Anpezo
Da la fin de merz inant métel man tla Ciasa dles Regoles a n'Ampez endò l curs de ladin-ampezan metù a jì dal Istitut Ladin "Cesa de Jan" deberieda con l comun d'Ampez y les Regoles. L curs dl ann passé à abù bendebot de resson y ence chest ann se aspéten na gran partezipazion.
Anpezo
Scrive ladin-ampezan
Emparé y scrive ampezan
Da mez otober 2009 inant peien via a n'Anpezo con doi cursc de ladin-ampezan per chi che vuel emparé da l rejoné y da l scrive.Al se trata de 10 encontedes.
Cortina 2015: Copa dl Mond
Enier él vegnù sclut ju a Cortina n auter vare emportant devers la candidatura de Anpezo per i Mondiai de schi alpin dl 2015, do ester jus fora a vuet per l 2013. Al se trata de na prejentazion preliminara che dess convence la FIS de ti sourandé i campionac a Anpezo y nia a St.Moritz/San Murezzan (CH) o a Vail/Beaver Creek (USA), tamben en gara. A Cortina d'Ampez fòvel vegnù organisé dl 1956 les Olimpiades, dedò él sté chiet con de gran manifestazions, tout fora les gares singoles de Copa dl Mond de schi.
Ciases per families regolieres
Les Regoles d’Ampez à envié via i prums varesc de projetazion per tramudé la ciasa forestala, clameda Vera, te na ciasa de abitazions per families regolieres. N contribut per mantegnì les abitazions tles mans de jent dl paisc. L edifize vedl vegnirà trat ju y fat su aladò de criters architetonics nuefs con trei abitazions de 70-80 mq per 3 families, con cianeves y plazes da parché sot tera ite. Ra Ciasa de Ra Regoles a Ampez.