La campagna litala met man

La Lista LADINS fej sia pruma placatazion

Placac trilings a Bulsan dess ence descedé l interes di talians y di todesc

La Lista Ladins envieia via sia campagna prelitala che vegnirà fata da la proscima edema inant tla zité de Bulsan. Ala se trata de de gran placac (100 x 70 cm) che vegnirà tachés fora te duta la zité y che remagnará per passa trei edemes. Les tematiches é relatives ai debujegns dla popolazion ladina fora dles valedes, ma ales reverda tamben la popolazion todescia y taliana dla zité capitala dla Provinzia. I placac á perchel ence la funzion de aleté potenziai litadours nia-ladins.

Sun l placat CULTURA:
Scola – plu lingac
zenza lascé sun na pert la rejoneda dla oma.
Plu cultura y plu partezipazion danter les cultures.
Inoms geografics tl respet dla evoluzion storica.
N segn dla cultura ladina tla capitala provinziala.
RAI-TV-Provinzia – n servisc publich o sovenzioné per duc i grups.

Sun l placat SANITÉ:
Manco palac – plu assistenza.
Temps da aspeté y tickets – da reduje.
Imigrés – i tò su y inserì con plu orden.
handicapés y atempés – degun aument dla partezipazion direta ai cosc’ y deguna couta de segurté.

Sun l placat LAOUR:
Ofizes per l zitadin.
Proporzionala da respeté – sce debujegn da adaté.
Boteighes y piceres imprejes artejanales te zité.
Informazion a la man y dreta sun l marcé de laour.

Sun l placat TRAFICH:
Plu orden – manco fuera.
Stazion dla ferata nueva tl zenter.
Limité la ocupazion de plazes y stredes.
Mioré l trasport per aria.

Al me plej

(0)Al ne me plej nia

(0)

1 iadesc liet

Ortiede inant tres