Noeles.info

La cherta de identité ence per ladin tla region Trentin-Sudtirol é na arjonta dl ex-parlamentar fascian Bepe Detomas.

Te Fascia vegniràl dé fora les prumes chertes, per fascian. La ligreza per chesta arjonta vegn endere dassen endeblida redont dal fat che per gauja dla Svp ladina ne vegniràl nia a se l dé na cherta metuda ju te n lingaz ladin scrit unifiché per duc i ladins tla region, ma te n idiom de valeda o te n mescedoz enjigné ca dal Istitut Ladin MdR. Donca é i ladins sen ofizialmenter ence despartis sun na cherta de identité.
Ladins Dolomites (LD) meina do che "la cherta de identité ence tl lingaz ladin dess vegnì deda fora soura dut Sudtirol". "Chest é n vare che mess vegnì dé per che la popolazion ladina vegne metuda sun l medem scialin de todesc y talians. Al ne basta nia che la cherta de identité con la dizion ladina vegne demé deda fora tles valedes ladines, se desmentian che ladins vìvel tamben foradecà. L Istitut Micurà de Rü é vegnù enciarié de studié fora i vocabui da adoré. Ala dess endere jì inant plu aslum; al joa puech, sce ales paroles ne végnel nia do i fac. I ladins ne aspeta nia plu", dij Albert Pizzinini de LD.

Deura su la vidrela, clican sun chest liam. Bele dl 2005: cherta de identité per ladin