Streda dla Val Badia: finalmenter tla rei dles stredes derturedes
I laours sun la streda dla Val Badia podessa vegnì completés con valch zirconvalazion
Che i laours va inant con la daurida de n trat de streda nueva é dessegur na bela cossa y nes lascia speré da avei na streda dertureda y comededa entiermenter, ence sce al passará via ciamò valch ann. I laours a San Laurenz, l trat dant Lungega y Punt de Fer é i plu emportanc, ma la opera podessa vegnì completeda con d’autri mioramonc desche con valch zirconvalazion.
Una dles prumes does galeries daurides al trafich chest meis.
La streda dla Val Badia da dorteré y comedé ne é nia en projet nasciú souranuet, ma pié via dant 30 agn con studes y propostes dl comprensore de Puster y ruvé a la realisaziun concreta con la touta su tl program dles operes prioritares dla Provinzia ti agn nonanta. Nia demé la SVP, ma tamben les aministraziuns locales y i LADINS à mené tres do che ala garete tant inant. Ai festidesc dl’aministrazion provinziala y di assessours ai laours publics per mené inant dl dret vers l’opera ti végnel reconesciù l dret merit. Al é ben ence ora che la streda dla Val Badia vae con i temps y con la rei de stredes derturedes y potenziedes enceria.
LADINS, H. Demetz
(0)Al ne me plej nia
(0)2 iadesc liet