Zifres dal setour dl turism, setember 2003
Manco ghesc’ todesc ti hotiei sudtiroleisc de setember 2003, ma ai fej dutaorela fora doi terc
(if) Tl meis de setember àn registré n regres dl 4,3% dles vegnudes y n regres dl 1,3% dles prejenzes a paredl con l medem meis dl ann passé. I tasc de variazion é vegnus calcolés da pert dl Istitut provinzial de statistica (ASTAT) sun la basa di dac dles lies turistiches de Südtirol (con n degré de corida teritoriala pér al 93,9%). Chest regres é da adebité dantaldut a la caleda di ghesc’ todesc (-9,3% tles vegnudes y – 4,2% tles prejenzes a paredl con l meis setember 2002). I todesc raprejenteia empò ciamò plu de doi terc (le 70,4%) dles prejenzes complessives. Nience l andament positif di flusc turistics da la Svizera (+14,3% y +16,6%) y da la Talia (+6,9% y +7,0%) é stés bogn de ouje chest trend negatif global.
I dac provisors dla sajon da d’isté 2003 (da mei a setember) segnaleia n aument dles vegnudes (+3,0%) y prejenzes stabiles (+0,3%), con de bogn resultac da pert di turisc’ svizers (+19,3% tles vegnudes y +22,1% tles prejenzes). I svizeri à raprejenté l 3,5% dles prejenzes registredes d’isté 2003. I ghesc’ todesc fej empò fora plu dl mez (50,4%) dles prejenzes complessives, ence sce ai é jus endò dl 4,7% tles vegnudes y dl 5,4% tles prejenzes.
Alencontra fej fora l aument di ghesc’ interns (+14,1% tles vegnudes y +6,8% tles prejenzes) plu de n terz (37,9%) dla domanda turistica da d’isté te Südtirol.Tl meis de setember 2003 à depierpul nost vejin, l “Land Tirol”, registré n regres dl 0,8% tles vegnudes y n aument dl 4,2% dles prejenzes en confront a la medema perioda dl ann passé. I resultac provisors dla sajon da d’isté 2003 indicheia na chersciuda dles vegnudes y dles prejenzes respetivamenter dl 0,8% y dl 1,4%. (fontana: osp)
(0)Al ne me plej nia
(0)3 iadesc liet