Strumenc linguistics per i mutons sunsom a la lista dles priorités
La sajon da d’isté gnirá daurida con na esposizion sun i laours y les massaries da artejans ti salfs dl Istitut
L Consei dl Istitut Ladin Cesa de Jan à tegnù ai 2 de merz 2006 na enduneda per definí la programazion y l plan de atuazion dles desvalives ativités y scomenciadies da conduje inant entratant l ann 2006. Anter les ativités proponudes él vedù dantfora la stampa y la prejentazion, ciamò dant la fin dl isté, dl secont volum con la publicazion reelaboreda dla tesa de laurea dl dot. Ivan Lezuo che à enrescì do la economia soziala y sanitara ta Fodom tl temp anter l 1700 y l 1800 centené.
L Istitut vuel enjigné ca desche prum vare truepes letures per i mutons. N concurs leterar a prems dess daidé do.
An à bele scomencé de laoré adum persones espertes per laoré fora valch strumenc de ensegnament linguistich adatés per i mutons, tiran ite ence i mutons tla fasa de realisazion. Tres per i mutons él gnù fat fora de publiché n zacotant de operes bele enjignedes.
Plu inant ti dà l Consei dl Istitut plen sostegn a la proposta dl diretour Stefano Lorenzo de scrive fora n concurs leterar a prems per conties ispiredes a les liejendes ladines o a temesc de carater fantastich liés a les montes dles Dolomites per ti dé sprom a la produzion y a la publicazion de scric ladins. An à spo analisé idees da trapone te projec da podei finanzié tres la lege 482/99 tl ann 2006. Enultima él gnù aprové la proposta de realisé ti salfs dla Cesa de Jan deberieda con la Union di Ladins de Col na esposizion sun i laours y les massaries da artejan che daurirà la proscima sajon da d’isté.
Istitut Ladin Cesa de Jan: plans y projec- Istitut Ladin Cesa de Jan: curs de lingaz aministratif
- Prejentazion dl vocabular dl ladin-fodom / talian-todesch
- Vocabular ladin-fodom: Relazion dl dr. Giovanni Mischì La pruma publicazion dl Istitut Ladin Cesa de Jan
- Col de Santa Lizia: Istitut Ladin Cesa de Jan
- Enaudazion dl Istitut Ladin Cesa de Jan a Col Santa Lizia
- Istitut Cultural Ladin Cesa de Jan: an ponta sun l ladin standard
- Istitut Ladin Ciasa de Jan a Col de Santa Lizia
- N terz Istitut Cultural Ladin
(0)Al ne me plej nia
(0)2 iadesc liet