Trent ti tol la venta a Bulsan
L “Servisc per les mendranzes”: an à a la leta n grum de informazions atuales sun les ativités a ben dles mendranzes linguistiches desche ence na newsletter tres atuala
Al paia n iade la mueia de fé conesce plu avisa l “Servisc a les mendranzes linguistiches” dla provinzia de Trent che reporta vigni edema n grum de noveles sun les ativités de majer enteres dles mendranzes tla provinzia de Trent, zimbri y mochens, y dantaldut di ladins. Chest servisc met ence adum na newsletter edema per edema y aboc plu gonot sun les noveles stampa che reverda chestes mendranzes sun i sfueis trentins. Enscì pòn vedei che sun l “Trentino”, plata che fej pert desche l’Alto Adige (Bulsan) y l Corriere delle Alpi (Belun) dla medema ciasa editoriala, végnel publiché da n valgunes edemes na “plata ladina” vigni edema.
De chestes se festidieia la Union Generela y respetivamenter la Union di Ladins de Fascia. Desche an ne veid nia demé da chest ejempl (ma ence da n valgugn de autri: certl lital, comun general de Fascia, convenzion con la Generela) ti tol la provinzia de Trent de gre en gre la venta a Bulsan te chestions de promozion dla mendranza ladina.
La plata pò vegnì cherdeda su sot a chesta miscion http://www.minoranzelinguistiche.provincia.tn.it , o clichede sun chest liam: Servisc a les mendranzes linguistiches.
L sit contegn tamben na lignola de liams che pò ester de uega.
(0)Al ne me plej nia
(0)1 iadesc liet