entratant végnel bele ofrì deplù edizions eletroniches dla opera de Kant che vegn en pert venudes comerzialmenter. “Nosta vijion é la soula che tol ite veramenter dutes les operes, sclut ite les letres y i manuscric”, spliga l professour dot. Winfried Lenders, un di majers studiousc de Kant.
La banca de dates vegnirà amplieda con i resultac plu nuefs di studes kantians per ester enscì demeztroi atuala tl ciamp dla archirida. Ti proscims doi agn vuel i archiridours en plu, con l aiut dla comunité todescia per la enrescida, la Deutsche Forschungsgemeinschaft – DFG, informatisé duc i libri de ensegnament anuzés enlaouta da Kant, con laprò ence sies anotazions personales. Duta la opera giàten a la miscion http://www.ikp.uni-bonn.de/kant/.

3 iadesc liet