Tles valedes ladines él prevedù per i dependenc publics l'indenité de trilinguism, ma nia dlonch fora dles vals ladines. Chesta indenité ti vegn paieda fora da chest ann ence ai empliés de n valgugn puec ofizes dla Provinzia con senta foradecà. L personal ladin ti ospedai endere ne ciafa inant nia.
Sen giata l personal tl ofize per les scoles ladines, tl ofize dl istitut pedagogich, tl ofize cultural ladin, i colaboradours di ofizes esterns a Brüssel y a Roma y l referent personal dl sourastant dla provinzia la identité de trilinguism, ence sce ai laora foradecà.
"Desmentié él depierpul vegnù l personal publich restant", dij Franz Fiung de Ladins Dolomites, "sciche l personal dla azienda sanitara y de autres istituzions dla provinzia". An se damana: é i ladins con sie trilinguism na mendranza manco de valuta che la mendranza di todedsc o talians? Chisc ultims fej l ejam de bilinguism y ciafa soura duta la provinzia l'indenité de bilinguism, belunfat olàche ai laora. I Ladins fej l ejam de trilinguism y na pert ciafa demé tles valedes ladines la indenité de trilinguism! "Chest é n parados y n tratament desvalif al livel de mendranza! I dependenc ladins che laora fora dles valedes ladines se damana n tratament valif y degn. N problem politich che mess vegnì traté dal raprejentant te jonta", se damana Franz Fiung.
- 08/05/2010 16:24 - Bandiera y inn ladins
- 02/03/2010 20:01 - Filo-todesc y filo-talians
- 26/02/2010 18:06 - No a na politica de estremisms
- 15/02/2010 17:38 - SAD: toponims ladins
- 22/01/2010 10:42 - Generela y Lia à enconté Platter
- 20/01/2010 00:00 - Generela: "Ladin dolomitan" sun les chertes d'identité
- 19/01/2010 19:13 - Cherta d'identité: LS te casseta
- 16/01/2010 19:24 - Cherta d'identité per ladin
- 05/01/2010 10:45 - La Svp seghita con n lim lital
Comentars
1. ince ala mesa dai sindacac adoron le maioranza y degun ater sindacat é a öna da lascé ia na gran pert de scioldi dl contrat por l' trilinguism,
2. pro düc i dipendenc publics el massa trec contrac da cambié (scora, finanza, försteri, strada, sanité, y y y)
porchel vara mat atravers na regola politica.
De bi salüc
franz fiung Ziteia
Al è dret che en chest cont ne vegnel nia plu scotè. Sce al ven propi ince te chest setour laurè con jent ladina ti dessel gnì reconesciu n identité implu.
Le spitol laora pò ince con jent ladina, porchel val debojegn che chesta identitè ti vegnes ince reconesciuda a dut le personal ladin che laora te spitol a Bornech y Balsan
Sce FRanz Fiungg se fej inant con coraje èl chesc dert. Metesse adum y damanessele Franz complimenc! Ziteia
RSS per respostes a chest comentar.