La Presidenza dl Consei regional sul viade

 

Vijita istituzionala ti Grijons

Les relazions dess vegnì mioredes y intensivedes

Encuei y endoman (26.8 – 27.08.2003) fej na delegazion dl Consei regional metuda adum da Franz Pahl, Gino Fontana, Carlo Willeit y Ilda Pizzinini sciche Presidenta dla UGLD na vijita istituzionala ti Grijons. Encuei da doman é i raprejentanc vegnus touc ite a Cuira/Chur dal President dla Lia Rumantscha, Jon Derungs, y dal Parlament dl Cianton che cumpeida 120 deputac (ben 43 é Rumanc). Derungs ti à mostré y splighé la strutura y l’ organisazion dla LR, la lia culturala de tet che aministreia y partesc su autonomamenter contribuc per l’assistenza, l’informazion, la formazion culturala y la scola tla amonta de passa 1.500.000 Euro.

Derungs à te chesta ocajion ence rejoné dla situazion particolara dl lingaz recordan ence valch aspet negatif sciche l sourapeis dl todesch y dl ingleis, l frazionament intern di ladins, la passivité dla jent y la mancianza de finanziamenc. Do la vijita al Ciastel dl Vescul é l di da endoman resservé a ejaminé i contac anter rumanc grijons y Ladins dles Dolomites per vedei olà che les relazions podessa vegnì mioredes y intensivedes.

1 iadesc liet