Boscele: n juech per fé conesce l ladin dolomitan
Nadia Chiocchetti, Daria Valentin y Karin Pizzinini podarà pié do en doman n pest particolar
En doman, venders ai 14 de messel 2006, podarà i realisadours o miec les realisadesses dl juech a chertes “Boscele” pié do n reconesciment spezial: l pest “Alta Qualità per l’infanzia Il Grillo”. Al se trata de Nadia Chiocchetti, Daria Valentin y Karin Pizzinini. La festa de premiazion vegn metuda a jì adum con l Consorz turistich Alta Badia en convenzion con RAI Tre y RAI Sat Ragazzi y con l patrozine dl Departiment de Scienzes dla Educazion dla Université de Bologna, dl’Unicef y dl Antoniano de Bologna. Ai cartadours ti pléjel propi l juech!
Al se trata de n juech realisé y prejenté en l ann passé da la firma Chreativ srl – Alta Badia, pro chel che pérs de chertes mess vegnì metudes adum te deplù manieres, abinan fora les dretes imagines da mete apèr les dretes paroles te desvalifs idioms ladins, te ladin standard, ma nia demé, ence per talian, franzeis, ingleis y todesch. “Boscele” lieia adum juech, orela curta, conzentrazion y memoria, permetan de pié via da vigni idiom ladin dles Dolomites per conesce l ladin standard y de fé tamben n confront con i lingac plu emportanc.
La sourandeda dl pest é en doman, vender ai 14 de messel 2006, da les 5 domesdì tl Salf dles manifestazions a La Ila.
(0)Al ne me plej nia
(0)2 iadesc liet