“Jent Ladina Dolomites” y “MPL Ladins” enjignés te internet
Sies plates internet pò bele vegnì cherdedes su en previjion dles lites provinziales de november dl 2008 – Mussner ne à nia ademplì sia enciaria da “assessour ladin”
Per cie che reverda les plates internet é les does formazions politiches “Jent Ladina Dolomites” (JLD) y MP Ladins, sen unides te na alianza litala, enjignedes a dé informazions y deslarié sies intenzions y si obietifs. Per “Jent Ladina Dolomites” se tràtel dantaldut de mané n secont raprejentant a Bulsan y de abiné adum chel 40% de oujes nia-Svp tles valedes ladines che se spidiceia scenò te n grum de partis. Nia contra la Svp, ma dlongia la Svp o tla Val Badia enfinamai con la Svp. L vare de “Jent Ladina Dolomites”, alias”Amisc dla Ladinia Unida”, fova belau inevitabel do che Florian Mussner se à batù tant dassen, publicamenter y ciamò cotant deplù dovia, contra l referendum da souramont. Mussner ne à nia ademplì sia enciaria da “assessour ladin” de chest vers.
Aladò dla popolazion ti spétel perdret ai ladins 2 scagns tl consei provinzial, ma demé ti vegn atualmenter asseguré, ajache sun 9.000 litadours tòmel 1 n raprejentant. I ladins tla provinzia de Bulsan é clermenter sotraprejentés. Demé 1 n conseier provinzial ne basta nia plu a ti dé ousc a la popolazion ladina.
L sit de Jent Ladina Dolomites pòn cherdé su sot a y che dl MP Ladins sot a
(0)Al ne me plej nia
(0)2 iadesc liet