Cie che an ciafia da arjonje con n lingaz standard scrit nes desmostra i ladins tla Svizra. Dai prums de messel encà pòn desçiarié ju (debant) l navigadour "Firefox 3.5" te na verscion rumancia.
Ence da pert dla Microsoft végnel pité da teledesçiarié n poch linguistich de "interface" che tol ite Windows Vista y aplicatifs sciche Word, Outlook, Excel y Power Point, finanzié y realisé da la Microsoft te sie program de sostegn informatich per lingac manco rejonés en colaborazion con la Lia Rumancia y l Cianton Grijon. Les istituzions te Sudtirol boicoteia depierpul la doura ofiziala de n standard ladin scrit, dejavantajan dassen i ladins, con conseguenzes grieves. Al é cler che demé tres n standard scrit pòn arjonje reconesciment deforavia.
L navigadour per rumanc pòn desçiarié sun http://rm.www.mozilla.com/rm (o cliché sun l logo). Sun l sit http://software.rumantscha.ch pòn ciafé deplù informazions sun la plataforma "Firefox 3.5" per rumanc grijon. Poester à un o l auter vueia de navighé empera empede con na verscion taliana, todescia o engleisa. Sce i essais da l instalé, végnel racomané de dejinstalé denant la verscion vedla. Sun l sit http://chatta.rumantsch-grischun.ch/ pòn ciafé informazions sun d'autres aplicazions internet per rumanc, n sit ofizial dl cianton grijon.
De chest ne afustieien samben nia sun l sit www.filcultural.info, enjigné ca dal assessorat ladin a Bulsan en colaborazion con l Cianton Grijon (y aministré a Bulsan), condut che redont de tel informazions fossa da trasmete tres l fil.
Deura su les fotografies y ciala a les splianzes clican lessù.
Microsoft: "Jau discurr rumantsch!"
Rumantsch Grischun, l standard scrit ladin ti Grijons.
- Tla rei per rumanc
- Friul: dirits dineats
- Suns, festival dla ciantia 2010
- Mujiga: Projet Suns
- Rumanc grijon te scola
- Friul: l vent se ouj
| |
| Liej inant... |
Al è zaromai di un pôcs di agns che, ai 27 di Fevrâr, il Comitât 482 al celebre la Zornade Furlane dai Dirits. Chê
La "Agjenzie Regjonâl pe Lenghe Furlane" envieia en sabeda, ai 28 de aost 2010, da les 21.00 a Udin a la seconda edizion de SUNS, l Festival dla ciantia te lingac de mendranza.
La ARLeF (Agjenzie Regjonal pe Lenghe Furlane) endrezeia via de setember la pruma edizion de SUNS, concurs per cianties te lingac minoritars rejonés tl stat talian y ti raions alpins. Ai 11 y 12 de setember vegnirà i grups/ciantautours, ratés miours da na juria, premiés tl cheder de n conzert a Udin.
I mesi nuefs de ensegnament tl standard scrit "rumanc grijon", moderns y plajoui, vegn entratant aplichés te entourn a 40 localités grijoneises, da la Val Müstair, al Grijon zentral enfin a tla Surselva, oben te entourn a 50 percent dles localités rumances. Al se trata dles scoles de cheles localités che à tout la dezijion de introduje l rumanc grijon (ladin scrit unifiché tla Svizra) te scola dal 2009/10 y de cheles che fova judes dantfora tl ann de scola 2007/08. Souraprò vàn inant con la formazion de istrutours che ti sta permez a les localités pionier con introduje l standard scrit rumanc grijon. Plu inant vegn la introduzion de gre en gre concialeda y valuteda da la université y da la scola auta de pedagogia de Friburg.
Ti ultims agn paròvel che la situazion tl Friul se oujessa al miour. Sun la basa dla lege 482/99 (la pruma a livel nazional) fòvel vegnù metù a jì truepes iniziatives.