Isi Kostner endò anter les mioures
Tles ultimes edemes àla endò recuperé sia vedla forma y la segurté che an adora
Isi Kostner de Urtijei/Gherdeina, ti ultims agn la steila dla scuadra taliana con 49 deventes te Copa dl Mond, does outes declareda sportista dl ann, ova abù dassen da patì do n inzident sun pista en l ann passé a Lake Louise y à fat ert da se remete. Ala à duré codie che ala fossa endò en plena forma. Te chesta sajon de gares de Copa dl Mond, desfortuna do desfortuna. Encandenò se àla out enier: Isolde Kostner à arjont l second post a Haus tl’Austria, do la todescia Maria Riesch y dant la austriaca Renate Goetschl y encuei l prum post tla desceisa.
Entratant les ultimes edemes àn podù vedei che ala jiva endò suvers. Ela enstessa à declaré che ala à “plu y plu endò giaté zeruch segurté da Nadel encà”. Defat a mez jené òvela arjont n setim post a Cortina y se ova enscì endò sburlé dantcà.
(0)Al ne me plej nia
(0)3 iadesc liet